Psalms 130

ለርዳታ የቀረበ ጥሪ

መዝሙረ መዓርግ

1  እግዚአብሔር ሆይ፤ ከጥልቅ ወደ አንተ እጮኻለሁ።

2 ጌታ ሆይ፤ ድምፄን ስማ፤
ጆሮዎችህ የልመናዬን ቃል፣
የሚያዳምጡ ይሁኑ።


3  እግዚአብሔር ሆይ፤ ኀጢአትን ብትቈጣጠር፣
ጌታ ሆይ፤ ማን ሊቆም ይችላል?

4 ነገር ግን በአንተ ዘንድ ይቅርታ አለ፤
ስለዚህም ልትፈራ ይገባሃል።


5  እግዚአብሔርን ደጅ እጠናለሁ፤ ነፍሴም በትዕግሥት ትጠብቀዋለች፤
በቃሉም ተስፋ አደርጋለሁ።

6 ዘብ ዐዳሪ ንጋትን ከሚጠባበቅ ይልቅ፣
አዎን፤ ዘብ ዐዳሪ ንጋትን ከሚጠባበቅ ይልቅ፣
ነፍሴ ጌታን ትጠባበቃለች።


7  በእግዚአብሔር ዘንድ ምሕረት፣
በእርሱም ዘንድ ማዳን አለና፣
እስራኤል ሆይ፤  በእግዚአብሔር ተስፋ አድርግ።

8 እርሱም እስራኤልን፣
ከኀጢአቱ ሁሉ ያድነዋል።
Copyright information for AmhNASV