Psalms 130

Kebu, ni kpacguduae

Hombannu kekenggac yegec.

OKEBU, ni ubaebicnagoc emu keme kemeau isoc kecma kpacguduae. Kebu, ge enacudumenna negemma kedzac kpena. Kpesi kpesina gearu hade.

OKEBU, ge kopocsicnina kicgau arenggema negenna febacfu ngic mongngo serima naric mi kecbac. Nga gearu sifu kopocsic wawa fedeac eweheiheigoc hoanggubesonga.

NiKEBUAC tomai kecduae. Ubaonganango tomai kefu ni yeac yoac negensikecma fora fingerudeac tomai kecduae. Tofocnacgareng yeneng asoac haudeac tomai kecandae, ni yeni feracyunuma ubaonganangoKEBUAC tomai kecduae. Ni yeac tomai kecduae amma monggoc ferahama tomai kecduae.

KEBUNGO yoac dedzege amma imoc modarude. O Israe, geKEBU negensima fora fingerudeac tomai kecna. Yeng bummenunudacma ebicfunac mesinunuudeac kuc engena femide. Israe areng yeni ngicngac ogofocngina memanganeyunuma kopocsicnginagoc anggec. Nga yennoc bummeyunuma manganameme fakanginaunac mesiyunuude.

Copyright information for `DED