Psalms 121

KEBU ye kasonina

Hombannu kekenggac yegec.

Ni kicna tikiu fiba ende. Ni memeficac obohoduae, imocngo dahacnac haude, ifi kpesiduae. KEBUNGO kurumeng nga bangec meficgeec nga memeficna yearunac haude.

Kebu genggareng anggengkecde, yeng gau mi feude, kpac. Ye haniga garenggeu seria nanu wiac mongngo meu goroc goroc naric mi anude. Negenggec, Kebu Israe habu onggongyunuande, ye gaunec mong mi feande nga gau ebira mong mi feude. KEBUNGO onggongguma marifoigau nanu ge yeac debannu kecna wenacfu wenacngo mi guude nga tofocnac afongo mi memanganeguude.

KEBUNGO onggongguu yarefaka hania hania fede, imocngo naric mi memaguude. Kebu ye kekecga onggonggeude. Ge amaunac manade me amau ennade denaKEBUNGO yofinenggac nga nasoya nasoya onggonggukefude.

Copyright information for `DED