Psalms 126

Sionggac kekec mengerena

Hombannu kekenggac yegec.

1KEBUNGO Siong monggoc mengereu ngicngacfora naric kecgec, naso imohai nenang negenni imoc gau negendimbe isoc anec. 2Nenang enacbibicfu dzomocngo wakeu sogac sogaiac yegecngo nedzaranninau feu bangec monnunac ngicngac botucnginau degec, “KEBUNGO yeni wiac kuneng yombong ayemmeec.”

3KEBUNGO wiac kuneng yombong anemmeecac nenang sogac sogaingo mewakenunuude.

4OKEBU, ge Negewe bangec kisiu dokukperemeng gbangge gbanggea, yeni mengereyununa doku monggoc haande, ge ifi isoc monggoc mengerenununa naric kecni. 5Ngicngac kickumagoc wiac homecandae, ngeni sogac sogaigoc arohoma fora megecde. 6Ngicngac ngeni kiac ubamanganggoc kemma wit komoha tofohoma ngade wit gbomea bodangagoc tofohoma amanginau dzigene hama sogaima arohogecde.

Copyright information for `DED