a2:31Ti 3:11
b2:5Ep 5:22
c2:71Ti 4:12
d2:81Pi 2:15
e2:91Ti 6:1
f2:12-131Ioa 2:16
g2:14Mul 19:5; Lap 7:6; Ese 37:23; Xal 1:4; 1Pi 2:9
h2:151Ti 4:12

Titus 2

Vaikala Peletoto Ulai Noxi'a ta Mitema Se'i

Ia nini nalosieixu ta mitema lavulavu no anu vaikala manina noxou Lataua. Nini nalosieixu ta mulu ta aululu, la navikalane'i aloxo 'o. Imuxamuxaxu tane'i noxou Lataua mo tane'ixa'a ta mitema mo ixolu se'isisi sou itavule tu'utu'umaxu. Mamu sou iiexu uaini tavu'alo mo ta mitema imaisou 'il'ilixo laixe noxi'a la itoxone'isi xe ane'i me'a isaxila'u muamua'ixa'a laixe.

a Navikalane'i ta sema ta aululu kalumo lexe ane'i imulinu 'ili'ilixo ane Lataua mumasaxau loxo itema sou xaixai noxou Lataua umulinu, mo ivikala masua ulai noxi'a ta mitema uasi, mo iiexu uaini tavu'alo malaxo uasi, ia ixolu loxo ta sema sou ilosi'a ta mitema lavulavu no anu mii ma'ia ane laixe. Mo sou ane'i imomomo sou ilosieixu ta sema lexe ane'i imasaxai'a ta mulumului'a ilo'a ta 'ili'ili'a mo b me'a isaxala'u muamua'ixa'a laixe mo ilai noxi'a ta mulu va'axu uasi mo isaxila'u tani mo i'oxo se'isisi noxi'a ta mulumului'a ilo'a ta 'ili'ili'a xe ilomuxa'a ta mului'a laixe. La sou ta mitema ivikala masua no anu vaikala noxou Lataua uasi.

Navikalane'i ta maulu kalumo lexe me'a isaxila'u muamuaixa'a laixe. c Ia mii ma'ia ane nini na'oxonu, la anu upala'alixene no ie'i ta mitema lexe nini namitema sou xaixai laixe noxou Lataua, la sou ane'i imulineni. Nini nalosie'ixa'a ta mitema, la nalosieixu laixe mo namolovila'i no anu uasi, d mo navivikala la navikala ulapusi mo sou ta mitema ixalisou susu vile no anu uasi xe ta uluameni ivikala masua une'e noxine uasi, ia imaela xo ane'i vaikala vile sou ilea noxinge nengei uasi.

e Navikalane'i ta mitema sou ipalupalusi'a kalumo lexe ane'i ixolu no laaxa'a ta tatilasi'a no anu mimii tavu'alo ukalusi mo i'oxonu xaixai laixe sou ane'i i'osasi'a no anu, ia mamu sou itelo anaxa'a. 10 Mo mamu sou ipakali mimii noxi'a, ia ilomuxa'a ta tatilasi'a laixe. Ane'i ta tatilasi'a imaisou mii ma'ia ane ane'i i'oxonu, la imulaxu tane'i noxi'a manina mo iisuxu vaikala noxou Lataua, Anu itema sou pamauli.

11 Xo alauna noxou Lataua, anu muxali lamana sou upamauline'i ta mitema latala. 12  f No voxo ane nenge tamolo tanenge sou taxomaiou mii ane lailaixe – anu lailivu noxou Iesu Kalisito uxali no anu lamana noxou, anu Lataua noxinge tila, Anu itema sou pamauli, – la alauna noxou ne, anu ulosienge lexe no voxo ane vaimomo, nenge taxiu tumalingeu 'ili'iloxo masua e Lataua umasaxa uasi mo masaxa sou mimii tavu'alo sou no lia 'o, ia tasaxila'u muamua'inenge laixe mo tamuamua'i ulapu mo tamulinu 'ili'ilixo ane Lataua mumasaxau. 14  g Iesu Kalisito mu'italonu maulixu singe sou Anu muno'inge mulivulinenge no anu 'ili'ilixo masumasua mo mukalipalanenge loxo anu ta na'u manina, sou lexe nenge tamasaxa lexe ta'oxonu xaixai ane laixesi.

15  h Vaikala ane eni elosine ne, nini navikalane'i ta mitema no anu mo naavutilixa'a sou imulinu xe namomosi'a no anu susu noxi'a, xo Lataua musosovosine lexe nini itema sou xaixai noxou. Naxaxai laixe aloxo ne, mo sou evile sou uvikala masua ulai noxine uasi.

Copyright information for `ATA