Hosea 3

ויאמר יהוה אלי עוד לך אהב אשה אהבת רע ומנאפת  כאהבת יהוה את בני ישראל והם פנים אל אלהים אחרים ואהבי אשישי ענבים
ואכרה לי בחמשה עשר כסף וחמר שערים ולתך שערים
ואמר אליה ימים רבים תשבי לי—לא תזני ולא תהיי לאיש וגם אני אליך
כי ימים רבים ישבו בני ישראל—אין מלך ואין שר ואין זבח ואין מצבה ואין אפוד ותרפים
אחר ישבו בני ישראל ובקשו את יהוה אלהיהם ואת דויד מלכם ופחדו אל יהוה ואל טובו באחרית הימים  {פ}

Copyright information for Alep