Revelation of John 12

Magebi piiyepu Drowä Gwidape

Puma cita ca cane jepänine, mara opo gwidape te lui aboclom-tige dume cabu. Pui lui magebi ge. Tabe bimu ca asigräneji ge cäbletääpe tääpume piiyepu mabye te teeme ernge gawe mage. Teeme mope cabu lui twelb wale ca wawenäneji krauni puga ge. Tabe lui mäpumäpu ge, adnatame äbitige pita ala cama.

Cuta nuuja mara opo gwidape te aboclomtige dume cabu. Pui lui baborage ududi siible seben mope cama piiyepu ten gaale cama. Teeme pui seben mope iyeta krauni cama ge. Teeme kiira ca tabe yepä poto wale bine jewälidnemige, siige yiisabimige gawe cabu me. Neeneni poto me wale cina abmalininisi. Tabe jeclajutige pui magebi me opo gaabe, adnatame lui te äbitige, naace tääpume bägrä te liba aplimla je tabe piba ärmitame. Siige tabe bägrä ne jirngige, lui te iyeta biname bine cire yaawademepi ayana suru ca. Yepä, bägrä jwuutecrisi, ewepläcitisi Acejiyame bau me teeme adnata puupu cabu me. Magebi te uucrige daapo taatu cewe cabu me. Acejiyame te puma puupu ne itu semacetnäjumi teeme tääpume. Teebine puga ire jotwisi yepä tausen neeneni hanred siksti bimu cama.

Piba cubu puga ge cabucewe je. Acejiyame me babo mename seemo Maikol piiyepu teta cama lui mename seemo, teepi arnginisi siible cama. Siible te teeme mename seemo cama liga naabe uutrutame äbitanige, yepä tabe äblicäco ge, peei name pi teepi äblicäco cabucewe je cerämu lenaja. Siige pui babo siible ne sijarisi gawe cabu me iyeta teeme mename seemo cama. Tabe pui sasa cobyame gyene, lui ne *Diyabolo ca piiyepu *Satani ca einenisi, ai gawecewe ne lui te ituge angletneja.

10 Piba cane nätecijige baborage tagepogogo cabucewe je iicana egä,

“Siige Acejiyame te page byuutrutige!
Tabe teeme kokre ne biiri seboclomtige, egä tabe te biname bine ewadenemige!
Piiyepu teeme Keriso te page teeme conocäco ne beboclomtige gawecewe tääpume,
ingle Diyabolo te Acejiyame me opo gaabe je cerämu lica enajenige
ätrunga biname bine iicetname ciiye piiyepu bimu cabu je.
Teebine siige gawe me bijarisi.
11 Cime ätrunga binamewale cina ituge uutruta
teeme bau ca Maamoi me uudi ca
piiyepu teeme aitneja mene cabu ca.
Teepi singi ge teeme ireclota bine äyemelame budre tääpume.
12 Peei name pi cabucewe piiyepu lui cina puma, weene miiji gege!
Yepä ogi nemi, lui cina inajininige gawe cabu piiyepu malu cabu,
ingle Diyabolo peeyeme ituge otni.
Tabe babo niiyarage gyene,
ingle tabe umle gyene, egä teeme tääpume padare matikäli piiyeme.”
13 Siible te liba umle äbitige, egä teebine gawe cabu me bijarisi, tabe gije abacitige pui magebi ne äcwetnename, bägrä ne lui te jirngige. 14 Magebi ne ocärisi babo warye me neeneni taame tabe uujaname teeme puupu cabu me daapo taatu cewe me. Teebine puma pa ire jwaatwepesi nesae piiyepu cebocebo kämäge cama, piba teebine siible te äblicäco oomlana. 15 Puma cita ca siible te igi niiye ne isatige teeme tage cabu ca magebi me ingwe poto ca teebine acatame. 16 Yepä, gawe te teebine utityärige, äpälutige, niiye ne irmitige, siible me tage bora ca lui te tasatige. 17 Siible te babo niiyarage me äbitige magebi tääpume, ädige teeme poto bägrä bime cama cubu me. Teepi iyeta eei gemi, lui cina Acejiyame me Mene ne jäätrungusi piiyepu Miiji Mene jaajananemusi Yeesu poto cidi me. 18 Siige siible te abmalige malu cabu aclajutame.

Copyright information for `BON