a10:4Tan 12:4, 9
b10:5Lap 32:40; Tan 12:7
c10:7Amo 3:7
d10:9Ese 2:8–3:3

Revelation of John 10

Angelo Xe Kaukavu Vile Kitu'a Mipipinu

Mo eni emaisou angelo vile la xaviinu musuku molu teitexi no opo loxotolo mulu'e. Anu mulu'e la tamuxala mutaasou vasimolu mukalusi mo muloxu lele'e muxolu no kisou mo iou loxo aso xe tava'u loxo atola navu u'ani'ani no anu. Mo anu mutetelisou kaukavu vile kitu'a mipipinu muxavutala muai no avolu. Anu mutulusou tava'u tema no luaki xe tava'u ae mutulusou no lia. Anu mutulu mukalu, la muunga toxoxa'a loxo laeoni. No mine anu muunga, la lele'e muxatele tamei mukululu sou muvikala. a Xe no mine lele'e muxatele tamei muvikala, la eni sou lexe asoko'u akaukavunu mii ma'ia ane eni elomusou ne. La ua, eni elomusou 'ava vile molu teitexi no opo loxotolo mulu'e noxilo aloxo 'o, “Napala'alixu mo nakaukavunu vaikala ane lele'e muxatele tamei mulemolu uasi.”

b La angelo e eni emaisou tava'u vile mutulu no luaki xe vile no lia mutolosou avolu tema mulai teitexi no opo loxotolo, sou musosovo lexe manina teitexi noxou anu ane umauli utotomu mo kaluxu uasi mo mukoinu loxotolo ilou lia mo luaki ilo'a ta mimii mixolu no anu. Xe mukalu, la muvikala lexe, “Lataua uvoovoxo la uasi! c Ia no mine angelo muxatele tameisou noxi'a utaunu xoolau noxou, la mii ma'ia noxou Lataua e mutalume ne, uxali lamana ukalusi aloxo anu muvikalane'i ta mitema sou xaixai vitanisi noxou ane ta mitema sou palomatana.”

Anu muvikala aloxo ne mukalu, la 'ava e eni elomusou tei molu teitexi no opo loxotolo mulu'e noxilo la muvikalaleli la aloxo 'o “Nalai mo nano'u kaukavu mipipinu ane muxavulala uai no avolu angelo e tava'u vile mutulu no luaki xe vile no lia 'ole.”

d La sou eni elai noxou angelo ne sou lexe ulosilo kaukavu kitu'a ane mipipinu. La anu muvikalaleli aloxo 'o “Nano'u mo na'ou. Na'ou, la tu'axu no anaxene loxo unuxu ia sixula no oponeni.” 10 La eni elai eno'u kaukavu kitu'a mipipinu noxou angelo avolu la e'ou. La tu'axu no anaxo loxo unuxu ia sixula no opoleli. 11 La anu muvikalaleli lexe, “Nini nalai mo napalomatane'i no anu mii ma'ia uxali ili'i noxi'a ta mitema tavu'alo ane mixolu no tuatuala mo, vaivaikalai'a iouiou xe ta tatanaanu tuala.”

Copyright information for `ATA