Psalms 137

Babirong doku tegiau

Neni Babirong bangecac doku tegiau tacma Siong negensima kiacma gitanina ic fawau gbedickeing.

Ngic yeneng menunuma kemma ebic meficgenemmegec, yeneng ubangerec meficgegecdeac degec, “Ngeni Sionggac yegec heigec negenni.”

Neni ine kuric bangecfu kecmaKEBUAC yegec heinideac obohodimbe.

Yerusareng, ni geac nigecnuudeu marifoinango dzanggema kuha kpac ambeso. Yerusareng imoc neac sogac sogaiac enaratoa, ni ifi mi negemma geac nigecnuudeu nedzarannango ngorucbonnau mendanggebeso.

OKEBU, ngic yeneng Yerusareng kpetotiegec, naso imohai Edonggac ngic yeneng degec, “Kpembarackegec, kpembarackegec mama seringau wisickeu.” Kebu ge imoc negenna febeso.

O Babironggac naroang, ge kpetotiegugecdeac areng, imoc bic degenggec. Ge mangana anennecac ngic mong ye imocac turunga merenude, ye kenehagoc. Mong ye geac sabac mema hoc peperandziu yunuma kpebucyunuude, ye kenehagoc.

Copyright information for `DED