Psalms 4

Makpekpea yeneac nunumu

Yegecgareng yearu. Gitakurere nga noc kpema yegec yomoc heibesonga. Dawidingo mitiyegec yofi heiec.

1O Anutu, ge dindingac kekecna, ni kpacguba ge kpakpacna negemma turunga merennenna. Ebicfu ubaebic meficgeba geng titing meficgenenna kekecna ngereeu naric kefai. Ge wosoefac anemma nunumuna negenna.

2Ngicac medacfora, ngeni neac eweheihei kekec heimeremma desofoc anengandae, imoc naso dafiguc angkecgecde? Ngeni yoac sicsauc foraya kpac, imocac songo negemma ikocac sing meficgegecdeac ua meandae, ngeni imoc naso dafiguc angkecgecde?

3KEBUNGO yengena enac tofoc tofohongic bic segereu yengena areng ande, ngeni imoc negembisia. NiKEBU kpacba yeng ubaudumenna negenude.

4Ngeni herengina buu kopocsic mi meficgebisia nga fefenginau fema ubanginau wiac negensima waicke febisia.Selac

5Ngeni sese sirihau meficgema faimaKEBU negenserima kecbisia.

6Ngicngac homacngo yofi deandae, “Wiac gombunga edzacnunugecdeac anemmede. OKEBU, ge kicmesugaac kperagingo nerarannununa.” 7Ngic goa yeni semeng uanginau wit nga waing gboria efea kpac fingeru sogaigecde anu geng sogac sogai herenau fainec, imocngo ine yeneac ubangerec ferahade. 8OKEBU, geng onggonnuna ruaegoc kecbadeac ruaegoc fefenau mama gau febade.

Copyright information for `DED