2 Corinthians 13

'Ebe losalowa

'Iabe yayausimi, nate 'etonina 'igu ayausa 'emiya.

'Eguma yaisigedi nuwanuwadi be gosedai 'ebweu 'ena sida etala, 'ilobwenena be tomota 'eluwa nai 'etoi sida simana leleleya 'ina loegesi manuna.

Lowa 'igu ayausa 'eluwena 'enaya 'imi toloegesi nidi be yaumi yaloguguyemi, nadigega gete tuga 'edasolaya yamiyami ta yaemataluwemi 'aene 'eguma yawawai limana 'emiya, loina mwauna yada 'ebwa'edi toloegesi nidi. Nate 'ebe'ita 'emiya, be 'enega wada mwalatonigu 'aene Keliso 'eguyega 'ionaona. Tauna Keliso nina 'ina guinuwa 'emiya nigeya nenetana ta esi waiwaina. Ona'ai'aila sigie kelosena 'atuwa tai nenetana, ta sa'i Yaubada 'ina waiwaiyega mayawasina 'imiyami. 'Abo'ama wate ooma nenetadi tauna oona nadigega, ta Keliso yawasina 'enega sawesawemaya 'ada loinemi, Yaubada 'ina waiwaiyega.

'Enega taumi wada toomi, mwa'adega Keliso 'ana emisa wagiyai 'i'isinaya, nai nigeya. Mwa'adega, wamwalamwalatoni 'aene Keliso 'atemiya 'imiyami? Ta 'eguma nigeya, nate manuna nigeya 'imi emisamo. Yaemisa wate be 'abo watooma, wada mwalatonima 'aene nigeya 'ada neneta.

'Abo'ama 'asidasida Yaubada 'ena be 'aene geya'abo waloeloegesi, nigeya 'aene wada 'awa tosimana 'ai'ailema. Ta 'eguma tomota nigeya si'awa'awa tosimana 'ai'ailema, 'ada gwausowala tuga 'omi 'imi bubuna palupaluna manuna. Manuna 'abo'ama nigeya sawesawemaya bubuna palupaludi 'a'etobodedi, ta esi yage palupaludi manudi 'aguiguinuwa.

'Enega 'ima nenetao 'ediya 'agwaugwausowala 'eguma 'omi waewaiwai, ta wate 'asidasida Yaubada 'ena be wada toolopa'ala 'ai'aila.

10 'Imi leta gete 'edasolega ya'etoladinawa be 'abo tuta nina yawawai geya'abo yaloiloina pa'ala 'emiya, manuna loina nina 'Inapwana 'i'ebwa'eguya nigeya sabi gieto'umaliyemi, ta esi sabi giewaiwaiyemi.

11 Gosegwao kaiyoni. 'Igu loguguya wada nono be wasanaila. Wate 'imi nuwanuwa 'ebweuna 'enega wada miyasiwalowa, be Yaubada tauna oboboma be nuwasiwalowa 'aledi ma'emiya wada miya gwausowala. 12 Gosemiyao ma'emiyao waenimalotuna, lotoona bobo'ana 'enega. 13 Keliso 'ana toemisao bada 'idi oboboma 'emiya.

'Inapwana Yesu Keliso maibo'ami 'ida 'atenuwa 'ole'oleyemi, ta Yaubada 'ida obobomemi, be Yaluyaluwa Tabuna wate ma'emiya wada egosigosiyana 'ai'aila.

'Abo'agu Paulo.

14 

Copyright information for `DOB