Mark 11

Yesu 'ina lugu Yelusalema 'ena

(Madiu 21:1-11; Luke 19:28-40; Yoni 12:12-19)

'Enega situ'etu'e Yelusalema manuna ga 'asa gidalidi Betani ta Betipegi selabediya silogelogedo, nate 'oya Olibe 'agalaunaya, ta Yelusalema nuganidiya tupwana 'edasola. 'Enega Yesu 'ina tononoyao 'eluwa 'igimi etunedi sena nidi gidalidi 'ediya ma 'adi emataluwa, 'igwae, “Watauya 'asa gote matamiya 'enaya, ta 'eguma waapwesa 'asa nina matanaya, yobai 'ebweu wa'italoba kaiwe 'ena silosipwena, nate ase mwaneyauna, tauna nigeya tomota sida gelu toona. Yobai nina wali'ami be wame'e. Ta 'abo 'ebweu yaita 'ienaida 'emiya be 'igwae, ‘To'ase manuna nate yobai nina wali'ali'ami?’ tai nina waeona, ‘'Inapwana nuwanuwana, be tuta kukupana namo be 'ida etune ilenama.’ ”

'Enega site luwa nidi sitauya 'asa nina 'enaya ga yobai ase silobena anuwa mata'awaninaya, ta kaiwe 'ena silosipwena, 'enega sie'ale be sili'ami. Sili'ali'ami ta 'aina tomota sitootoolo selabediya sigwae, “To'ase manuna nate yobai nina wali'ali'ami?”

Ta site luwa nidi sigwae, “'Inapwana nuwanuwana, be tuta kukupana namo be 'ida etune ilenama,” ga 'ediya sitagwalena. Ta yobai nina si'ewena ga sitauyena Yesu 'ena, ga 'adi 'oamega gwauna siloesona, 'enega Yesu 'igelutu'e, ga 'itautauya.

Ta boda yaudi wate 'adi 'oamao 'edaya siesodi, ta 'aidi kaiwe nalidi mayawadi siguledi 'eda 'ana eiyala manuna.

Ta 'aina boda Yesu sianuganena ta 'aina boda siamuliya, ga maibo'adi silotuputupu ta sibwaubwau, sigwae, “Kamatoki 'Inapwana, Yaubada 'ana esanega 'umai sabi 'etoseyema. 10 'Ebeloina tubumao Debida 'enega 'iapwesa limanama. Gete manuna Yaubada Toloetana sana 'atuputupu.”

11 Ga Yesu ni'atu Yelusalema 'ena 'iapwesa ga Anuwa Tabu 'ena 'ilugu, ga yage yauna Anuwa Tabu solanaya 'iduneyedi, ta ni'atu 'asuinuwanuwa, 'enega ma ina tononoyao site tuwelo siila Betani ga nada si'eno.v9-10 Sam 118:25-26

Yesu kaiwe 'ebweu 'iba'ena

(Madiu 21:18-19)

12 Ga tomwa 'iulisina ga sitoolo ga Betaniyega siilaila limana Yelusalema manuna, ta Yesu 'ibotana, 13 ga 'edasolega kaiwe 'ana 'ita 'atuwa damaya mayawana 'i'itena, 'enega 'inao selabenaya be nuwanuwana 'aene uwanega 'ida loepa'ala, ta esi 'i'itena yawa daisinamo, tuga 'aweuwauwa ma'etamo 'adi tuta. 14 'Enega Yesu kaiwe nina 'iba'ena ga 'igwae, “Geya'abo wate 'uuwauwa limana be tomota 'enega si'e'ai.” Ga 'ina ona gete 'ina tononoyao sinonona.v14 Mk 11:20

Yesu togimwane 'ipa'idi Anuwa Tabu solanega

(Madiu 21:12-17; Luke 19:45-48; Yoni 2:13-22)

15 'Enega Yelusalema 'ena simai, ga Anuwa Tabu solanaya 'ilugu, ga toegimwaneyao be togimwaneyao solanega 'ipa'i apwesedi, ta mani 'ana toesa'ugelasao 'idi tebeli 'i'aubuiyedi, ta bunebune 'adi toegimwaneyao 'idi 'ebemiya wate 'i'aubuiyedi. 16 Ta wate anuwa solana 'iegagalena be geya'abo tomota ma idi gwegwe sitautauya anuwa solanega. 17 Ga 'ie'itedi 'igwae, “Nai Buki Tabu 'ena Yaubada 'ina ona si'etoladina wamwalatonina, 'igwae, ‘'Igu anuwa sida eese anuwa 'ebe sidasida tomota maibo'adi manudi,’ ta 'omi wagibunina ga 'aene 'imi 'ebe 'ipwala.”

18 Ta totaliyao sinabwadi be loina 'ana toe'itao Yesu 'ina guinuwa gete tetelina sinonona, 'enega sigamwasowalena ga sinuwa edaedadama be sida loemwawasi, ta nigeya sawesawediya, manuna simatautena, ta wate Yesu 'ina e'itao tomota yauyaudi nuwadi 'i'ewena.

19 Ga ni'atu 'iboi, 'enega Yesu ma ina tononoyao 'asa nina siebesinena.v17 Ais 56:7v18 Mk 14:1

Kaiwe nina Yesu 'iba'eba'ena 'i'oapelu

(Madiu 21:20-22)

20 Ta tomwa 'iulisina ga sitoolo sabi ila Yelusalema, ga 'edaya sitautauya, ta Yesu kaiwe nina 'iba'eba'enaya si'itena ni'atu yawana maibo'ana si'oapelu. 21 'Enega Pita Yesu 'ina ona 'inuwa'i'isina ga 'igwae, “'Inapwana, 'u'ita kaiwe nina 'uba'eba'enaya ni'atu 'i'oapelu.”

22 Ta Yesu 'ieonedi, 'igwae, “'Eguma 'imi emisa wasa'u Yaubada 'ena, 'omi wate 'imi guinuwa waiwaidi wada guinuwedi. 23 Wate yaona 'ai'aila 'emiya 'eguma yaita 'oyo nigeya 'uda enuwanaluwa ta esi 'uemiemisa be to'ase 'uda ona sida apwesa tuga, 'eguma 'oya gote 'uloine be 'ugwae, ‘'Umiya dolo olaya,’ 'imu ona 'ida ematamatane tuga.

24 “'Enega yaeonami to'ase waside Yaubada 'ena, wada emisa tuga be ma'etamo wada loba. 25 Wate 'abo wasidasida Yaubada 'ena, gosemiyao 'idi loegesiyao wanuwataudi 'abo to'ase 'idi bubuna 'emiya, be gete 'enega Tamami galewaya 'omi wate 'imi loegesiyao 'ida nuwataudi.”v20 Mk 11:14v23 Lu 17:6v24 Md 7:7; Yo 14:13-14v25 Md 6:14-15

Yesu 'ina loina manuna

(Madiu 21:23-27; Luke 20:1-8)

27 'Enega ni'atu siilama Yelusalema, ta Yesu Anuwa Tabu solanaya 'iadadana, ga totaliyao be loina 'ana toe'itao be wate 'inapwanao simai, 28 ga Yesu sienaidena, sigwae, “Tai, yaita 'ina loinega ga gete nadigega 'uguiguinuwa'esa?”

29 Ga Yesu 'ieonedi, 'igwae, “Nugana yagimi enaida 'emiya be 'eguma wae'isa, 'abo'agu wate yaeonami 'igu loina manuna. 30 'Igu enaida gete: Yaita 'ina loinega ga Yoni togiebapitaiso 'iguiguinuwa? Yaubada, nai 'ebweu tomota?”

31 'Enega taudimo 'ediya siegewagewana, sigwae, “'Ina ona mwa'adega tae'isa'ese? Manuna 'abo tagwae, ‘Yaubada 'enega,’ 'iabe 'ieona limada be 'igwae, ‘Ta! To'ase sana manuna ga Yoni nigeya waemiemise?’ 32 Ta 'eguma tagwae, ‘Tomota 'enega,’ 'iabe pwalu sigamwasowaleda.” Manuna tomota yaudi Yoni siemisena 'aene tauna palopita 'ai'aila. 33 'Enega Yesu 'ina enaida nigeya sie'ie'isa 'ai'aili, ta esi sigwae, “Nigeya 'amwalamwalatoni.”

Ta Yesu 'ieonedi, 'igwae, “'Abo'agu geya'abo wate 'emiya yasimasimana apwesa yaita 'ina loinega ga gete nadigega yaguiguinuwa'esa.”v28 Yo 2:18v32 Md 21:46

Copyright information for `DOB