a10:1Eke 13:21-22, 14:22-29
b10:2Lo 6:3; Ga 3:27
c10:3Eke 16:4,35
d10:4Eke 17:5-6; Nam 20:7-11; Wee 114:8
e10:5Nam 14:26-30; Ip 3:17; Ju 5
f10:6Nam 11:4,34; 1 Ko 10:11; Ip 9:9
g10:7Eke 32:4,6
h10:8Nam 25:1-18
i10:9Nam 21:5-6; Ap 5:9
j10:10Eke 12:23; Nam 16:41-49; Ip 3:11,17
k10:11Lo 15:4; 1 Ko 10:6; 1 Pi 4:7
l10:12Ga 6:1
m10:13Mt 6:13, 26:41; 1 Ko 1:9; Je 1:13-14
n10:14Lo 14:1; 1 Jo 5:21
o10:16Lep 3:1; Mt 26:26-28; Mk 14:22-24; Lu 22:19-20; Ap 2:42; 1 Ko 11:23-26
p10:17Lo 12:5; 1 Ko 12:12; Ep 4:4,16
q10:18Lep 7:6
r10:191 Ko 8:4
s10:20Dit 32:17; Wee 106:37; 2 Ko 6:14-16; Pa 9:20
t10:212 Ko 6:15-16
u10:22Dit 4:24, 31:21; Ekl 6:10; Ais 45:9
v10:231 Ko 6:12; Pl 2:21
w10:24Lo 14:19, 15:2; 1 Ko 10:33; Pl 2:4
x10:26Wee 24:1, 50:12
y10:27Lu 10:8
z10:281 Ko 8:7,10-12
aa10:301 Ti 4:4
ab10:31Kl 3:17; 1 Pi 4:11
ac10:32Lo 14:13; 1 Ko 1:2, 8:13, 9:19-23
ad10:33Lo 15:2; 1 Ko 10:24, 13:5

1 Corinthians 10

Nyakama isa pyakatamane lao kandao isoo kalyepapena leamo doko

Kaimia a  paluma, nambame naimanya yumbange dupame akali Mosese watao peamino dupa-kisa piamo dupa nyakamame kame nasipimi laka lao masilyo. Dupa pitakame kopa dokonya pundipundi katao pao solowata pete Kate Pyapae doko auu pyoo pao yaleami-pyaa. Dupa b  pitakame Mosese-pipa pakatae kalyanya kopa dokopa solowata pete dokopanya kaimbu nyiami-pyaa. Dupa c, d  pitakame Goteme nee maiyamo mendai dokoaka nao endaki maiyamo mendai dokoaka nao piami-pyaa. Doko, Gotenya kana doko dupa-pipa awapa peamopa dupa pitakame dokonya endaki neami-pyaa. Kana doko Kataisa baa. Dopaka e  doko, Goteme dupanya etete longo dupa auu nakayamopa dupa endakali napalenge yuu dokonya kumapae silya sana pyoo peami-pyaa.

Dopa f  piamo dutupa pitakame naima kandao isoo kalyepale lao laitaka pilyamo. Dupame piaminoli pyoo naimame mana koo dupa minapuma laka lao putiti nakayamana. Dupanya g  mendapuame piaminoli pyoo naimame sambo gote dupa minao nakatamana. Pii pepa pyapae singi dokonya, “Endakali dupame nee endakipi nalanya isa pitipala dee mali lyalanya sakateamina,” lapae silyamo. Dupanya h  mendapuame piaminoli pyoo naimame kepo kolala nayamana. Dupame dopa piaminopa yuu gii mendainya iki endakali taosene kingi-ita lapoma-kisa dee tepo dupa lombapae sepala kumiami-pyaa. Dupanya i  mendapuame piaminoli pyoo naimame Kamongome koo dupanya yanu nyetape nanyetape lao minao makande napimana. Dupame dopa piaminopa kanopatome dupa nao kumasia-pyaa. 10 Dee j  dupanya mendapuame piaminoli pyoo naimame mumu nalamana. Dupame dopa piaminopa endakali pyao Kumasingi Enjele dokome dupa kumasia-pyaa.

11 Dupa-kisa k  dopa piamo dutupa pitakame endakali dupa mana nyalapale lao laitaka pilyamo. Dee piamo dutupa pepa pyapae silyamo doko, naima yuu gii etao kalyamano endakali dupa kandao isoo kalyepale lao pyapae silyamo. 12 Dopana, l  endakali mende kyoto joo kalyona lao masetamo dokome baa isa pyakatone lao kandao katapenge.

13 Nyakama-kisa m  makande pingi epeamo dupa waka mendepale daa. Endakali dupa-kisa makande pingi dopaleaka epenge. Dopaka doko, nyakamame Gote tungi pyao katapenge. Makande pingi mendeme nyakama ita minina lao baame kayala nayata. Makande pingi mende nyakama-kisa ipatamo dokopa Goteme nyakama nisalanya kaita dapa pyoo wasakata: baame nyakama pupu lasetamopa nyakamame kenda pipae doko nyoo kyoto joo katatami.

Nyakamame Gotepa Enjele koopa pyasoo naminapengena leamo doko

14 Dopana, n  nambanya mona setenge paluma, sambo gote miningi mana doko wandyuu kalyepape. 15 Nyakama mona palenge endakali kalyamino dokonya nambame nyakama langilyo. Nyakama tangeme nambanya pii doko yapalapape. 16 Kapo o  penge Goteme auu pisina latala auu pipae nelyamano dokome naima Kataisanya taiyoko doko-pipa pyasala naengepe? Betesa naimame konjoo nelyamano dokome naima Kataisanya yonge doko-pipa pyasala naengepe? 17 Betesa p  mendai iki singi. Dopa pingi dokonya naima endakali longo dupa mendai joo kalyamano. Doko, naima pitakame betesa mendai dokonya nenge.

18 Isataele q  endakali dupanya mana doko masalapape: mena akipi kundi maitae dupanya nenge Isataele endakali dupame losuu anda andakenya olata toko dokonya Gote doko-pipa pyasetae kalyamino. 19 Nambame r  dopa lelyo doko aipa lao lelyope? Sambo gote dupa angina lao nalelyo. Sambo gote dupa kundi maingima doko angina lao nalelyoaka. 20 Daa, s  netesa endakali dupame nyakamanya olata toko dupanya kundi maingima doko enjele koo dupa lao maingima. Dupame Gote lao kundi namaingima. Dopana, nambame nyakama enjele koo dupa-pipa pyasala nayapimi laka lao masilyo. 21 Nyakamame t  Kamongonya kapo dokonya nao enjele koo dupanya kaponya nao napipenge. Nyakamame Kamongonya toko dokonya nee nao enjele koo dupanya tokonya nee nao napipenge. 22 Dee u  naimame Kamongo minao imbu pisala nayamana. Naimanya pupu lapae dokome baanya pupu lapae doko ita naminilyamano.

Opale mende pitami doko pitakame Gote lalyoo pyepape leamo doko

23 Kini, v  dupa pitaka naimame pipenge kapaka doko, dupa pitakame naima nisala naenge. Dupa pitaka naimame pipenge kapaka doko, dupa pitakame naima minao epe injisala naenge. 24 Endakali w  mendeme baa tangeaka nisepenge dupanya nisoo nakatenya, endakali waka dupa nisepenge dupanya nisoo katapenge.

25 Mena akipi makesanya silya sambengema dupanya nyakamame moname longo lao masoo tipa pilya pyana napinya mee sambao napenge. 26 “Doko, x  isa yuu dakepi isa yuu dakenya silyamo dupa pitakapi dupa Kamongonya.”

27 Masoo y  naminingi endakali mendeme nyakama baa-pipa awapa nee namana ipupa latamopa nala pawani kayami kandeno doko, pupala nee nalapale lao setatamo dupa pitaka nalapape. Nyakamame moname longo lao masoo tipa pilya pyana napyepape. 28 Dopaka z  doko, endakali mendeme nyakama langyuu, “Mena akipi dutupa sambo gote kundi maitae mendenyana,” lea kandeno doko, nyakamame endakali dopa latamo dokopi baanya monapi lao masetala nee doko nanalapape. 29 Doko, nambame nyakamanya mona doko lao nalelyo. Dolonya mona doko lao lelyo.

Moname masokondape napingi endakali mendeme nambanya masilyoli pyoo katenge doko kaita lyokapengepe?
30 Nambame aa  nee nato dokonya Gote lao yaka pilino lao nato kandao doko, dokonya endakali mendeme namba kandao pii koo lapengepe?

31 Dopana, ab  nyakamame nee natamipi endaki natamipi opale mende pitami doko pitakame Gote lalyoo pyepape. 32 Nyakamame ac  Jutapi tata wakapi Gotenya sosanya endakalipi dupanya mendeme koo pina lao mapisala nayao kalyepape. 33 Nyakamame ad  nambame pingili pyoo kalyepape. Nambame dupa pitakanya endakali dupa pitakame auu kaengemali pyoo pitoo lao pingi. Nambame namba tangeaka nisoo nakatenge. Daa, endakali longo dupa pyoo nyepae katena lao dupa nisoo katenge.

Copyright information for `ENQ