Psalms 124

KEBUNGO onggonnuude

Hombannu kekenggac yegec. Dawidingo yegec yofi heiec.

1Israe ngeni yofi debisia, “KEBUNGO nenanggoc mi kecbacfu neni dafi ambesonga obohobing.”

2Ngic yeneng yacma nunubeso anggec, imohaiKEBUNGO nenanggoc mi kecbacfu 3yeneng nenanggac herebu kuneng negemma gboringoc gbokonunubau. 4Tunggbaungngo meicnunubac me doku dundungngo nebucnunubau. 5Amma dokutoa kucnginagoc yeneng semenunudacbau.

6KEBU keneheni.
Anutungo meficnunuu nenang bangecngicngacnec yumia kecma Anutuac kenecyoac debisina, yoac imoc mitikibiu homac fede nga yeng faka imocac negenu ngereeude. (Fingec fingec 9:26, 14:20, 24:48, Mitiyegec 16:7, 26:12, 103:22 nga goa homac fede.)
Ye onggonnunuu yeneac enacfu mi ening.
7Uficngic yeneng ufic faigec nga nengngo uficfunac woraande, ifi isoc woraing. Ufic imoc barackeu uficfunac woraing.

8KEBUNGO kurumeng nga bangec meficgeec. Nga memeficnina imoc yeac kpacfu fede.

Copyright information for `DED