Genesis 36

Iso em Sang te.

Kale kel Iso em muluwel dow im sang te. Iso em wiin mak e “Idom” te.

Iso e Kenan aneng fian em waneng alew mak kuluse kale. Mak u Ada, mak u Okolibama ite kale. Sun waneng Ada um alew Elon akalem mongom e Kit kawtiw ite te. Afam waneng Okolibama um alew e Ana kesomi, um awalik e Sibeon ete kale. Sibeon yelim bikalem mongom e Kiwit kawtiw ite te. a  Keko beli, e iti afam waneng mak um wiin e Basemat kuluse kale. U Ismael em mun kesomi, Nebayot em neng ute kale. b 

  • Sun waneng Ada um dukusu min beem wiin e Elifas ete kale.
  • Afam waneng Basemat um dukusu min beem wiin e Eluel ete kale.
Fefe afam waneng Okolibama um dukusu muluwel im wiin e Yekus so, Yalam so, Kola so, ite kale. Iso em Kenan aneng fian kel bise ding dim bakate, muluwel biilo kailse kale. Beli, Iso e akalem kalel kumel so, muluwel iso, akalem angin biso, akalem samal so, akalem Kenan aneng fian kel kubulse mesesem on kisol eisneng so, alik alik angom bi yemde uneko, akalem ning Sekow em bise aneng beelo koleweko, singam aneng fian mak elo unse kale. Nimtew angom? Yelew biim samal i banban tulun kuw kesomeliwi, aso im kakow kunum atew kesomi, kakabiliw aneng be sukumei, i aneng beelo geksiliw kasike. Kanesiliw kasike, fik Iso e Seil amgu aneng elo uneko, ka kel teinse kale.

Iso em wiin mak e Idom te.

Sang be Iso em talfut kese em sang te. Iso e Idom kawtiw im kunum mongom kelei, em muluwel dow i Seil amgu aneng ka kel teinsiliw kale.

Iso em Muluwel Dow im Sang te.

10 Iso em muluwel im wiin kanekote: Sun waneng Ada um min e Elifas ete kale. Afam waneng Basemat um min e Eluel ete kale.

11 
  • Ada um min Elifas em dukuse muluwel i kanekote:
    • Teman e,
    • Omal e,
    • Sefo e,
    • Gatam e,
    • Kenas ete kale.
Elifas e kayot kunum kesomi, afam waneng mak um wiin e Timna kuluse kale. Timna um min makmak em wiin e

    • Amalek ete kale.
13 Afam waneng Basemat um min Eluel em muluwel im wiin e kanekote: Nakat e, Sela e, Sama e, Misa ete kale. 14 Fefe afam waneng Okolibama um muluwel im wiin e kanekote: Yeku e, Yalam e, Kola ete kale. Okolibama um alew e Ana kelei, um awalik e Sibeon kese kale.

Idom Aneng Fian em Kamok Fian Kesiliw im Wiin te.

15 Kale, Iso em kail koyemse muluwel dow matem matem teleko, emisik kamok fian kesiliw em sang te.

  • Iso em sun waneng Ada um emisik dukusu aul Elifas beem muluwel i kanekote kunum mongom biim kamok kesomi, Idom aneng fian ka kel teinsiliw kale:
    • Teman im kunum mongom e,
    • Omal im kunum mongom e,
    • Sefo im kunum mongom e,
    • Kenas im kunum mongom e,
    • Kola im kunum mongom e,
    • Gatam im kunum mongom e,
    • Amalek im kunum mongom ete kale.
17 Iso em afam waneng Basemat um dukusu min Eluel em muluwel i kanekote kunum mongom biim kamok kesomi, Idom aneng fian ka kel teinsiliw kale. Nakat im kunum mongom e, Sela im kunum mongom e, Sama im kunum momgom e, Misa im kunum mongom ete kale. 18 Ana em awalik kesomi, Iso em fefe afam waneng Okolibama um dukusu muluwel bikati kanekote kunum mongom im kamok kesomi, Idom aneng fian ka kel teinsiliw kale: Yekus im kunum mongom e, Yalam im kunum mongom e, Kola im kunum mongom ete kale. 19 Kunum mongom alik alik bi Iso em abal dow ite kale.

Emisik Idom Aneng Kasel im Wiin te.

20 Kol kawtiw im kunum mak Seil em abal dow im wiin e kanekote:

  • Olotan im kunum mongom e,
  • Sobal im kunum mongom e,
  • Sibon im kunum mongom e,
  • Ana im kunum mongom e,
21  Dison im kunum mongom e, Esel im kunum mongom e, Disan im kunum mongom ete kale. Kunum mongom alik alik bi Idom aneng fian em emisik teinsiliw kasel kesiliw kale. 22 
  • Olotan em muluwel i kanekote:
    • Koli so,
    • Kemam so, ite kale.
Olotan em waneng aul u Timna ute kale.

23 
  • Sobal em muluwel i kanekote:
    • Alwan e,
    • Manakat e,
    • Ebal e,
    • Sefo e,
    • Onam ete kale.
24 Sibon em muluwel i kanekote: Aia so, Ana so, ite kale. Sua e, Ana e alew Sibeon em *donki yetebin kunum kesomi, aneng kunum banim so, ok banim so dim kel, ok miktem mamin so siksik kebe ok mak atemse kale. 25 
  • Ana em min makmak e Dison e, em mun u Okolibama kesu kale.
26 
  • Dison em muluwel i kanekote:
    • Kemdan e,
    • Esban e,
    • Italan e,
    • Kelan ete kale.
  • 27 Esel em muluwel i kanekote: Bilkan e, Sawan e, Akan ete kale. 28 Disan em muluwel i kanekote: Us so, Alan so, ite kale. 29 Keko kasike, Kol kawtiw im kamok kesiliw kunum im wiin e kanekote:

    • Mak e Olotan e,
    • mak e Sobal e,
    • mak e Sibeon e,
    • mak e Ana e,
    • mak e Dison e,
    • mak e Esel e,
    • fefe e Disan ete kale.
    Seil aneng fian teinsiliw Kol kawtiw im kunum mongom i ikalem wiin e biim kamok im wiin imdiw keliwi, im wiin so wiin atem kesiliw kale.

    31 Sua e, Isalael kawtiw im imisik kamok fian banim kesiliw ding dim bakate, Idom aneng fian im kasel i imisik kamok fian so ke alenaliw kale. Im Imisik kamok fian biim wiin e kanekote:

    32 
    • Emisik e Bela, Beol em min ete kale. E Dinkaba abiw mutuk fian teineko, Idom aneng fian em kamok ke alenale kale.
    33 
  • Bela em kuanse ding dim bakate, akalem min Yobaw e emisik kamok fian kesomi, Bosala abiw mutuk fian kel alenale kale.
  • 34 
  • Yobaw em kuanse ding dim bakate, Teman aneng fian em kayak Kusam moko, Idom aneng fian em emisik kamok fian kese kale.
  • 35 
  • Kusam em kuanse ding dim bakate, Bedat em min Kadat emisik kamok fian kesomi, Awit abiw mutuk fian kel teinse kale. Kadat em bise ding kabalak e, e Moaw aneng fian elo uneko, Midian kawtiw iso maka keyemsomi, ilo kuiaw yese kale.
  • 36 
  • Kadat em kuanse ding dim bakate, Maseleka abiw mutuk fian em kayak Samala emisik kamok fian kese kale.
  • 37 
  • Samala em kuanse ding dim bakate, Yufeletis ok bang em mewso kel gesiliw Elekobot abiw mutuk fian em kayak Saul e emisik kamok fian kese kale.
  • 38 
  • Saul em kuanse ding dim bakate, Akbol em min Balkanan emisik kamok fian kese kale.
  • 39  Akbol em min Balkanan em kuanse ding dim bakate, Kadal emisik kamok fian kesomi, Fau abiw mutuk fian ka kel alenale kale. E Matelet em mun Meketabel kuluse kale. Mesakaw e um awalik keumse kale.

    Iso em Kamok Kesiliw Muluwel im Wiin te.

    40 Iso em muluwel dow im kamok kesomi, ikalem abiw mutuk ikalem wiin so wiin atem kelewsiliw muluwel im wiin e kanekote:

    • Timna e,
    • Alawa e,
    • Yetet e,
    41 
  • Okolibama e,
  • Ela e,
  • Finon e,
  • 42 
  • Kenas e,
  • Teman e,
  • Miwsal e,
  • 43  Makdiel e, Ilam ete kale. Bite imisik kamok fian keko, ikalem kunum mongom amen amen kesomi, ikalem teinsiliw abiw mutuk fian akati amen amen kesomi, Idom aneng fian ka kel teinsiliw kale. Kunum mongom alik alik bi Iso em abal dow ite kale. Iso em wiin mak e Idom ete kale.
    Copyright information for `BHL