Psalms 129

በጽዮን ጠላቶች ላይ የቀረበ ጸሎት

መዝሙረ መዓርግ


1 እስራኤል እንዲህ ይበል፦
“ከልጅነቴ ጀምሮ ብዙ ጊዜ አስጨነቁኝ፤

2 በርግጥ ከልጅነቴ ጀምሮ ብዙ ጊዜ አስጨነቁኝ፤
ዳሩ ግን ድል አላደረጉኝም።

3 ዐራሾች ጀርባዬን ዐረሱት፤
ትልማቸውንም አስረዘሙት።”

4  እግዚአብሔር ግን ጻድቅ ነው፤
የክፉዎችን ገመድ በጣጥሶ ጣለው።


5 ጽዮንን የሚጠሉ ሁሉ፣
ዐፍረው ወደ ኋላቸው ይመለሱ።

6 ገና ከመብቀሉ እንደሚደርቅ፣
በጣራ ላይ እንደ በቀለ ሣር ይሁኑ፤

7 ደግሞም ለዐጫጅ እጁን፣
ለነዶ ሰብሳቢ ዕቅፉን እንደማይሞላ ይሁኑ።

8 መንገድ ዐላፊዎችም፣
 የእግዚአብሔር በረከት በእናንተ ላይ ይሁን፤
 በእግዚአብሔር ስም እንባርካችኋለን” አይበሉ።
Copyright information for AmhNASV