a6:2Pal 20:4
b6:9-10Xal 5:19-21; Ep 5:5; Pal 22:15
d6:11Tit 3:3-7
e6:121Ko 10:23
f6:131Te 4:3-5
g6:14Rom 8:11; 1Ko 15:20; 2Ko 4:14
h6:15Ep 5:30
i6:16Mat 19:5
j6:17Ioa 17:21-23; Rom 8:9-11
k6:201Ko 7:23; 1Pi 1:18-19

1 Corinthians 6

'Ilixo sou ta Mitema Noxou Lataua Itulu no 'a Vaivaikala

Ia lexe ngingi vile utelo vaikala noxou menexu sou mii vile, la loxovaa anu uavuti sou ulaixu no laxune'i ta mitema ane iisalili uasi sou iilevinu ia ulaixu noxi'a ta mitema noxou Lataua uasi? a Mo ngingi ngalavusou lexe Lataua ta mitemau ne ulai la iilevine'i ta mitema sou lialia 'o? Mo lexe aloxo ne la loxovaa la ngingi ngailevinu vaikala kitukitu'a e muxolu no taingengi ne uasi? Mo loxovaa ngingi ngalavu lexe nenge tamomomo sou tailevinu 'ilixoi'a ta angelo. Loxovaa ngingi ngalavusou aloxo ne uasi? La mimii sou lialia 'o ne nenge tailevinu laixe sou mauli! Aloxo ne la sou lexe vaivaikala ane loxo ne uxali no taingengi la ngalaixu noxi'a ta mitema e ualasi'a uasi no nano no 'a lalotu ne mo ngatulu no ie'i sou iilevinu vaivaikalamengi! Eni elemolu mii ane 'o sou apamaelangengi, xo loxovaa anu se'isisi lexe vile no taingengi noxinge ne anu lavulavuu umomomo sou uiilevinu vaivaikala ane loxo ne no taine'i ane mimulaxu tane'i ne uasi? Ia uasi xo ngingi vile ne ulai utulusou vimou no ie'i ta mitema ane imuxaxu tane'i noxou Lataua uasi ne sou itelo vaikala noxou! Manina musuku lexe 'ilixo sou ngatulusinge ngatongato'o no 'a vaivaikala ne laaxu lexe ngingi ngauauli uasi ngelapau mukalu. Ia loxovaa la sou ngingi ngamalalixa'a sou i'oxo masuangengi ua? Xe loxovaa la sou ngingi ngamalanixi'a mo i'oxonu 'ilixo sou ipulumau mimemimengi ua? Ia uasi xo ngingi menge la ne ngekalavoi sou ngepuluma sou nge'oxo susu, ngingi nge'oxo mii aloxo ne noxi'a ta vivinge ne la. b Ngalavu uasi lexe ta mitema ane i'oxonu 'ilixo masumasua la umomomo sou ualasi'a utelo sou mimii no 'a saxisaxila'u noxou Lataua uasi? Mamu sou opongengi ukalavoingengi la. Ta mitema sou i'oxo 'ilixo sou vote'i mo ta mitema ane ilotu noxou lataua kalakalavoi mo ane'i ane i'oxo 'ilixo sou vote'i noxi'a ta sema ane mitautaula'i xe ta mulu ane ixiui'a ngatongato'o xe ta mulu ane 'ilixoi'a sou i'oxo 'ilixosou vote'i, 10 mo ta mitema sou pulumasi'a xe ta mitema sou valamoa
6:10valamoa ne laaxu lexe matea.
mo ane'i sou iiexu lexa pekia'u u'oki mo imunumunu xe ane'i ane iisu la ipulumasi'a la ane'i ane imomomo sou i'unalai no 'a saxisaxila'u noxou Lataua uasi.
11  d Mose'i noxinge ne tei la 'ilixomengi aloxo ne. Ia vaimomo 'o la Lataua mu'ulosinge mo ngexali laixe loxo anu ta na'u muisalili ne no anu ualasou Tila Iesu Kalisto mo no anu Uleenu Lataua.

Vasimenge ne Anu Taasou Uleenu Tavuna

12  e Mimii to se'i ne eni emomomo sou a'oxonu. Ia mimii tavu'alo ne umomomo sou usu'ulileli uasi. Mii tavu'alo ne eni emomomo sou a'oxonu ia umomomo sou eni amalalixu mii vile usaxila'ilo mo usakisakileli uasi. 13  f La'ilali ne sou oponenge xe oponenge ne sou la'ilali ia Lataua umamulone'i ilou ukei. Mo vosimenge ne mii sou vote'i uasi, ia anu mii noxou Tila, xe Tila a muxolu no vasimenge. 14  g Xe no 'a xaviinu la Lataua mutulusou Tila no 'a soli mo anu utulusinge kalumo. 15  h La sou loxovaa, ngingi ngalavusou lexe vasimenge ne Kalisito vasimolu ane uasi? Loxovaa umomomo sou eni ano'u Kalisito vasimolu ka apitanu ilou sema sou vote'i vasimele? Umomomo uasi ane. 16  i Loxovaa ngingi ngalavu lexe 'ei ane upitanu vasimolu noxie sema sou vote'i ne la ane'i ilou mixali vasime'a vilesisi. Xo vaikalasou muai aloxo 'o,

“ta tamei ipita la ane'i vasime'a vilesisi.”
17  j Ia anu ane ilou Tila ipita, la ane'i ilou ixali vilesisi no nano no anu Uleenu. 18 Ngaxexee no anu 'ilixo sou vote'i xo susu ane se'i i'oxonu ne no ale no vasimolusi, ia anu ane u'oxonu susu sou vote'i la anu molu ususu no vasimolu la. 19 Loxovaa ngalavu lexe vasimenge ne taasou lalotu noxou Uleenu Tavuna e Lataua mulosinge mo anu uxolu no nano noxinge ne uasi? Ngingi ne ngingisisi la uasi. 20  k Xo ngingi ne Lataua muno'u 'ulu tatilasinge misevile. Aloxo ne la sou ngatoxonu Lataua no anu vasimenge ne.

Copyright information for `ATA