a6:1Pal 4:6, 5:1
b6:2-5Sek 1:8, 6:1-6
e6:8Iel 15:1-3; Ese 5:12, 17, 14:21
f6:11Pal 7:9, 13, 19:14
g6:12Mat 24:29; Apo 2:20; Pal 8:12, 11:13, 16:18
h6:13Ais 34:4
i6:14Pal 16:20
j6:15Ais 2:10, 19, 21
k6:16Luk 23:30
l6:17Ioe 2:11; Mal 3:2

Revelation of John 6

Sakisaki

a Mo eni emaisou Sipsip 'Olu mululusou sakisaki vile no anu sakisaki muxatele tamei. La eni elomusou vile noxi'a ta mii tami'a ne muvikalaleli la xolinu loxo lele'e upau la luluxu. Muvikala aloxo 'o, “Nane'e.” b Eni emalei la oosi kea vile a ututulu no talaxo. Itema ane muxolu no oosi lataanu ne, mutetelisou pasiko mo milosou kisivalu. La anu muiave mulai loxo itema muuliuli no anu 'oto'oto.

Xe no mine anu mululusou sakisaki tameisou, la eni elomusou tameisou noxi'a ta mii tami'a ne muvikala aloxo, “Nane'e.” La oosi vile ane lauolauoinu loxo navu ututulu no talaxo. La itema muxolu no latanu oosi ne, ane'i milosou xavi sou uxexeenu opo se'isisi noxi'a ta mitema no lia 'o ukalusi mo sou ane'i ive'a ngatongato'o isoisoli. Ane'i milosou viso vile tatila.

Xe no mine anu mululusou sakisaki tatalusou la eni elomusou tatalu sou noxi'a ta mii tami'a ne muvikala aloxo 'o, “Nane'e.” Eni emalei, la oosi vile ane muxusi a ututulu no talaxo. Itema ane muxolu no oosi latanu ne, mutetelisou mii sou itilovosou no avolu. La eni elomusou mii vile xolinu loxo itema no taiine'i ta mii tami'a ne. La anu muvikala aloxo 'o, “Uiti ngiaxu Lita vile
6:6aLita vile ne loxo Kilo vile no 'a lalaisi.
umomomo no anu Denalia
6:6bDenalia vile noxi'a ta Romu ane anu uulu sou itema vile uno'u sou muxaxai no anu no voxo vile lololi no xai ane lingamo.
vile. Xe bali ngiaxu Lita tatalu umomomo no anu Denalia vile. Ia nga'oxo masuanu ueli ilou uaini uasi. Ia ngasaxila'u uulusou laixe.”

Xe no mine anu mululusou sakisaki tami'asou, la eni elomusou kaluxusou noxi'a ta mii tami'a ne muvikala aloxo 'o, “Nane'e.” e Eni emalei, la oosi vile ane kuakuala a ututulu no talaxo. Itema ane muxolu no oosi latanu ne, ualasou lexe soli. La tualasi'a ta mitema misoisoli muxolu 'alai noxou. Ia Lataua mulosi'a xavi sou ive'ave'a ta mitema no lia 'o no xalee tami'asou. Ive'ave'a no anu viso mo kaetoto xe pipiena masumasua. Mo ta mimii ta vova no lia 'o ive'ave'a.

Xe no mine anu mululusou sakisaki ta'uvesou, la eni emaisi'a ta mitema e mive'ave'a uleene'i no valovalo laaxu. Ane'i mive'ave'a xo ane'i mimulinu vaivaikala noxou Lataua xe mimuxamuxaxu tane'i noxou Iesu mulai mutalo no mine misoisoli. 10 La ane'i mi'ava tatila aloxo 'o, “Nini Tila e usaxilaixe mo ninisisi Lataua noxixe xe nini itema sou kalavoi uasi. Nexi taxolu voxo ta'ei, la sou nini natulusi'a ta mitema ixolu no lia no anu vaivaikala mo nakolinu sialunexe?” 11  f La anu mulosi'a tokolomo kea vilevilesi mo muvikalane'i lexe, “Ngaxolu maxuvee sevile 'o, mo ngaxomaie'i ta mitema sou xaixai vitanisi noxilo ane ane'i ta vivinge noxou Iesu mo ive'a isoisoli 'o loxo ane'i mi'oxonu noxinge. Lexe itiitisi'a umomomo ukalu, la sou eni akolinu.”

12  g Xe no mine anu mululusou sakisaki muxatelevilesou xe eni emalei, laliua toxoxa'a muxali. La aso muxali suinu loxo tokolomo vile muximuxi mi'oxonu no anu mee laxusou mo so'io muxali lauolauoinu loxo sialu. 13  h Mo ta oto teitexi no loxotolo milapalapau milu'e no lia loxo atume toxoxa'a u'elesou ovu lovo ngangingangisou la ulapalapau ulai no lia. 14  i Xe loxotolo tasiauxu loxo mipipinu kaukavu, la laxalaxa'ilu ilou la'ola'olu no luaki mivulasou tanixa'a.

15  j Mimii ne muxali, la ta tatanaanu tuatuala mukalusi ilo'a ta 'ili'ili'a mo ta tatila sou xaixai noxi'a ta mitema sou 'oto'oto mo ta mitema sou lavuluti mo ta mitema xavixavine'i mo ta mitema sou xaixai vitanisi ilo'a ta mitema ane ane'i me'a isaxila'a mukalusi no lia 'o ne, milai mitalume no taxataxa mo no lavo'o laalaaxu. 16  k La ane'i mi'ava mulai no laxalaxa'ilu mo lavolavo'o lexe, “Ngalapau ulu'e mo ngatalumeiou iexi noxou ane ane muxolu no luu mo sou umaisixe uasi mo no anu la'ia noxou Sipsip 'Olu. 17  l Xo voxo toxoxa'a sou la'ia noxi'a ilou a muxali 'o la 'ei umomomo sou utuluxu?”

Copyright information for `ATA