Revelation of John 21

Galewa auwauna be bale'u auwauna

'Enega galewa be bale'u auwaudi ya'itedi siapwesa, ta nigeya ola, ta esi gimigalewa be gimibale'u ni'atu sikwaiya.

Ga 'asa 'esasena ya'itena, tauna Yelusalema auwauna, galewega 'imwa'umwa'utama Yaubada 'enega, ni'atu 'ieiyalina nadigega toai mewainena 'iiyala be mamwanena sida elobaloba.

Ga 'ebemi esaesa 'enega 'enana sinabwana yanonona, 'igwae, “'U'ita, Yaubada be 'ina tomota ma'enao sida miyami, manuna tauna ma'edi, be taudi 'ina tomotaiyao. Ona'ai'aila Yaubada ma'edi, be mataseludi 'ida lo'i'ilidi, manuna geya'abo wate mwawasa nai 'elouya nai dedoi 'ediya 'iapweapwesa, manuna miya kadekadelina ni'atu 'igumwala.

'Enega 'ebemi esaesa 'ana tomiya nina 'igwae, “Yage yaudi yada gieauwaudi”, ga wate 'igwae, “Ona getedi 'u'etoladidi, manuna ona 'ai'aila ta palupaluna.”

Ta wate 'ieonegu 'igwae, “Ni'atu! 'Abo'agu tuga 'ebe e'ale be 'ebe losalowa, ta 'abo yaisigedi taudi tona'adi siyapasa bwasi bobo'ana yada 'ebwaya daisidi yawasidi manuna. Ta 'abo yaita 'iewaiwai Seitani 'ena, 'ebe gwausowala yada tagwala 'enaya be 'ida 'awatamanegu, be tauna yada 'awanatune. Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.” 15:24-26v6 Et 1:8, 22:13,17; Ais 55:1; Yo 7:37v7 Lo 8:14-17

Yelusalema nina auwauna

'Enega anilose nidi sebeni lowa 'elouya keigadi sebeni 'adi to'aalao 'ebweuna 'ediyega 'imai, ga 'ieonegu, 'igwae, “'Umai be Lami mwanena yae'itayo.”

10 Ta Yaluyaluwa Tabuna 'i'au'ewegu 'oya kesolana debanaya ga 'asa 'esasena 'ie'itegu, 'ana esana Yelusalema, galewega 'imwa'umwa'utama Yaubada 'enega. 11 Ta Yaubada 'ina esaesa maedanina 'asa nina 'enaya 'isaesae, ta 'asa nina tuyayalina, 'atuwa nadigega gulewa esaesa, ta 'inamanamala 'atuwa gelasi.

12 Ta 'asa nina 'ana 'ali sinabwana ta kesolana, ta 'ana 'awa 'adi yau tuwelo, ta 'awa nidi 'adi to'ita'i'ita anilose tuwelo, ta wate 'awa nina 'ediya susu tuwelo nidi Isileli 'enega 'adi esanao si'etoladidi. 13 'Ali nina 'ana weyalao ata. 'Ebweu sena bolimana 'enega, ta 'ana 'awa 'etoi, sena yaalata wate 'enega 'awa 'etoi, sena yalasiyega wate 'awa 'etoi, be sena 'ebwagega 'awa 'etoi. 14 'Asa nina sinabwana si'abina 'autui 'ebweu bobo'ana 'enaya, nate gulewa tuwelo pa'alidi debadiya, ga gulewa nidi 'ediya Lami 'ana tosimanao tuwelo 'adi esanao si'etoladidi.

15 Ta anilose nina ma'iyagu 'aonaona, nimanaya 'ebe 'etopwapwa goula, be 'enega 'asa nina namanamalina be 'ana 'awao be 'ana 'ali wate 'ida 'etopwapwadi. 16 'Asa nina 'ana dudula be 'ana bababa sena ata nidi leleleya. 'Enega anilose nina 'ina 'ebe 'etopwapwa 'enega 'asa nina 'i'etopwapwena, ga 'ana dudula be 'ana bababa be 'ana kesola maibo'ana leleleya, nadigega pipitini analedi kilomita. 17 Ta 'ali 'ana bado nimanega 'i'etopwapwena ga 'ilobena teti sikisi lowa, nate wani analedi be potipowa kubiti. Anilose nina nimana 'atuwa tai nimana 'ana dudula nadigega.

18 'Asa nina 'ana 'ali gulewa esaesa ta namanamalidi 'ediyega si'abina, ta 'asa solanaya goula 'enega si'abina, ta 'inamanamala 'atuwa gelasi. 19 'Asa nina 'ana 'autui gulewanao, gulewa esaesao ta namanamalidi 'ediyega sieiyalina, 20 'autui nugana 'ana iyala 'ebweu gulewa esaesa wakewakekena, 'eluwena 'ana iyala gulewa 'ana 'ita ni'u gaigai nadigega, 'etonina kalakalawina, eatana bweyabweyalina, enimana yomwayomwalina, bulabulana ta gaigaina, esikisina wate bweyabweyalina, esebenina laulauna, ta e'eitana kalakalawina, enaenina wate laulauna, esanauna kalakalawina, elebenina wate ni'u gaigai nadigega, ta etuwelona gaigaina, ginausa nadigega. 21 Ta 'asa nina 'ana 'awao tuwelo nidi paku sinabwadi tuwelo 'ediyega siguinuwedi, ga 'awa 'ebweuna paku 'ebweuna 'enega siguinuwena. Ta 'asa nina 'ana 'eda maibo'ana goula daisinamo, 'inamanamala 'atuwa gelasi.

22 'Asa nina 'enaya nigeya Anuwa Tabu ya'ita'ita, manuna 'Inapwana Yaubada Toewaiwai sana be Lami taudi Anuwa Tabu nidi tuga.

23 Sinala be nawalae nigeya sida sae 'asa nina 'enaya, manuna Yaubada 'ina esaesaega 'ituyayalina maibo'ana, ta wate Lami 'iemayale 'asa nina 'enaya. 24 Ta maedana nina 'enega me bale'u sida lopilidadana, be bale'u 'ana kiniyao 'adi tupu sida me'e 'asa nina 'enaya. 25 Ta 'asa nina 'ana 'awao 'asiyataya nigeya sida gibodedi, manuna nigeya guguyoi nai boiboi.

26 Ta 'ebeloinao maibo'adi 'idi 'amayaba be 'idi lotuputupu sida me'edi 'asa nina solanaya. 27 Ta geya'abo sa'i yage baibailidi 'asa nina 'ena silugulugu, nai toguinuwa to'umalidi, nai toekabokaboyao. Nate namo taudi ni'atu 'adi esanao si'etoladidi Lami nina 'ina buki, nate yawasida bukina, 'enaya. v27 1 Ko 6:9-10; Et 3:5, 13:8

Copyright information for `DOB