b- Mt 27:66Dan 6:17
c- Mt 28:3Mt 17:2Ap 1:10
d- Mt 28:6Mt 12:40, 16:21
e- Mt 28:7Mt 26:32

Matthew 28

Jisas notanima nohafel wapotiꞋ

(Mk 16:1-10; Lu 24:1-10; Jo 20:1-18)

Nemaf anama esis Juda sapoma nomaꞋwanai Sabat nafeꞋ hiꞋalana, eaꞋ Sande
Basef ofagema ma nemaf Sande mape naꞋama. Diga Griki naloma diga Inglisi naꞋi nemaf naliꞋi ma wik. EaꞋ basef amama maꞋi maina nemaf? Amama ina alihima epes hiesi, owaꞋ. EaꞋ deiꞋ basef amama Sande mape buk anaeꞋ.
nemaf naliꞋma wik kuhimbita atona felefeleꞋma aon nielatowi, nematawa awama biawa Maria MakdalaiꞋwi kwaloma anoꞋw agel atotona Maria wafiꞋi ma wieti hiꞋagif.
EaꞋ sowambon luꞋunai nasol mehip. EaꞋ anona ensel Dembinai nisilaꞋi gani heven, nafeꞋ hiꞋagif nelefata owap anama nowalo uta nafeꞋ naꞋoh waꞋol eaꞋ natomana. Amaga ananinai howalona nafifil endilisi siꞋi otaga peleleꞋala howalagon eaꞋ luꞋwaguf maim ananimi afitim endilisi siꞋi ais mandati. EaꞋ soldia amama mumafi hiꞋagifi umbamaham kwapeteꞋam endilisi mowa maꞋoh etap siꞋi sagaꞋi. b, c, d, e 

EaꞋ ensel anama naꞋipa awau biawa naꞋi, “IpeꞋ bipa ina umbamehepa, owaꞋ. AeꞋ egawa ipeꞋ pafiꞋi paꞋi piti Jisas, aman anama esis sahana nagaꞋ lawag usiꞋinai tuꞋwanainai. Anan ina ataꞋ nape naꞋae, owaꞋ. Notanima nohafel eaꞋ siꞋi fowaꞋ naliꞋ naꞋipipa! IpeꞋ fiꞋi ma ataꞋ piti naꞋae naꞋoma. DeiꞋ wafigin nape. DeiꞋ ipeꞋ foꞋo mehip piꞋipa alupumi ananimi piꞋi, ‘Anan nahafel wapotiꞋ eaꞋ. PemeꞋ. Anan naliꞋipa nafeꞋ etap hiagoma Galili. IpeꞋ foꞋo potolona gani.’ Basef aeꞋami eaꞋ amama.”

EaꞋ awau umbamahawa eaꞋ wandanifel endilisi wapotiꞋ, mehip wakwaha hiꞋagif wasagih wafeꞋma wieꞋipa amam alupumi ananimi. DeiꞋ atef Jisas nati awau eaf nandaꞋmawa gude naꞋi, “Nemaf buꞋunai ipeꞋ.”

EaꞋ awo wafeꞋ felefeleꞋma anan wahapila boꞋwagah ananimi ma ondaꞋ lotuma anan.

10 EaꞋ Jisas naꞋipawa naꞋi, “IpeꞋ ina umbamehepa, owaꞋ. IpeꞋ bipa pefeꞋ piꞋipa amam owape aeꞋami mofoꞋo Galili. Atuwasi motolowe ganima.”

Basef amam soldia mumafi hiꞋagif

11 Nematawa awama biawa ataꞋ wafeꞋ eaf etin, anom soldia mumafi hiꞋagifi mafeꞋ mawis taun anama maꞋipa amam pris dambami ma amamaga amama matagai. 12 EaꞋ pris amama maloma agufumi esis Judai maꞋi anom basef mandameꞋmam eaꞋ maseꞋama moni hianai nafeꞋma soldia amama eaꞋ 13 maꞋipam maꞋi, “IpeꞋ piꞋiam naꞋama piꞋi, ‘Owamb afaꞋ waꞋihi, amam alupumi ananimi mafiꞋi makoalopana mofaꞋana.’ 14 Ama gavman dembinai nemeꞋ basefana, afaꞋ ondaꞋ okom ananinai awanena ipeꞋ basef aꞋepa.”

15 EaꞋ amam soldia mofaꞋ moni anama mameꞋ basef amamumi magiꞋmam. EaꞋ basef amama eaꞋ mafeꞋagon hiꞋalagon wambel hiagoma esis Juda, eaꞋ ataꞋ saꞋiam etin mafiꞋi matagama deiꞋ saꞋiam laꞋelaꞋef.

Jisas naseꞋama maol amam alupumi ma mofeꞋ meawalapa basef buꞋwami ananimi

(Mk 16:14-18; Lu 24:36-49; Jo 20:19-23)

16 EaꞋ amam alupumi 11-peleim mafeꞋ Galili mataga halaf anama Jisas naliꞋ naꞋipam meafeꞋma. 17 EaꞋ mati Jisas mafela agel ananinai manifelona. EaꞋ anom ukup biambiefim mapeim.

18 EaꞋ Jisas nafiꞋi felefeleꞋma amam naꞋipam naꞋi, “God naseꞋeana agel luꞋunai ma pepel ilifanai etapanai eaꞋ. 19 NaꞋama deiꞋ ipeꞋ pefeꞋ wambel hiagoma piwalipa amam nematawa sape wambotogw hiami piwalipasa basef buꞋwami aeꞋami, pendaꞋas sotaga alupisi aeꞋasi ma siela basef AeꞋami andeandeꞋ eaꞋ pipisiꞋas embela agel Ahalomei noloma AeꞋanai noloma Ambal BuꞋunai Ananinai. 20 EaꞋ piwalipasa sila basef buꞋwami hiami aeꞋami fowaꞋ awalipipami ma basef laꞋifimi. Endilisi aeꞋ ape alomepa ma nimeguf hiami danda, pefeꞋ pefeꞋ ma nemaf akutainai nogota hiꞋilana.”

Copyright information for `AOJFILIFITA