Psalms 128

Kebu eweheihei ammini

Hombannu kekenggac yegec.

1NgicngacKEBUAC eweheiheigoc kecma yeac sing modacandae, yeni sasawango kenecnginagoc. 2Ge ua marigango mena fora fingeru menec amma sogac sogaigoc kecma naric kecnade. 3Enenggango amaga manau kecde, ye waing ic fora homac amma nangande, ifi isoc anude. Nga nambaracfocga yeneng oriwa benama, ifi isoc tatacga yerecgema tackenggecde. 4Negenggec, ngic mongKEBU eweheimima kefude, yearu kenec ifinoc feude.

5KEBUNGO Sionnu kecma kenecguu. Yerusareng ye naric kecma wiac monggac mi obohoude, imoc hembesena. 6Ge esafocga fingecgec yenennade.

Ruaengo Israe areng yenearu febeso.

Copyright information for `DED