1 Timothy 1

Paulo' Luhuvo Nite' Apizo Gizaa' Gamazi Gizosa Timoteo'ni No'noho' Gamazi Gize-dine'

Do lu' izaa' ive O'mososi ido' lele'mize lamine' ilive ne neive lo gele medele minaa' unive Izesu' Kilisitokisi engi' nene Izesu' Kilisito' aposolo lolo' iline li lasido' lolo' uve neni' Paulo' luhuvo nite' meve nene gaza monoku' neni' gipe'ne gihile lolo' ogo minanive gei' Timoteo'ni nene nogize-giduve. Ne'mine ogosa meteho O'mosolati' ido' Guvetesi ve Izesu' Kilisitodati' nasahilikisi ido' mulumote ningaa' monovosi ido' hongu lo lamino minaa' monovo nesi nene lehizi-gidikesivo geito' minivoo losa noluve.

Evene' Soza Saza Gamazi Apizi nGimaa' Nani' Nene Alamilizangumu' Lo-ngedelive Lo Paulo' Timoteo'ni Lo-imine' Gamazi

Naza gomu' Makedonia misubouko volosa noogo ti' lo lo-gimuvoni' malo' nene e'meto ozo: Ado' Eheso numuno ebeku' hazavo' mino evene' malite mono' atoli'mine ma apizi evene' li-ngimaa' nani' nene o've lo-ngedosa avo'ningine di naba i-ngidi gulive'ine lika' lika' igi laa' nani' gamazi ado' ngeli li pili osu' lamilizado' o minine' gamazi nehe ido' gihile've nomine' gamazi ga'ninguti' gili lani' gamazi nehe ne'mine gamazimu' nene ga'ine gilivi' gilivi' amilizaze. Lo-ngedezo. A'mine gilivi' gilivi' igi minaa' naani' gamazi'mi monovomu' vise' igi gohi li volelo' melo' ika' ika' avo ne'mo nene madu'ine do lihitehe' o-ngedosa a'mine gamazi ne'mo O'moso'mo lulou' gele neine' akalo' nene ma ngele'mize molosa'mive. Asi O'mosolo' gele medele minaa' ne'movo' nene a'mine akalo' lele'mize molaa' neive. Ido' gaza ne'mine lo-ngedeline noluvoni' nene ingine a'mido' e'metisa lu'ningu' goloso monovosi nomivo mini ga'ningu' engi' monovo'inemu' ize' mili gilikevo laminekovo' minaa' ive mini apa nite' ami O'mosomu' gili ele'vole' gehepeve igi minilizadi'movo' lu'ine ngemaa' monovo nene engita soto' ogo minelive losa luvoni' ve. Ne'mine ilizangumu' nene noluvoni'za evene' linge ma nene mo a'mine aka lamine' nene huli zovo' izisa gihile've nomine' gamazivo' li volelo' melo' iga' nave. Ingine nene O'moso'mi lou' gamazi apizi ngimaa' ave lili' ilisa gilani'za ingine a'minemu' laa' naani' gamazi'mi monovo nesi ido' a'mine livi' kiselivi' igi lani' initeliti monovo nesi nene mo ma gili hehe lisa'mave.

O'moso'mi lou' gamazi nene laza ladeni amo gono'velo' gehepeve do molo olone' nene mo inite' lamine' gehepeve mineleseive. Ee, a'mine lou' gamazi neve nene evene' lisihe' i minavemu' nomive. Asi evene' ma lou' gamazilo' e'metamaa' ave gizengizelo' ve nizahe ido' O'mosomu' ngehelele izamaa' ive lihimelo' ve nizahe nemukisi ido' monovo lisihe' lamineto' e'metami mono'ine nomine' minave nizahe ido' me'ningine ize'ningine ngibili hilaa' ido' evene' ngibili hulaa' ave nizahe nemukisi ido' 10 vene' vemoho' gipe alu gopo ingi'mi monaa' ave nizahe vene' vemoho' ingaa' ani' avazahalo' e'meti ingami vene' angise'ine ingaa' avo vemoho' angise'ine ingavo iga' ave nizahe nemukisi ido' evene' gumine di halekiki moni daa' ave nizahe ido' sozalo' ve nizahe ido' soza gamazimu' lamine' nolune li a'ine dizaa' ave nizahe nemukisi ido' monovo gohi evene' ngele'mize lamine' iline' monoto' vo damaa' ine' malo' e'metaa' ave nizahe ne'mine alevemu' nene lou' gamazi ne neive lo gele minosa O'moso'mi lou' gamazi nene gono'velo' gehepeve do molo olone' nene a'mine lou' nene inite' lamine' gehepeve mineleseive. 11 A'mine ne'mine noluvoni' gamazi mene lamineku' minive O'mosolati' guvelesi gamazi lamineto' nene vo milise' o neive. A'mine nene O'moso'mo lo soto soto' ogo lo-ngemeline lo lehize-nede neine' gamazi lamine' mamu' nene noluve.

Izesu' Kilisito' Aza Paulo' Ve Goloso Mininguti' Ele'mize Lamine' Ogo Ei' Gonolo' Ve Lolo' O-dingumu' Opo'ni Line' Gamazi

12 A'mine gono dalongumu' amuzo nimive Guvetesi ve Izesu' Kilisito'nimu' nene isaa' neve lo opo'ni noluve. Ee, naza gomu' eze nene dovo ledevo' ogo mino evenele goboni molo-ngedo do goloso o-ngedaa' uvoni'za naza eze monovo gele guno amuvodi'mo ezemu' gele ele'vole' amo ne'mine oga' uvonako nemu' nene ise'ne izosa nenikumu' a'mine gono've nene ha dalido' o neive lo gele medele mino a'mine gonolo' nene nele'mize molaave. 14 Ne'mine o-nedoo Guvetesi ve aza vauve goloso elo nasahili' o-nedosa naza ei' Izesu' Kilisito'nimu' gele ele'vole' o mino lu'ne emelodo' nele'mize molangumu' nene opo'ni lo isaa' neve noluve. 15 Ee, Izesu' Kilisito' aza lihimelo' ve do ngu' izelove lo me misubou' limive gamazi nene mo gihile lamine' neive. Evene' muki' a'minemu' gele mu'musi' o minelonido' nene lisihe' o neive. Ido' lihimelo' ve engikuti' neni' neve nene lihimelo' ve naba minuve ne nouve. 16 Nouvoni'za Izesu' Kilisito' ise'ne izine' nene aza mo mulumote gelo geto lihime lemamo isete ize'mo ogo minaa' neine' monovo've nene nenito' gana' do soto' ogo ngelebizavo alinge' ezemu' gili ele'vole' igisa minevo' minevo' ngemeni dameni dalizave ningilizangumu' nene a'mine monovo've'mi avazaha pikisa ne'mine neni' nene minelongumu' ve losa ise'ne izine' ma neive. 17 Ogo voka' voka' iline' gamene mukito' Guvelesi ve naba minive helamaa' ive ado' evenelite ha ningelonido' amive O'moso hamo' minive nene do hozi lo opo'ni lo minevo' minevo' ogo minelone' nene oku' lamilihoo. Ne'mine ilihoo.

Timoteo' Mono' Gono Dalingu' Ogo Molo Iline' Monovomu' Paulo' Gala Dani' Gamazi

18 Gipe'ne Timoteoo, a'mine gono gamazi mene nolo-giduvoni' nene gei' monovoka do soto' ogo O'moso'mi veleti' gamazi ma gozopo' soto' ine' mamu' nene gele mino nolo-giduve. Ido' gaza a'mine gamazilo' mene noe'meto monoli'mi lovo lamineku' nene lovo hizeline losa nolo-giduze. 19 Ne'mine ogo mono' gihilemu' nene gele ele'vole' o mino madungau' nene monovo lisihe' lamine' neive lo gele nanido' gehepeve e'meto mineline losa nene nolo-giduve. Mono' aleve linge ma nete monovo goloso neive li gilaa' nani' madu'ine nene gili hulii mono' engito' minine' nene di gopo igisa mo goloso akalo' nivave. A'mine aleve engikuti' nene Himenaio' ve Alekisadelo' ve engi' nene nizasive. A'mine ve sita' nene naza O'moso divi ledivi' iga' asine' nene ningi gilisa gohi ne'mine amilisingumu' nene ningi gililisive losa do hulo heta o-ngedo Satani'mi anau' molo-ngedekuve.

20 

Mono' Muliseu' O'mosola Laa' Ilizangumu'

Copyright information for `ASO