a13:1Xav 8:15; Tit 3:1
b13:31Pi 2:13-14
c13:6-7Mat 22:21
d13:8Mat 22:39-40; Iak 2:8
e13:9Mul 20:13-15, 17; Lap 5:17-19, 21
f13:101Ko 13:4-7
g13:11Ep 5:14; 1Te 5:6-7
h13:121Ioa 2:8
i13:13Luk 21:34; Ep 5:18
j13:14Ep 5:11

Romans 13

Ngingi Ngaxolu no Laxa'a ta Tatilasinge no Tuala

a Ngingi latala ne ngaxolu no laxa'a ta tatilasinge. Xo nenge telavusou lexe ta tatilasinge e mixolu sou isaxila'inge no lia 'o ixali vitanisi uasi, Lataua molu mumulaxa'a mo mulosi'a xavi sou isaxila'inge. Aloxo ne la sou ta mitema e ilomuxa'a ta tatilasi'a uasi, la anu loxo ane'i ilomuxa'a ta mitema e anu Lataua molu mumulaxa'a uasi. Ta mitema ane i'oxonu 'ilixo aloxo ne, la ino'u lakolisou ne masua sou 'ilixo e ane'i mi'oxonu ne. b Ta tatila e mixolu sou isaxila'inge ne sou ta mitema ane i'oxonu 'ili'ilixo laixe i'ume'a uasi, ane'i mixolu ne sou ane'i ane i'oxonu 'ili'ilixo masumasua i'ume'a la ixolu se'isisi. La sou lexe nini namasaxa lexe naxolu laixesi mo na'ume uasi, la nini na'oxonu 'ilixo lailaixesi, la sou anu u'osasine mo u'itinu ualasine. Xo tatilasinge ne anu itema sou xaixai noxou Lataua ane, sou usu'ulineni la xoluxoluxene uxali laixe. Ia lexe nini na'oxonu 'ilixo masua la sou nini na'ume, xo nini nelavusou lexe laviso e anu utetelisou ne, utetelisou vitanisi uasi. Anu itema sou xaixai noxou Lataua, sou ukolinu la ulosi'a ta mitema ane ilavusou i'oxonu 'ili'ilixo masumasua navunavu. Aloxo ne la sou anu laixe sou nenge taxolu no laxa'a ta tatilasinge, mo ta'ume xo ane'i ilosinge navunavu, la sou nenge tamulinu vaivaikala noxi'asi uasi. Ia nenge ta'oxonu aloxo ne xo nenge telavusou manina lexe anu 'ilixo laixe sou nenge tamulinu aloxo ne.

c Xo anu tava'u aloxo ne la sou nenge vilevilesi tasu'anu lamoli ne, xo ta tatilasinge ne ane'i ta mitema sou xaixai noxou Lataua, la sou utotomu ne i'oxonu xaixai sou isaxila'inge laixe. La sou nenge tasu'anu lamoli ne ulai sou usu'uline'i. Mo lexe ivikalangengi sou naleanu lamoli ulai noxi'a sou mimii mose'i, la anu laixe lexe ngingi ngalosi'a. Mo lexe ivikalangengi sou ngasu'anu lamoli ulai noxi'a ta kisokisou sou tuala, la anu laixe sou ngingi ngasu'anu. Mo lexe ngaxolu no laaxu tila noxinge, la ngalomusou vaikalau mo ngamaxa'u 'ilixo laixe noxinge noxou, mo lexe vile uxolu kisinge, la laixe lexe ngingi ngatoxonu mo ngalomuxu, mo ngaxolu no laaxu, xe nga'itinu ualasou.

Anu Laixe Lexe Nenge Tamasaxainge Ngatongato'o Manina Xo Voxo a 'Alai Mukalu

d Lexe ngingi ngalingau mimii noxi'a ta menexinge, la ngakolinu uasi, uasi. Ngingi ngakolinu. Ia anu anesi 'ilixo sou ngamasaxainge ngatongato'o manina. Xo itema e umasaxai'a ta menexu musuku la anu mumulinu lapuloto noxou Lataua laixe mo mumomomo sou. e Nenge telavusou lexe lapuloto noxou Lataua muvikalanenge aloxo 'o, “Ngingi ane ngetaula'i, nga'oxonu 'ilixo sou vote'i mamu, mo ngavau itema usoli mamu, mo ngapakali mamu xe ngaisuxu ta menexinge mi'ami'a mamu.” Lapuloto ane ne ilou lapuloto mose'i e muxolu la ne anu mupita muxali no anu vaikala vilesisi aloxo 'o. “Anu laixe lexe nini namasaxai'a ta menexine laixe loxo nini nemasaxaine.” 10  f Itema e umasaxau menexu vile manina la anu umomomo sou u'oxo masuanu uasi. Itema e u'oxonu aloxo ne sou umasaxai'a ta menexu lailaixe, la anu mumulinu 'ilixo sou lapuloto manina.

11  g Xo eni avikalangengi sou nga'oxonu 'ilixo ne xo ngingi ngelavusou voxo vaimomo e nenge texolu no anu 'o ne. Vaimomo 'o anu voxo sou nenge taai la uasi, anu voxo sou nenge tatulu xo anu voxo sou tu'tu'umaxu la nenge tatulu pekia'inge. Xo no mine nenge temuxaxu tanenge alavua noxou Kalisito, la nenge texolu temolomolo tanenge no anu voxo sou Lataua upamaulinenge, la sou voxo ne no paxa la uasi, anu a mune'e 'alai mukalu. 12  h 'Olovoxo ne anu asou ukalu, mo anu asou lamana ukea. La sou anu laixe sou nenge tatautalonu 'ili'ilixo sou isivoxo ne mo uxolu, ia tano'u misomisou lamana mo tatelonu no vasimenge loxo tokolomo sou 'oto'oto. 13  i Anu laixe lexe nenge tamuamua'i uisalili loxo itema umuamua'i no lamana. Ia tamuamua'i no anu 'ilixo sou lavilelu toxotoxoxa'a mo 'ilixo sou taiexu lexa pekia'u mo 'ilixo sou vote'i mo tamulinu masaxa masua sou vasimenge mamu, mo talavilavinenge xe oponenge masumasuainge ngatongato'o mamu. 14  j Ia laixe lexe ngingi ngano'u Tila Iesu Kalisito une'e uxolu no anu maulingenge. Mo ngaxavutala sou ngamulinu masaxa masua sou vasimenge la mamu.

Copyright information for `ATA