Micah 5

ከቤተ ልሔም ገዥ እንደሚመጣ የተሰጠ ተስፋ


1 አንቺ የጭፍሮች ከተማ ሆይ፤
ጭፍሮችሽን አሰልፊ
ወይም አንቺ የተቀጠርሽ ከተማ ሆይ፤ ቅጥርሽን አጥብቂ

ከበባ ተደርጎብናልና፤
የእስራኤልን ገዥ፣
ጒንጩን በበትር ይመቱታል።


2 “አንቺ ግን፣ ቤተ ልሔም ኤፍራታ ሆይ፤
ከይሁዳ ነገዶች
ወይም ገዦች
መካከል ትንሿ ብትሆኚም፣
አመጣጡ
ወይም ከቀድሞ ቀናት
ከጥንት፣
ከቀድሞ ዘመን
ዕብራይስጡ አወጣጡ ይላል ወይም ከዘላለም የሆነ
የሆነ፣
የእስራኤል ገዥ፣
ከአንቺ ይወጣልኛል።”


3 ስለዚህ ወላዲቱ አምጣ እስክትገላገል ድረስ፣
እስራኤል ትተዋለች፤
የተቀሩት ወንድሞቹም፣
ተመልሰው ከእስራኤላውያን ጋር ይቀላቀላሉ።


4  በእግዚአብሔር ኀይል
በአምላኩ  በእግዚአብሔር ስም ታላቅነት፣
ጸንቶ ይቆማል፤ መንጋውንም ይጠብቃል።
በዚያን ጊዜ ኀያልነቱ እስከ ምድር ዳርቻ ስለሚደርስ፣
ተደላድለው ይኖራሉ።

5 እርሱም ሰላማቸው ይሆናል።

ትድግናና ጥፋት

አሦራዊ ምድራችንን ሲወር፣
ምሽጐቻችንንም ጥሶ ሲገባ፣
ሰባት እረኞችን፣
እንዲያውም ስምንት አለቆችን እናስነሣበታለን።

6 የአሦርን ምድር በሰይፍ፣
የናምሩድን ምድር
ወይም ናምሩድን በመግቢያው በር
በተመዘዘ ሰይፍ ይገዛሉ
ወይም ያፈርሳሉ

አሦራዊው ምድራችንን ሲወር፣
ዳር ድንበራችንን ሲደፍር፣
እርሱ ነጻ ያወጣናል።


7 የያዕቆብ ትሩፍ፣
በብዙ አሕዛብ መካከል
 ከእግዚአብሔር ዘንድ እንደሚወርድ ጠል፣
በሣር ላይ እንደሚጥል ካፊያ፣
ሰውን እንደማይጠብቅ፣
የሰውንም ልጆች ተስፋ እንደማያደርግ ሰው ይሆናል።

8 በዱር አራዊት መካከል እንዳለ አንበሳ፣
በእግሩ እየጨፈላለቀ እንደሚሄድ፣
የሰበረውን ማንም ሊነጥቀው እንደማይችል፣
በበግ መንጋ መካከል እንዳለ፣
እንደ ደቦል አንበሳ ሁሉ፣
የያዕቆብም ትሩፍ፣ በአሕዛብ ዘንድ፣ በብዙም ሕዝብ መካከል እንደዚሁ ይሆናል።

9 እጅህ በጠላቶችህ ላይ በድል አድራጊነት ከፍ ከፍ ትላለች፤
ጠላቶችህም ሁሉ ይጠፋሉ።

10“በዚያን ጊዜ” ይላል  እግዚአብሔር፤ “ፈረሶቻችሁን ከመካከላችሁ አጠፋለሁ፤
ሠረገሎቻችሁን እደመስሳለሁ።

11 የምድራችሁን ከተሞች እደመስሳለሁ፤
ምሽጎቻችሁንም ሁሉ አፈርሳለሁ።

12 ጥንቈላችሁን አጠፋለሁ፤
ከእንግዲህም አታሟርቱም።

13 የተቀረጹ ምስሎቻችሁን፣
የማምለኪያ ዐምዶቻችሁንም ከመካከላችሁ አጠፋለሁ፤
ከእንግዲህ ለእጃችሁ ሥራ
አትሰግዱም።

14 የአሼራ ምስልን ዐምድ
አሼራ የተባለችው አምላክ ትእምርት ነው።
ከመካከላችሁ እነቅላለሁ፤
ከተሞቻችሁንም እደመስሳለሁ።

15 ያልታዘዙኝን አሕዛብ፣
በቍጣና በመዓት እበቀላቸዋለሁ።”
Copyright information for AmhNASV