Jonah 4

E Iona i Tahate

E Iona, i uka ma i ngarua a naro i ratea e BAKOVI DAGI, lakea i tahate. a  I vasileki ne BAKOVI DAGI, i ta maea, O BAKOVI DAGI, o longo iau. I uka ma a pea ma a robo nau, a lohoka vona pali i uka ma go ratapilea e Ninive. I mavonga, a toni ni ha lakea o Tarsis. A lohoka vomu, ioe a Vure na nidodo, na ningaru. O maradoi na nitahate, o ngaru hateka vakaroro e huriki. Ioe a Vure o kara ni pulo a niluhoi vomu na niratapile e huriki. b  Ngane, o BAKOVI DAGI, o rabalaki iau. I kamumu hateka ga mate, ge ra ni mahuri.

Pali e BAKOVI DAGI i koli, i ta maea, Pali ioe, a rongova vomu i kamumu?

E Iona i pagitala na tanga d a g i e Ninive, i made n a tabeke na nirikena haro. I haea vonga a kape kiroko, i taru vona, i davea a r a maki ge masia ge bele n a tanga dagi. Muri e BAKOVI DAGI a Vure i ratea tara mota i koru rike, ge habi a maniru na gine Iona, ge taru vona a harena haro. E Iona i vivi hateka vona a mota iea. Pali n a hatelanga pokopoko na parava muri, e BAKOVI DAGI i rudua tara mata kiroko i ratapilea a mota, i malai. Na tahuna a haro i rike, e BAKOVI DAGI i rudua a vilu dagi i pori valai na nirikena haro, lakea a haro i kani pilea a gine Iona, i ratea i vurea a matana, i ngaru ni mate. Lakea i takia a Vure, I kamumu hateka ga mate. Ge ra ni mahuri?

Muri a Vure i takia e Iona, A mota i malai pali, o tahate ke. Ra rongova vomu, i kamumu?

Lakea e Iona i koli, i ta maea, A rongova nau i kamumu. I madihi hateka a hategu, a popote ga mate.

10 Pali e BAKOVI DAGI i t a maea, R a mota o luhoi hatekea, i uka ma o varoa. I uka ma o ratea ge koru. I gaga rike na rodo tara, i mate na rodo muri. 11 Pali a tanga dagi e Ninive i tahoka e huriki ala 120,000 ri made vonga, i uka ma ri lohoka vona a naro kamumu, a naro hale. I tahoka tabu a bulmakau i kupo. O luhoi navai, i uka ma ga dodo e huriki na tanga dagi iea?

New Testament

Copyright information for `BNP