Genesis 36

E Huriki a Hamone Esau

1E Esau, a rana tara e Idom, i kupo a hamona. 2 a  I parangi a ngatavine o Kenan i ala tolu: E Ada, e tune Elon, a bakovi o Hiti; e Oholibama, e tune Anah, e tubune Sibion, a bakovi o Hivi; 3 b  e Basemat, e tune Ismael, e turane Nebaiot.

4E Ada i podea ne Esau a koma bakovi i vunua e Elipas. E Basemat i podea e Ruel. 5E Oholibama i poda e Ieus, e Ialam, e Kora. Re huriki a bakovi nga e Esau i vakabele na robo e Kenan.

6Muri e Esau i pea vonga e Iakop i mariu lakea na tabeke tara. I vano turana e girihina ala tolu, e tuna mai, e huriki ri made turana. I bole a maka sipsip a bulmakau a mahala i vakabele o Kenan i vano. 7E Esau i pea e Iakop, a vuhuna i kupo hateka a maka sipsip a bulmakau ne rua, i kiroko a malala. 8I vano, i made na kupona na robo e Seir, re Idom.

9E Esau a vuhuna e huriki o Idom, ra ri made na kupona na robo e Seir. 10E tune Esau a bakovi e Elipas, e kinana e Ada; e Ruel, e kinana e Basemat. 11E huriki e tune Elipas a bakovi ra nga: e Teman, e Omar, e Sepo, e Gatam, e Kenas.

12E Elipas, e tune Esau, i tahoka a vora ngatavine tara a rana e Timna. I podea vona e Amalek. E huriki a bakovi nga e tubune Esau rua e Ada.

13E huriki e tune Ruel a bakovi a rane ria ra nga, e Nahat, e Sera, e Sama, e Misa. E huriki a bakovi nga e tubune Esau rua e Basemat.

14E Oholibama, e girihine Esau tara i poda e Ieus, e Ialam, e Kora. E Oholibama, e tune Anah ngatavine. E Anah, e tune Sibion ngatavine. 15Re huriki a hariki nga a hamone Esau. A tabua ne Esau rua e Ada e Elipas. E tune Elipas a bakovi ra nga: e Teman, e Omar, e Sepo, e Kenas, 16e Kora, e Gatam, e Amalek. Re huriki a hariki nga, e tune Elipas, e tubune Ada, ri matakari na robo e Idom.

17E huriki a hariki e tune Ruel, re tune Esau, ra nga: e Nahat, e Sera, e Sama, e Misa. E huriki a hariki nga, e tune Ruel, ri matakari o Idom. Ria e tubune Esau rua e Basemat.

18E huriki a hariki nga, e tune Esau rua e Oholibama: e Ieus, e Ialam, e Kora. E huriki a hariki nga, a hamone Esau rua e Oholibama re tune Anah.

19Re huriki a hariki nga ria a hamone Esau, a rana tara e Idom, ri matakaria a kabu ne ria.

20E huriki a hamone Seir a bakovi o Hori ri made vona a robo e Idom: e Lotan, e Sobal, e Sibion, e Anah, 21e Disan, e Eser, e Dison. Re huriki a hariki nga e tuna e Seir, ri matakaria a kabu ne Hori na robo e Idom. 22E tune Lotan bakovi ra nga: e Hor, e Heman. E Timna e kurabane Lotan. 23E huriki e tune Sobal bakovi ra nga: e Alvan, e Manahat, e Ebal, e Sepo, e Onam. 24E tune Sibion bakovi ra nga: e Aia e Anah, re Anah i matakari a maka donki ne tamana e Sibion na tabeke i ngeki, i matavisia a navuha. 25E Anah e tuna e Dison e Oholibama. 26E tune Dison bakovi, a rane ria ra nga: e Hemdan, e Esban, e Itran, e Keran. 27E tune Eser bakovi ra nga: e Bihan, e Savan, e Akan. 28E tune Disan bakovi ra nga: e Us, e Aran.

29A hariki na kabu ne Hori ra nga: e Lotan, e Sobal, e Sibion, e Anah, 30e Dison, e Eser, e Disan. Re huriki nga a hariki na kabu ne Hori. Ri matakari a tabeke takutaku ne ria na robo e Seir.

E Huriki a Hariki o Idom

(1 Stori 1:43-54)

31Muga na tahuna e Israel i uka hariki, e huriki a hariki nga ri matakari o Idom: 32e Bela tune Beor i matakari o Idom. A tanga dagi vona e Dinhaba. 33Na tahuna e Bela i mate, e Iobab, e tune Sera, i valai na tanga e Bosra, i bole a murina. 34Na tahuna e Iobab i mate, e Husam i bole a murina. A robo vona e Teman. 35Na tahuna e Husam i mate, e Hadad tune Bedad i bole a murina. E huriki a tara vona ri ratapile e huriki o Midian na robo e Moab. A tanga dagi vona e Avit. 36Na tahuna e Hada i mate, e Samla i bole a murina. A tanga dagi vona e Mesreka. 37Na tahuna e Samla i mate, e Sahul i bole a murina. A tanga dagi vona e Rehobot i pesi na dahana naru dagi, e Iupretis. 38Na tahuna e Sahul i mate, e Bal-hanan e tune Akbor i bole a murina. 39Na tahuna e Bal-hanan e tune Akbor i mate, e Hadar i bole a murina. A tanga dagi vona e Pau. A rana e girihina, e Mahetabel, e kinana e Matred, e tune Mesahab.

40E huriki a hariki, a hamone Esau ri matakari na robo ni vunu virihi ria vona, a rane ria ra nga: e Timna, e Alva, e Dethet, 41e Oholibama, e Ela, e Pinon, 42e Kenas, e Teman, e Mibsa, 43e Magdiel, e Iram. Re huriki nga ria a hariki ne Idom. E Idom a rana tara e Esau. E Esau a vuhuna a kabu ne Idom. E huriki a hariki nga ri tahoka a tanga takutaku ne ria na robo ri made vona, lakea ni vunu muri mai ria a tanga nga.

Copyright information for `BNP