a5:12Ko 4:7
b5:2Rom 8:23
c5:6Eva 11:13-16
d5:8Pil 1:23
e5:9Kol 1:10; 1Te 4:1
f5:10Lav 12:14
g5:15Rom 14:7-8
h5:17Rom 8:1; Xal 6:15
i5:18Rom 5:10
j5:19Rom 3:23-25
k5:21Eva 4:15

2 Corinthians 5

Taasinge no Anu Opo Loxotolo

a Ioxe nenge talavu lexe taasinge sou taxolu no anu no lia 'o ne umamulo, ia Lataua mutulusou taasinge vile. Anu taasinge lavu'u ne a uxolu teitexi no opo loxotolo. Tani ane ne ta mitema itulusou no avo'a uasi. b Aloxo ne la sou nenge tanenge utulu mo temasaxa lexe tano'u taasinge teitexi no opo loxotolo ne la sou usu'asinge loxo tokolomomenge. No mine loxo nenge ta tokolomo ne, la nenge vasimenge vitanisi uasi. Xo no mine nenge a uao taxoxolu no anu tani e uxolu umamulosi ane 'o sio, la nenge tanenge utulu mo tatavule tu'utu'umaxu ne. Xo nenge tamasaxa sou taxexeenu tani ane 'o uasi, ia lexe tatokolomo no anu tasinge sou opo loxotolo. Aloxo ne mo sou mii ma'ia ane sou usoli ne umomomo sou uxalixu mauli. Ioxe, anu Latauasi ane mukoinenge sou tava'u aloxo ne. Mo mulosinge Uleenu aloxo sosovo sou mii ma'ia ane anu muloonusinge ili'i.

c Anu aloxo ne la sou utotomu ne nenge taloopala pekia'u mo talavu lexe loxo no mine nenge taxolu no 'a tuala no vasimenge la nenge taxolu vaaxu noxou Tila. Nenge taxolu 'o ne tamulaxu tanengesi ia loxo tamaisou mii no ienge uasi. d Nenge ne taloopala pekia'u, eni avikala mo emasaxa mu'oki lexe taxexesou vasimenge 'o ia talai nenge'a Tila taxolu no tuala noxou Lataua. e La sou nenge xavinenge mo sou ta'oxonu u'osasinge no mine loxo nenge taxoxolu no tuala no 'a vasimenge no lia 'o mo taxexee no anu vasimenge kalumo. 10  f Xo nenge ukalusi ne taxali no tatexa no laxunu Kalisito sou ulosinge nenge vilevilesi ne lakolisou mii ma'ia laixe xe masua ane nenge te'oxonu no mine texolu no 'a vasimenge no lia 'o.

Xaixai sou Ulivunoxu Xolu Pita Noxinge Nenge'a Lataua

11 Ioxe anu aloxo ne, mo nexi telavu lexe ta'umolu Tila ne a loxovaa la sou nexi tatovonu sou tavikalane'i ta mitema pekia'u sou. Mii ane lexe nexi ta'oxonu ne Lataua mulavusou. Mo eni eloopala lexe anu mulamana no 'a xavutalamengi laixe kalumo. 12 Nexi a tatovo sou ta'itinexi noxinge la ne uasi. Ia takaukavu ano 'o sou ngingi nga'osasou 'ilixonexi. Mo sou ngingi ngamomomo sou ngakolinu vaikalai'a ane'i ane i'osa sou mii ane imaisou no alesi ia no nano no tane'i ne uasi. 13 Mo lexe nexi xavutalamexi uxovulaulau, la anu noxou Lataua, xe lexe nexi xavutalamexi ne muisalili, la anu loxo sou usu'ulingengi. 14 Xo tanutanuxu noxou Kalisito ne muavutilinexe xo nexi ne telamana laixe lexe itema vilesisi musoli si'a ta mitema mukalusi, la sou anu aloxo ta mitema mukalusi ne misoli. 15  g Mo Anu musolisinge mukalusi sou lexe ane'i ane ixolu imauli ne ixolu no 'a masaxa na'a la uasi ia imulinu masaxa noxou anu Kalisito e musolisi'a ka mutulu mumauli la nesi.

16 La sou usoko vaimomo 'o mo ulai ili'i ne nenge tatilovosou itema vile no 'a lavulavu sou lialia 'o uasi. Mo loxo tei la nenge tetilovosou Kalisito no anu vote'i ane loxo ne, ia nenge ta'oxonu la uasi ne. 17  h Anu aloxo ne, la sou lexe itema vile uxolu noxou Kalisito la anu uxali alavua, ane tei ne a mulai ne io alavua a muxali! 18  i Mimii ane 'o ne anu molu noxou Lataua e mumomomosinge sou opo vilesisi la ne a noxou Kalisito nesi mo mulosinge xaixai sou ta'oxo opo vilesisi noxi'a ta mitema kalumo la. 19  j Mo a'alomexi ne lexe Lataua mu'oxonu opo vilesisi noxi'a ta mitema no lialia 'o noxou Kalisito. La sou Anu iou si'isou susu noxi'a ta mitema. Mo Anu mu'italonu a'alo sou opo vilesisi la a mune'e noxixe mo taa'aloxu noxi'a ta mitema. 20 Anu aloxo ne la sou nexi ne tasosovosou Kalisito sou taa'aloxu, aloxo Lataua anu a uxolu noxixe ia u'ava'ava ne. Nexi tasolonu Kalisito anaxu sou tatalitali'isinge lexe opo vilesisi noxou Lataua uxolu noxixe la. 21  k Xo Lataua mu'oxonu anu e u'oxonu susu vile uasi ne sou muxali loxo mususu ne singe, sou lexe nenge taxolu noxou la nenge taxali ta'isalili noxou Lataua.

Copyright information for `ATA