Genesis 5

E Huriki a Hamone Adam

a Iea a nitana kabu ne Adam ni here puru:

Na tahuna a Vure i rata rike a bakovi, i ratea i manga ia.
b I rata rike a bakovi a ngatavine, muri i gamai rua. Na tahuna i rata rike rua, i vunu rua a “bakovi.”

Na tahuna e Adam i tahoka a pida i 130 i vakabelea e tuna a bakovi i manga ia. I vunua e Set. Muri ne Set ni poda, ni poda tabu ranga e tuna a bakovi a ngatavine. Muri e Adam i tahoka tabu a pida i 800. A pida ne Adam, ni gi palupu lobo, i 930, muri i mate.

E Set i tahoka a pida i 105 ngane, i vakabelea e Enos. Muri ne Enos ni poda, e Set i tahoka tabu a pida i 807, i vakabele tabu ranga e tuna a bakovi a ngatavine. A pida ne Set, ni gi palupu lobo, i 912, muri i mate.

Na tahuna e Enos i tahoka a pida i 90, i vakabelea e Kenan. 10 Muri ne Kenan ni poda, e Enos i tahoka tabu a pida i 815, i vakabele tabu ranga e tuna a bakovi a ngatavine. 11 A pida ne Enos, ni gi palupu lobo i 905, muri i mate.

12 Na tahuna e Kenan i tahoka a pida i 70, i vakabelea e Mahalale. 13 Muri ne Mahalale ni poda, e Kenan i tahoka tabu a pida i 840, i vakabele tabu ranga e tuna a bakovi a ngatavine. 14 A pida ne Kenan, ni gi palupu lobo, i 910, muri i mate.

15 Na tahuna e Mahalale i tahoka a pida i 65, i vakabelea e Iared. 16 Muri ne Iared ni poda, e Mahalale i tahoka tabu a pida i 830, i vakabele tabu ranga e tuna a bakovi a ngatavine. 17 A pida ne Mahalale ni gi palupu lobo, i 895, muri i mate.

18 Na tahuna e Iared i tahoka a pida i 162, i vakabelea e Enok. 19 Muri ne Enok ni poda, e Iared i tahoka tabu a pida i 800, i vakabele tabu ranga e tuna a bakovi a ngatavine. 20 A pida ne Iared, ni gi palupu lobo, i 962, muri i mate.

21 Na tahuna e Enok i tahoka a pida i 65, i vakabelea e Metusela. 22 Muri ne Metusela ni poda, e Enok i laho turana Vure na pida i 300, i vakabele tabu ranga e tuna a bakovi a ngatavine. 23 A pida ne Enok, ni gi palupu lobo, i 365. 24  c Muri a Vure i bolea e Enok, i uka ma ni matai tabu, a vuhuna a Vure i ngaru hatekea.

25 Na tahuna e Metusela i tahoka a pida i 187, i vakabelea e Lamek. 26 Muri ne Lamek ni poda, e Metusela i tahoka tabu a pida i 782, i vakabele tabu ranga e tuna a bakovi a ngatavine. 27 A pida ne Metusela, ni gi palupu lobo, i 969, muri i mate.

28 Na tahuna e Lamek i tahoka a pida i 182, i vakabelea e tuna a bakovi, 29 i vunua e Noa. Lakea e tamana i ta maea, “Hosi e BAKOVI DAGI i rudurahea a malala, mi leho hateka mi bole a nimadihi, pali a koma iea bara i vakasihomo mia.” 30 Muri ne Noa ni poda, e Lamek i tahoka tabu a pida i 595 i vakabele tabu ranga e tuna a bakovi a ngatavine. 31 A pida ne Lamek, ni gi palupu lobo, i 777, muri i mate.

32 Na tahuna e Noa i tahoka a pida i 500, ni gale e tamane Sem, e Ham, e Iapet.

Copyright information for `BNP