Psalms 87

Siong taonnu fingerec

Kora medacfora yeneng mitiyegec yofi heigec.

KEBUNGO tiki kpetiacfu taong mong faiu fede. KEBUNGO Sionggac nagutoaac songotoa negemma Yakoboac ama noboha yeneac songo ifi mi negenude. O Anutuac taong, geac yoacsiduc imoc damuyagoc.Selac

“Bangec areng goa ni negennudae, imoc kpacyunubade, Aigita nga Babirong amma Firisti yeneac bangec nga Tiro amma Etiopia, yeneng deandae, ‘Ngic yomoc ye ihai fingerec.’” Engenatoango ye tatahau Sionnu faiu seria tarudeac amma Siong manaungoc degecde, “Ngic yomoc amma ngic imoc, yeni imohai fingecgec.” KEBUNGO bangec areng yeneac kpacngina kpedzucnema arengyunuma yofi ohoude, “Yomocngo ihai fingerec.”Selac

Yegec fede fedeac ngicngac sasawa yeneng yegec yofi dema heiandae, “Neac dokudzohong sasawa yeni Sionnu tacdae.”

Ubaebic meficgeec

Kora medacfora yeni yegec yofi heigec. Yegecgareng yearu. Esrangic Hemang amaunac, yeng masiki yegec heiec, ifi isoc yegec yomoc Maharac rennoc, imocac uba modacma heibesonga.

Copyright information for `DED