a8:1Rom 15:26; 2Ko 9:1-2
c8:71Ko 16:1-2
d8:9Mat 8:20; Pil 2:6-7
e8:12Mak 12:43-44
f8:15Mul 16:18
g8:242Ko 7:13-14

2 Corinthians 8

Mamaatola sou Iaiama Toxoxa'a

a Mo vaimomo 'o ta vivixe, nexi tamasaxainge sou ngalavusou alauna ane Lataua mulosi'a ta mitema e ilotu noxou Iesu no tuatuala ukalusi no xalee lia tila ne Makedonia. Ane'i ixolu no 'a tovotovo ane ialuxu musuku xe ane'i i'a mimii uasisi manina ia 'osa'osa noxi'a ne mu'ana'ana mutelo mu'oki manina no anu iaiama toxoxa'a. Xo eni aa'alo lamana lexe ane'i miitiu tapiena musuku loxo ane'i mimomomo sou iitiu, mo mu'oki musuku sio muaulixu sosovo sou iitiu. Ane ne loxo ane'i me'a mi'oxonu no anu masaxana'asi. Ane'i mitalisixe pekia'u sou lexe i'una no anu alauna mo xaixai noxou ane ne ulai noxi'a ta mitema noxou Lataua ne Ielusalemu. Mo ane'i mi'oxonu loxo nexi teutitiou nesi uasi, ia tei la ane'i me'a milosi'a milai noxou Tila xe ili'i la sou ane'i me'a milosi'a mine'e noxixe ne mimulinu masaxa noxou Latauasi. La sou nexi tevikala pekia'u noxou Tito, xo anu musokou xaixai ne tei, la sou lexe anu usolonu mo ukalusou xaixai sou alauna ne singe.
8:6Tito anu mutaxusou lamoli.
c Ia lexe ngingi ngexali laixe manina no anu mimii latala mukalusi loxo ngamulamulaxu tangengi mo vaivaikalamengi xe lavulavumengi mo tangengi sou su'uli xe no anu masaxasixe la ngamaisinge lexe ngingi ngaxali laixe manina kalumo no anu alauna ane 'o sou ngaitinu mii.

Eni avikala pekia'u noxinge uasi ia amasaxa sou atovonu laixenu tanutanuxu noxinge ne lexe tatila no mine atilovosou lexe masaxa sou su'uli noxi'a va'axu ne uxali manina no tangengi maninasou. d Xo ngingi ngelavusou alauna noxou Tila noxinge Iesu Kalisito ne lexe Anu ne loxo itema sou lavuluti ia loxo mu'oxosinge la sou muxali loxo itema sou lavuluti uasi mo sou no anu 'ilixo sou mimii noxou ne la ngingi ngamomomo sou ngaxali loxo ta mitema sou lavuluti.

10 Mo eni apela'inge laixe no 'a iaiama e ngingi ngaavuti sou nga'oxonu. Tau lele'e ane mukalu 'o la ngingi ngeuli no 'a iaiama ne sou ngeitiu, xo ngingi ngemasaxa sou nga'oxonu aloxo ne. 11 Aloxo ne la sou vaimomo 'o ngakalusou xaixai ane ne mo sou masaxa sou pekia'u sou lexe nga'oxonu ne, laixe sou ngakalusou no anu ne. 12  e Xo lexe masaxa sou ngaitiu mii anu a uxolu noxinge ne, la sou mii ane ngaitiu ne anu loxo mii laixe e anu u'osasou. Lexe ane'i vilevilesi imasaxa imomomo sou ilosou la ane'i ilosou, xe ane'i i'a uasi la anu mii vile uasi.

13 Masaxa noxixe ne sou lexe ane'i mose'i ixexee tu'umaxu io i'italonu tu'umaxu noxingesi uasi ia lexe ngingi ngongi'a ngaxamuli ialuxu ukei, la mimii ne umomomo laixesi. 14 No anu voxo vaimomo 'o la ngingi mimemimengi piena ne ngaitiu sou umomomo sou mii ma'ia ane ane'i imasaxau, mo sou ili'i xe mii ma'ia piena la iitiu sou umomomo sou mii ma'ia ane ngingi ngamasaxau. Aloxo ne la sou mimii umomomo laixe. 15  f Aloxo Lavuku Tavuna teinu mikaukavusou lexe,

“Anu ane mupitanu piena ne na'u tapiena musuku uasi,
xe anu mupitanu tata'eisisi ne na'u tata'eisisi avile uasi.”

Mipalusou Tito Mulai ne Kolinito

16 Eni alemolu laixe noxou Lataua, e mumulaxu masaxasinge iouvilesisi loxo ane uxolu noxilo no nano noxou Tito tanu kalumo sou tasu'ulingengi. 17 Xo nexi tetali'isou lexe ulai noxinge la anu u'osasi uasi, ia anu a unene'e noxinge ne no anu masaxa maninasou xe no anu xavutalasi. 18 Mo nexi a tapalusou vivixe e ta temanu lalolalotu mukalusi mi'itinu sou xaixai laixe noxou sou mua'aloxu a'alo laixe noxou Iesu ne a ilou ilai. 19 Mii anenesi uasi, ia anu ne ta temanu lalolalotu misosovosou sou muvaitaonexi no mine nexi tetavulenu iaiama e nexi te'oxonu sou tatoxonu anu Tila no anu mo, sou tamaxa'u masaxa maninasou noxixe sou su'uli. 20 Nexi tamasaxa sou xavutalamengi masua lexe nexi noxou tapolo xalonu iaiama no anu vote'i vile uasi. No anu vote'i ane nexi taxaxai sou iaiama tatila o no anu laixesi. 21 Xo nexi tamasaxa sou ta'oxonu mii ma'ia e muisalilisi ne loxo no iou Latauasi uasi, ia no ie'i ta mitema kalumo.

22 Mo vivixe vile la, nexi tapalusou ilo'a ilai ne anu vivixe e tetovonu alaxu tavu'alo no anu vote'i piena mo temaisou lexe anu ne masaxa noxou mu'oki. Xo anu muloopala pekia'u toxoxa'a mune'e noxinge vaimomo 'o sou usu'ulingengi u'oki manina. 23 Xe Tito ne, anu loxo menexilo sou noxou taxaixai nonixi noxinge, io ta vivixe ne ane'i loxo ta mitema sou a'alo noxou Iesu no anu lalolalotu xe sou uala tila noxou Kalisito. 24  g Aloxo ne la sou ngamaxa'u lamanaxu tanutanuxu noxinge ne ulai noxi'a ta mitema ane ne mo taitingengi no 'a xaixai noxixesi, mo sou ta tema lalolalotu ukalusi ne imomomo sou imaisou lexe manina.

Copyright information for `ATA