Revelation of John 20

Yakwala tausani

'Enega 'ebweu wate anilose ya'itena galewega 'imwa'umwa'utama, ta gaula nina sinabwana 'ana 'ebe gigege be balae 'i'ewedi, ga 'imai, ga 'igiyaina yobai nina bweyabweyalina, tauna gimimwata ta Taumudumudulele nina, nate Seitani, ga 'iyonina be 'ana laba tausani yakwala sigugumwala. 'Enega anilose nina yobai nina 'igilagasina, ga 'iulena gaula nina sinabwana solanaya, ga nada 'igibodena, ga 'igiepa'alina, be geya'abo boda 'ikabokaboedi 'ana laba yakwala tausani sigugumwala, be mulinaya 'ili'ami tuta gidalina namo manuna.

Ta wate 'aina 'ebemi esaesa ya'itedi, ga 'ediya taudi Yaubada loina 'i'ebwa'ediya simiyatowa. Ta wate tomota nidi 'otodi si'upwedi, manuna taudi Yesu 'ana tosimanao ta Yaubada 'ina ona 'ana tosimanao, yaluyaluwadi ya'itedi, taudi nigeya yobai nina be 'ina tokwalui 'ediya sida bwagobwago, ta nigeya wate 'ana we'iwe'iyaya debadiya be nimadiya sisa'usa'udi. Taudi getedi mwawasega ni'atu sitoolo, ta Keliso ma'edi siloiloina yakwala tausani 'ediya, taudi togimitoolo, ta tomwawasa yaudi yakwala tausani sigugumwala be 'enega taudi wate sida toololimana.

Ta taudi togimitoolo 'esasedi, 'enega ma idi gwausowala, ga mwawasa 'eluwena geya'abo silobaloba, ta taudi sa'i Yaubada be Keliso 'idi totaliyao, be Keliso ma'edi sida etoloina yakwala tausani 'ediya. 6:9, 13:16-17; Dan 7:27v6 Et 2:11; 1 Pi 2:9

Seitani 'ina neneta

'Enega yakwala tausani 'ida gumwala, be Seitani 'ebeyonega sida li'ami, be 'ida apwesama, be 'ida tauya bale'u maibo'ana 'ediya sabi kaboedi, sena nina nadigega Gogi be Megogi 'ediya. 'Enega Seitani taudi maibo'adi 'ida egogonedi saiya manuna, 'adi yau sawayogena, nadigega kaukau le'awaya. 'Enega bale'u maibo'ana siataonedima, be Yaubada 'ina 'asa nina sinabwana 'ena siapwesa, ta Yaubada 'ina toemisao nidi siasakowasiyedi, ta 'awesabelulu galewega 'imwa'utama ga 'i'ala egumwalidi. 10 'Enega 'adi tokabo Seitani nina, si'ewena ga siulena yaiyai sinabwana solanaya, lowa 'ena yobai nina be palopita kabokabo nina siuledi, be sena nina 'ena si'elo'elouya 'asiyata be boiboi 'ediya, ta geya'abo 'igumwagumwala.

Bwa'omatana 'ana 'ebe losalowa

11 'Enega 'ebweu 'ebemi esaesa wakewakekena ta sinabwana, be 'ana tomiya nina, ya'itena. Ga matanega galewa be bale'u sisawala, be nigeya sawesawenaya taloba limadi.

12 Ta tomwawasa maibo'adi ya'itedi, sinabwadi be gidalidi, 'ebemi esaesa nina matanaya sitootoolo, ta buki 'ineyasidi, ga 'ebweu wate buki 'ineyasina, tauna yawasida bukina, ga tomwawasao 'iloinedi, to'ase nadigega 'idi bubuna 'eto'etoladina buki nidi 'ediya 'imiyami.

13 Taudi ni'u 'adi to'enoyao simai, be tomwawasa yaluyaluwadi 'idi 'asa 'ana tomiyanao, be bale'u 'ana tomwawasao, maibo'adi simai, ga 'ebweuna 'ebweuna 'iloinedi, to'ase 'idi bubuna nadigega. 14 'Enega Mwawasa be wate 'idi sena nina 'iula mwa'utedi yaiyai sinabwana solanaya, ta yaiyai nina nate mwawasa 'eluwena.

15 Ta 'abo yaisigedi nigeya 'adi esanao 'ilobaloba yawasida bukina 'enaya 'iuledi yaiyai nina sinabwana 'enaya.v14 1 Ko 15:24-26,54-55v15 Md 25:41

Copyright information for `DOB