a1:1Ap 18:7; Lo 1:1
b1:2Ap 5:11, 9:13-14, 18:1, 20:28; 1 Ko 6:11, 10:32
c1:3Lo 1:7
d1:4Lo 1:8
e1:52 Ko 8:7-9
f1:7Lu 17:30; 2 Te 1:7; Ta 2:13
g1:81 Ko 3:13, 5:5; 2 Ko 1:14; Pl 1:6, 2:16; Kl 1:22
h1:91 Ko 10:13; 2 Ko 1:18; Pl 3:10-11; 1 Te 5:24; 1 Jo 1:3
i1:10Lo 15:5; Pl 2:2
j1:12Jo 1:42; Ap 18:24-28; 1 Ko 3:4,22-23, 9:5, 15:5
l1:13Mt 28:19; Ap 2:38; Ep 4:5
m1:14Ap 18:8, 19:29; Lo 16:23
n1:161 Ko 16:15
o1:17Mt 28:19; Jo 4:2; 1 Ko 2:1,4,13, 2:1, 3:18; 2 Ko 1:12’
p1:18Lo 1:16; 2 Ko 2:16, 4:3
q1:19Wee 33:10; Ais 29:14
r1:20Jop 12:17; Ais 19:12, 33:18, 44:25
s1:21Mt 11:25; Lo 1:19-20
t1:22Mt 12:38; Jo 2:18; Ap 17:18-23,32
u1:23Lo 9:32; 1 Ko 2:14; Ga 3:1, 5:11
v1:24Kl 2:3
w1:252 Ko 12:10, 13:4
x1:26Dit 7:7; Mt 11:25; Jo 7:48; Je 2:1-5
y1:27Isi 7:2; 1 Sam 16:7; 2 Ko 4:7; Je 2:5
z1:28Dit 8:17-18; Lo 4:17
aa1:29Lo 3:27; Ep 2:9
ab1:30Jet 23:5-6; Jo 17:19; Lo 3:24, 8:1; 1 Ko 4:15, 6:11; 2 Ko 5:21; Ep 1:7,14; Kl 1:14; 1 Te 5:23
ac1:31Jet 9:24; 2 Ko 10:7

1 Corinthians 1

Goteme a, b  masiamoli pyoo namba Polo Kataisa Jisasanya aposele kalyale lao ipu leamo dokopa kaiminingi Sosatenisapa nalimbame pepa dake nyakama Gotenya sosa Kotina yuu dokonya kalyamino dupanya pyao peekelyambano. Naimanya Kamongo Jisasa Kataisa lao loma singi endakali yuu pitakanya kalyamino dupa pitaka-pipa, nyakama baanya endakali joo kalyepale lao Goteme ipupa latala Kataisa Jisasa-pipa nyoo pakatala baame nyakama etete epe injisetea. Jisasa Kataisa baa dupapi naimapi pitakanya Kamongo.

Naimanya c  Takange Gotepa Kamongo Jisasa Kataisapame nyakama kandao mona epe mende palyetala nyakamanya mona lyuu lasekena.

Goteme Kataisa Jisasa-kisa epe dupa dingina leamo doko

Goteme d  Kataisa Jisasa-kisa nyakama kandao mona epe palyiamo dokonya nambame nyakama lao masetala koteaka lao Gote lao yaka pilino lenge. Doko, e  Goteme Kataisa-kisa epe dupa pitakame nyakama kamongasia. Pii lamaingipi masingipi dupa pitaka nyakama-kisa silyamo. Kataisanya lao pii naimame nyakama langiamano doko nyakamanya mona dokonya kyoto joo sepelyamo. Dopana, f  indupa nyakamame naimanya Kamongo Jisasa Kataisa dee panao ipatamo gii doko putiti kayao malisoo katao, Goteme epe dingi dupanya mendaipi mende daa joo nakalyamino. Dee g  baame nyakama kyoto joo katasoaka pao yuu etatamo gii dokonya tuu lata. Dopa pitamopa naimanya Kamongo Jisasa Kataisame yapatamo gii dokopa nyakama-kisa koo tengepi mende nasingi katatami. Gote h  baanya Ikiningi Jisasa Kataisa naimanya Kamongo doko-pipa nyakama pakalapale lao ipupa leamo Gote doko tungi pyapenge.

Wakale wakale masa masa pyoo nakalyepapena leamo doko

10 Kaimia i  paluma, nambame naimanya Kamongo Jisasa Kataisanya kingi dokonya katao, nyakama pitakame masingi mendai palyoo pii mendai iki lao kalyepape lao kyoto joo langilyo. Nyakamame wakale wakale masa masa pyoo kalya naenya, mona mendai palyoo mana mendai minao pyasalakao pyasetae kalyepape. 11 Doko, nambanya kaimia paluma, enda Kolowinya endakali mendapuame nyakamalapo laiya lao kalyaminona lao namba langiami. 12 Nambame j  lelyo doko dapa lao lelyo: nyakama pitakanya mendeme, “Namba Polonya kalyona,” lapumopa; mendeme, “Namba Apolosanya kalyona,” lapumopa; mendeme, “Namba Sipasanya
a sipasaKenge Sipasa doko Iputu pii lao lenge. Kenge Pita doko Gitiki pii lao lenge. Kenge dolaponya tenge doko kana.
kalyona,” lapumopa; mendeme, “Namba Kataisanya kalyona,” lelyamino.
13 Dopa l  lao kalyamino doko, Kataisa baa konjoo wakale wakale piape? Namba Polome nyakama alo pyoo ita pokonya pyao yukuotae kateope? Pande, nyakama namba Polonya kenge doko lao kaimbu nyiamipi?

14 Nambame m  nyakamanya akali Kitisapasapa Gayasapanya iki kaimbu pyatakamaitala, nyakamanya mendenya kaimbu pyakala nayo dokonya Gote lao yaka pilino lelyo. 15 Dopana, endakali mendaipi mendeme kapa pao nyakama nambanya kenge doko lao kaimbu nyiamina nalapenge. 16 Ee n  kini, nambame akali Setepanasapi baa palupi dupanya kaimbu pyakamaiyoaka. Dee mendenya apata kaimbu pyakamaitopi doko masala naelyo. 17 Kataisame o  kaimbu pyakamaiyale lao namba puu nalea. Wai Pii Epe doko lamaiyale lao puu lea. Dee Kataisa ita pokonya kumiamo pii doko aopyoo latala mee jetame lao, pii waa katao lamaiyale lawapi puu nalea.

Kataisa baa Gotenya pupu lapaepi masepaepina leamo doko

18 Doko, p  yuu koo dokonya paanya pilyamino endakali dupame Kataisa ita pokonya kumiamo pii doko kyakaenge piina lao masilyamino. Dopaka doko, Goteme naima pyoo nyingi endakali dupame pii doko Gotenya pupu lapaena lao masilyamano. 19 Doko, q  pii pepa pyapae singi dokonya,

“Nambame masingi akali dupanya masingi dupa koyasinya nepato.
Mana kandenge akali dupanya mana kandenge dupa mee injisotona,” lapae silyamo.
20 Masingi r  akali dupa angi mende daa. Mana setapae masingi akali dupa angi mende daa. Isa yuu angenya waa katao pii yanda pingi akali dupa angi mende daaka. Goteme isa yuunya endakali dupanya masingi doko kyakaengena lao laitaka pia. 21 Goteme s  baanya masingi dokome yuunya endakali dupame nyakamanya masingi dokonya-kaita baa masala nayatamina lao masia-pyaa. Dopa lao masetala, “kyakaenge piina” lelyaminopa naimame lamaingi dokome baa lao masoo minatamino endakali dupa pyoo nyotona lao masia-pyaa. 22 Juta t  endakali dupame kongali dupa kandamana pyepa lao tee lengema. Dee Gitiki endakali dupame mana dupa nyemana lao kutingima. 23 Dopaka u  doko, naimame ita pokonya pyao yukuotae kateamo Kataisa dokonya lao pii lenge. Dokonya Juta dupame mona koo palyingima. Tata waka dupame pii doko kyakaenge piina lao masingima. 24 Dopaka v  doko, Jutapi tata wakapi Goteme ipupa latae dupa pitakame Kataisa baa Gotenya pupu lapaepi Gotenya masepaepina lao masingima. 25 Doko, w  endakali dupame Gotenya kyakaenge manana lelyamino doko etete masepae mende. Dokome endakalinya masingi doko ita miningi. Dee endakali dupame Gotenya tambo lapaena lelyamino doko etete pupu lapae mende. Dokome endakalinya pupu lapae doko ita miningi.

26 Dopana, x  kaimia paluma, Goteme nyakama ipupa leamo dokopa nyakama endakali aipale joo kateamape lao masalapape. Yuunya endakali dupame masingi akalina lao yapengema dopale nyakama longo nakateami. Dee nyakama akali andakepi kamongonya mandipaepi longo nakateami. 27 Dopaka y  doko, masingi akali dupa elya sina lao Goteme yuunya endakali dupame kyakaengena lao masingima endakali dupa yapao nyia-pyaa. Akali andake dupa elya sina lao baame yuunya endakali dupame tambo lapaena lao masingima endakali dupa yapao nyia-pyaa. 28 Dee z  yuunya endakali dupame kilya kandengema endakali dupapi, koo lamo lao masingima endakali dupapi dupa baame yapao nyia-pyaa. Endakalimi angina lao masingi dupa mee jina lao endakalimi angi daana lao masingi dupa Goteme yapao nyia-pyaa. 29 Baame aa  dopa piamo doko endakali mendaipi mendeme baanya enomba dokonya luiyala naena lao dopa pia. 30 Dopa ab  petala, Goteme nyakama Kataisa Jisasa-pipa nyoo pakea. Goteme Kataisa baa naimanya masingi doko injisekea. Kataisa mambele naima tolatae joo katao, etete epe joo katao, kii tamao nyepae kalyamano. 31 Dopana, ac  pii pepa pyapae singi dokonya, “Endakali mende luiyatamo dokome Kamongome piamo dupa lao masetala luinana,” lapae silyamo.

Copyright information for `ENQ