Jeremiah 9


1ስለ ታረዱት ወገኖቼ፣
ቀንና ሌሊት አለቅስ ዘንድ፣
ምነው፣ ራሴ የውሃ ምንጭ በሆነ!
ምነው ዐይኖቼ የእንባ መጒረፊያ በሆኑልኝ!

2 ሕዝቤን ትቼ፣ ርቄ እንድሄድ፣
በምድረ በዳ የእንግዶች ማደሪያ ማን በሰጠኝ!
ሁሉም አመንዝሮች፣
የአታላዮች መንጋ ሆነዋላ!


3 “ሐሰትን ለመናገር፣
ምላሳቸውን እንደ ቀስት ገተሩ፤
በእውነት ሳይሆን፣
በሐሰት በምድሪቱ ገነኑ፤
ከክፋት ወደ ክፋት ሄዱ፤
እኔንም አላወቁኝም፤”
ይላል  እግዚአብሔር

4 “እያንዳንዱ ወንድም አታላይ፣
ወይም አታላይ ያዕቆብ

ባልንጀራም ሁሉ ሐሜተኛ ስለ ሆነ፣
ወንድም ከወንድሙ፣ ይጠንቀቅ፣
ባልንጀራም በጓደኛው አይታመን።

5 ባልንጀራ ባልንጀራውን ያታልላል፤
እውነትን የሚናገር የለም፤
ሐሰትን ይናገር ዘንድ ምላሳቸውን አሠልጥነዋል፤
ኀጢአትንም በማድረግ ራሳቸውን አድክመዋል።

6 መኖሪያህ
ኤርምያስን ያመለክታል (በዕብራይስጡ በነጠላ ቍጥር ተጽፏል)
በሽንገላ መካከል ነው፤
ከሽንገላቸውም የተነሣ ሊያውቁኝ አልፈቀዱም፤”
ይላል  እግዚአብሔር

7ስለዚህ የሰራዊት ጌታ  እግዚአብሔር እንዲህ ይላል፤ “እነሆ፤ እንደ ብረት አነጥራቸዋለሁ፤ እፈትናቸዋለሁም፤
ስለ ሕዝቤ ኀጢአት፣
ከዚህ የተለየ ምን ማድረግ እችላለሁ?

8 ምላሳቸው የሚገድል ቀስት ነው፤
በሽንገላ ይናገራል፤
ሁሉም ከባልንጀራው ጋር በፍቅር ይናገራል፤
በልቡ ግን ያደባበታል።

9 ታዲያ ስለ እነዚህ ነገሮች ልቀጣቸው አይገባኝምን?”
ይላል  እግዚአብሔር
“እንደዚህ ዐይነቱንስ ሕዝብ፣
አልበቀልምን?


10 ስለ ተራሮች አለቅሳለሁ፤ ዋይ ዋይ እላለሁ፤
በምድረ በዳ ስላሉትም መሰማሪያዎች አዝናለሁ፤
ሰው የማያልፍባቸው ባድማ ሆነዋል፤
የከብቶች ጩኸት አይሰማም፤
የሰማይ ወፎች ሸሽተዋል፤
የዱር አራዊትም ጠፍተዋል።


11 “ኢየሩሳሌምን የፍርስራሽ ክምር፣
የቀበሮም ጐሬ አደርጋታለሁ፤
የይሁዳንም ከተሞች፣
ሰው የማይኖርባቸው ባድማ አደርጋቸዋለሁ።”

12ይህን መረዳት የሚችል ጥበበኛ ሰው ማን ነው?  እግዚአብሔር ገልጾለት ይህንስ ማስረዳት የሚችል ማን ነው? ምድሪቱስ ሰው እንደማያልፍበት በረሓ ለምን ጠፋች? ለምን ወና ሆነች?

13 እግዚአብሔርም እንዲህ አለ፤ “ይህ የሆነው የሰጠኋቸውን ሕጌን ትተው ስላልታዘዙኝና ሥርዐቴን ስላልተከተሉ ነው። 14በዚህ ፈንታ፣ በልባቸው እልኸኝነት በመሄድ አባቶቻቸው ያስተማሯቸውን በአሊምን ተከተሉ።” 15ስለዚህ የእስራኤል አምላክ የሰራዊት ጌታ  እግዚአብሔር፣ እንዲህ ይላል፤ “እነሆ፤ ይህን ሕዝብ መራራ ምግብ አበላዋለሁ፤ የተመረዘንም ውሃ አጠጣዋለሁ። 16እነርሱንም ሆነ አባቶቻቸውን በማያውቋቸው ሕዝቦች መካከል እበትናቸዋለሁ፤ እስካጠፋቸውም ድረስ በሰይፍ አሳድዳቸዋለሁ።”

17የሰራዊት ጌታ  እግዚአብሔር እንዲህ ይላል፤ “እንግዲህ፤ አልቃሽ ሴቶች ጥሩ፤
ሥልጡን ሙሾ አውራጆች አስመጡ፤

18 እነርሱ ፈጥነው ይምጡ፤
ዐይኖቻችን እንባ እስኪያጐርፉ፣
ሽፋሽፍቶቻችንም ውሃ እስኪያመነጩ፣
ስለ እኛ ሙሾ ያውርዱልን።

19 እነሆ የዋይታ ድምፅ ከጽዮን ተሰምቶአል፤ እንዲህም ይላል፤
‘ምንኛ ወደቅን!
ውርደታችንስ እንዴት ታላቅ ነው!
ቤቶቻችን ፈራርሰዋልና፤
አገራችንን ጥለን እንሂድ።’ ”


20 እናንት ሴቶች ሆይ፤  የእግዚአብሔርን ቃል ስሙ፤
ጆሮቻችሁን ከአንደበቱ ለሚወጡት ቃላት ክፈቱ፤
ሴቶች ልጆቻችሁን ዋይታ፣
አንዳችሁም ሌላውን ሙሾ አስተምሩ።

21 ሞት በመስኮቶቻችን ገብቶአል፤
ወደ ምሽጎቻችንም ዘልቆአል፤
ሕፃናትን ከየመንገዱ፣
ወጣቶችን ከየአደባባዩ ጠራርጎ ወስዶአል።

22እንዲህ በሉ፤ “ እግዚአብሔር እንዲህ ይላል፤ “ ‘የሰዎች ሬሳ፣
በሜዳ እንደተጣለ ጒድፍ፣
ማንም እንደማይሰበስበው፣
ከዐጫጅ ኋላ እንደተተወ ቃርሚያ ይወድቃል።’ ”

23 እግዚአብሔር እንዲህ ይላል፤ “ጥበበኛ በጥበቡ አይታበይ፤
ኀያልም በኀይሉ አይመካ፤
ሀብታምም በሀብቱ አይኵራራ፤

24 የሚመካ ግን፣
እኔ  እግዚአብሔር እንደሆንሁ በማወቁና፣
በምድር ላይ ምሕረትን፣ ፍትሕንና ጽድቅን የማደርግ መሆኔን በመረዳቱ፣
በዚህ ይመካ፤ እኔ በእነዚህ ነገሮች፣
እደሰታለሁና፤”
ይላል  እግዚአብሔር

25 እግዚአብሔር እንዲህ ይላል፤ “ሥጋቸውን ብቻ የተገረዙትን ሁሉ የምቀጣበት ጊዜ ይመጣል፤ 26እነርሱም ግብፅ፣ ይሁዳ፣ ኤዶም፣ አሞን፣ ሞዓብና ጠጒራቸው ዙሪያውን የሚከረከም የበረሓ
ወይም በበረሓ በተራራቁ ስፍራዎች የሚኖሩ
ነዋሪዎች ሁሉ ናቸው፤ እነዚህ ሕዝቦች ሁሉ በርግጥ የተገረዙ አይደሉምና፤ የእስራኤልም ቤት ሁሉ ልባቸው አልተገረዘም።
Copyright information for AmhNASV