Psalms 113

ለታላቁና ለመሓሪው ጌታ ምስጋና


1 ሃሌ ሉያ።
እግዚአብሔር ይመስገን ማለት ሲሆን፣ በቍ 9 ላይም ይገኛል።

 የእግዚአብሔር አገልጋዮች ሆይ፤ አመስግኑት፤
 የእግዚአብሔርን ስም አወድሱ።

2 ከአሁን እስከ ዘላለም፣
 የእግዚአብሔር ስም የተመሰገነ ይሁን።

3 ከፀሓይ መውጫ እስከ መግቢያው ድረስ፣
 የእግዚአብሔር ስም የተመሰገነ ይሁን።


4  እግዚአብሔር ከሕዝቦች ሁሉ በላይ ከፍ ያለ ነው፤
ክብሩም ከሰማያት በላይ ነው።

5 እንደ አምላካችን እንደ  እግዚአብሔር
በላይ በዙፋኑ የተቀመጠ ማን ነው?

6 በሰማይና በምድር ያሉትንስ ለማየት፣
ራሱን ወደ ታች ዝቅ የሚያደርግ ማን ነው?


7 ድኻውን ከትቢያ ያነሣል፤
ችግረኛውን ከዐመድ ከፍ ከፍ ያደርጋል፤

8 ከመኳንንትም እኩል ስፍራ ይሰጠዋል፤
ከሕዝቡም ሹማምት ጋር ያስቀምጠዋል።

9 መካኒቱን ሴት በቤት ያኖራታል፤
ደስተኛም የልጆች እናት ያደርጋታል።

ሃሌ ሉያ።
Copyright information for AmhNASV