Genesis 5

Adamana áiku ásauku núqu.

(1Stori 1:1-4)

Ádamana áiku ásauku misá óosana maaqímmásee ákaraki márinau. Ánutufa indaarú narí amana kái faiqí ánaasee áuqinau.

Náumóo faqáa qánda áuquseenoo nifaaqóoqa qíma nímaqaseenoo faiqí ánaasee fée qímasee núqu ranau.

Ádamáfa áukuana 130 marasoofanóo miná ámaaku Séetafa kambíqanau. Narí ákoona fooqáafa miná amana kái márinau. Séetana máqookari óosana araséenoo Ádamafa 800 áukuana máranau. Mi kamúqoo akoonaiqí mánaaqa faiqi námu moómoo Ádamafa máqanau. Ádamana áukuana aiqáma 930 maraséenoo kúqinau.

Séetafa 105 áukuana maraséenoo akoonaiqí Éennoosana máqanau. Éennoosana máqoo kámuqooqari Séetafa 807 áukuana maraséenoo mi kamúqoo akoonaiqí mánaaqa faiqi námu moómoo máqanau. Séetana aiqáma áukuana 912 maraséenoo kúqinau. Éennoosafa 90 áukuana maraséenoo akoonaiqí Kéennana máqanau. 10 Kéennana máqoo kámuqooqari Éennoosafa 815 áukuana maraséenoo mi kamúqoo akoonaiqí mánaaqa faiqi námu moómoo máqanau. 11 Éennoosana áukuana aiqáma moodáanaki 905 maraséenoo kúqinau.

12 Miná ámaaku Kéennafa 70 áukuana maraséenoo akoonaiqí Maqarareerana máqanau. 13 Maqarareerana máqoo kámuqooqari Kéennafa 840 áukuana maraséenoo mi kamúqoo akoonaiqí mánaaqa faiqi námu moómoo máqanau. 14 Kéennana áukuana aiqáma moodáanaki 910 maraséenoo kúqinau.

15 Miná ámaaku Maqarareerafa 65 áukuana maraséenoo akoonaiqí Yareedana máqanau. 16 Yareedana máqooqooqari 830 áukuana maraséenoo mi kamúqoo akoonaiqí mánaaqa faiqi námu moómoo Yareedafa máqanau. 17 Maqarareerana áukuana aiqáma moodáanaki 895 maraséenoo kúqinau.

18 Miná ámaaku Yaareedafa 162 áukuana maraséenoo narí ámaaku Éennookana máqanau. 19 Éennookana máqooqooqari Yareedafa 800 áukuana maraséenoo akoonaiqí mánaaqa faiqi námu moómoo máqanau. 20 Yareedana áukuana aiqáma moodáanaki 962 maraséenoo kúqinau.

21 Miná ámaaku Éennookafa 65 áukuana maraséenoo akoonaiqí Meetuseerána máqanau. 22 Éennookafa 300 aukuana Ánutuna áqoondikiranaki máridanoo akoonaiqí mánaaqa faiqi námu moómoo máqanau. 23 Éennookana áukuana aiqáma moodáanaki 365 áukuana máranau. 24 Éennookafa sía kúqinau. Káaqa Ánutunara rímarufa márufanoo Ánutufa káqimma áfiqasoofanóo sía sía inau.

25 Éennookana ámaaku Meetuseeráfa 187 áukuana maraséenoo akoonaiqí Rámmeekana amarána máqanau. 26 Rámmeekana máqooqooqari miná ákoofa Meetuseerafa 782 áukuana maraséenoo akoonaiqí mánaaqa faiqi námu moómoo máqanau. 27 Meetuseerána áukuana aiqáma moodáanaki 969 áukuana maraséenoo kúqinau.

28 Meetuseerána ámaaku Rámmeekana amaráfa 82 áukuana maraséenoo akoonaiqí maqaséenoo qinau. 29 Ánutufa maa maqa maaqána áquraraqoofaqá maasa kadáapi rídaqa. Maa faiqífa kadáapiriranaki márunnana asooárana qímiannoo fee qímasee miná áuqu Nooa neé qinau. 30 Nooana máqooqooqari miná ákoofa Rámmeekafa 595 áukuana maraséenoo akoonaiqí mánaaqa faiqi námu moómoo máqanau. 31 Rámeekana áukuana aiqáma moodáanaki 777 maraséenoo kúqinau.

32 Miná ámaaku Nooafa 500 áukuana maraseenoo miqóoqari akoonaiqí qaaramoó máqanau. Misá núqu Séemmana faqa Qámmana faqa Yáfeetana faqa máqanau.

Copyright information for `BJR