Psalms 147

Похвали, Иерусалиме, Господа, хвали Бога твоего, Сионе: яко укрепи вереи врат твоих, благослови сыны твоя в тебе. Полагаяй пределы твоя мир, и тука пшенична насыщаяй тя: посылаяй слово Свое земли, до скорости течет слово Его, дающаго снег свой яко волну, мглу яко пепел посыпающаго, метающаго голоть Свой яко хлебы: противу лица мраза Его кто постоит? Послет слово Свое, и истает я: дхнет дух Его, и потекут воды. Возвещаяй слово Свое Иакову, оправдания и судбы Своя Израилеви: не сотвори тако всякому языку, и судбы Своя не яви им.
Copyright information for CSlElizabeth