Revelation of John 16

Yaubada 'ina gamwasowala keiganao sebeni

Ta Anuwa Tabu solanega 'ebweu 'enana sinabwana yanonona, 'ionaona anilose nidi sebeni 'ediya, 'igwae, “Watatauya bale'uya be Yaubada 'ina gamwasowala keiganao sebeni wada siwadi.”

'Enega anilose nuganuganina 'itauya ga 'ina keiga bale'uya 'isiwena, ga bonu to'umali 'ai'ailidi ta uyauyadi siapwesa taudi yobai nina 'ina tokwalui 'ana tobwagobwagoyao 'ediya, taudi nate yobai nina 'ana we'iwe'iyaya 'ediya 'imiyami.

Ta anilose 'eluwena wate 'ina keiga 'i'ewena ga olaya 'isiwena, ga ola nina maibo'ana 'ielala, 'ana 'ita 'atuwa tomwawasa 'ebweu lalana. 'Enega yage maibo'adi mayawasidi ni'uya simwawasa.

Ga anilose 'etonina wate 'ina keiga 'i'ewena ga bwasi daudaudi be wewelupwa 'ediya 'isiwena, ga wate sielala.

'Enega anilose nina tauna bwasi 'ana toloina 'enana yanonona, 'igwae,

“Yaubada ye, 'oyo tuta lowa ta tuta gete 'ediya 'umiyamiya, ta wate palupaluyo ta 'esaseyo. 'Imu loina gete palupalu wawasae, manuna tomota nidi to'umalidi,
ga Yaubada 'ina tomotaiyao be wate 'ina palopitao siunudi ga laladi sigiedauna. 'Enega 'adi e'isa ni'atu 'u'ebwa'edi be 'aene lala sida numa, ga e'isa nina nate 'ilobwene 'ai'ailidi.”

Ta 'enana 'ebweuna wate yanonona 'ebe taliya 'enega, 'igwae, “'Inapwana ye, 'oyo Yaubada Toewaiwai sayo, 'imu loina gete bobo'adi ta palupaludi.”

'Enega anilose eatana 'ina keiga 'i'ewena ga sinala 'ena 'isiwena, ga sinala 'ina waiwai 'iloeposeyanena ga sawesawenaya be tomota 'i'alasidi.

Ga ni'atu yaiyai nina sinabwana tomota 'i'alasidi, 'enega Yaubada si'awa to'umaliyena, manuna tauna 'ina loinega ga mwau nidi siapwesama. Ta tuwa tuga, nigeya sinuwanuwa 'ebuni be 'aene Yaubada sida tupu.

10 'Enega anilose enimana wate 'ina keiga 'isiwena yobai nina bweyabweyalina 'ina 'ebemi esaesa 'ena, ga 'ina 'ebeloina maibo'ana 'iguguyoi. Ga tomota uya nina 'enega siesala'i'ita. 11 Ta Yaubada galewaya si'awa to'umaliyena, bonu nidi uyauyadi manudi, ta nigeya sa'i sida nuwa'ebuni 'idi guinuwa to'umalidi 'ediyega.

12 'Enega anilose esikisina 'ina keiga 'i'ewena ga bwasi sinabwana 'ana esana Yupeletisi 'ena 'isiwena, ga bwasi nina maibo'ana 'iyapasa, be 'enega 'aina kiniyao bolimana 'enega sida abalama.

13 Ta yaluyaluwa bi'i 'etoi, 'adi 'ita 'atuwa kwekwe, ya'itedi siapweapwesama yobai nina bweyabweyalina 'awanega, be wate yobai nina olega ta wate 'ina palopita kabokabo nina 'awadiyega. 14 Yaluyaluwa 'etoi nidi nate Taumudumudulele na 'ali'eiyao, taudi 'ebe nuwaowanao siguinuwedi, ga taudi getedi sitauya ga kiniyao bale'u maibo'ana 'enaya, 'aene 'idi bodao sida egogonedima be taudimo 'ediya sida losaiya, nate Yaubada Toewaiwai sana 'ina 'asiyata 'ebe losalowa 'enaya.

15 “Wada enono 'ai'aila, manuna 'etamo 'igu mai 'atuwa to'ipwala 'idi mai nadigega, ta 'abo yaita 'oyo 'ulomata'i'ita 'ai'aila be 'amu 'oama

'u'ita'i'isi, 'uda gwausowala, manuna geya'abo ma imu omayamaya tomota gamwagamwanidiya bubugewa manuna.”

16 'Enega yaluyaluwa nidi kiniyao ma idi bodao siegogonedima 'ebweu esena, 'ena Ibeliuyega sigwae “Amagedoni”, 'enaya.

17 Ta anilose esebenina wate 'ina keiga 'i'ewena ga mwatui daita etanaya 'isiwena, ga 'ebemi esaesa Anuwa Tabu solanega 'ebweu 'enana sinabwana 'iapwesa, 'igwae, “Ni'atu.” 18 Ga gote 'ena namala be dudu be wepalala be wate mwani'ini'i sinabwadi siapwesa. Lowaenei ga batuwa tomota 'idi tuta 'ena, nigeya 'ebweu mwani'ini'i 'ana sinabwa gote nadigega 'iapweapwesa'esa. Ta gete ona'ai'aila to'umali wawasae. 19 'Enega 'asa sinabwana nina 'ieweyalina, ga 'ana weyalao 'etoi siapwesa. Ga sena maibo'ana 'ediya mwani'ini'i nina 'idi 'asao 'igieto'umaliyedi, ta 'asa sinabwana 'ana esana Babiloni 'ina to'umalina Yaubada 'inuwa'i'isina, ga 'ina keiga 'enega oine 'ienumena, ta oine nina nate 'ina gamwasowala sinabwana oinena. 20 Ta wate saluyao be 'oya maibo'adi sisawala, ga nigeya wate sawesawenaya be taloba limadi. 21 Ta wate 'usana sinabwadi ta pulipulidi, nadigega gulewa sinabwadi galewega sisagusaguma tomota 'ediya. 'Enega tomota nidi Yaubada si'awa to'umaliyena 'usana nina to'umali wawasae manuna. Sia 7:17-21v6 Et 17:6, 18:24v7 Et 19:2v9 Et 9:20-21v10 Sia 10:22v14 1 Ti 4:1; Et 19:19v15 1 Te 5:2; Et 3:3; Lu 12:37-40v17 Et 16:1v18 Et 8:5v19 Et 14:8-10v21 Sia 9:24; Et 16:9,11

Copyright information for `DOB