a11:11 Ko 4:16; Pl 3:17; 2 Te 3:7
b11:21 Ko 15:1-3; 1 Te 2:13, 4:1-2; 2 Te 2:15
c11:3Jen 3:16; Ep 1:22, 4:15, 5:23; Kl 2:19
d11:41 Ko 3:23
e11:5Lu 2:36; Ap 21:9; 1 Ko 14:34
f11:61 Ko 11:15
g11:7Jen 1:26-27; Je 3:9
h11:8Jen 2:21-23; 1 Ti 2:21-23
i11:9Je 2:18
j11:111 Ko 14:34
k11:12Lo 11:36
l11:151 Ko 11:5
m11:161 Ko 1:2, 4:17, 7:17, 14:33
n11:181 Ko 1:10-12, 3:3
o11:19Dit 13:3; 1 Jo 2:19
p11:22Je 2:5-6
q11:231 Ko 15:3
r11:24Eke 12:14; Dit 16:3
s11:25Eke 24:6-8; Jet 31:31; Sak 9:11; 2 Ko 3:6; Ip 8:6-13
t11:261 Ko 4:5
u11:271 Ko 16:22; Ip 10:29
v11:28Mt 26:22; 2 Ko 13:5
w11:30Ap 5:9
x11:32Dit 8:5; 1 Ko 1:20; Ip 12:5-6; Pa 3:19
y11:341 Ko 4:19

1 Corinthians 11

Nambame a  Kataisame piamoli pyoo pingi. Dokotekee joo nyakamame nambame pingili pyoo pyoo kalyepape.

Losuu laanya aiyombanya opale mende andu pingi dokonya leamo doko

Opale b  mende pilya dupa pitakanya nyakamame namba lao masingima dokonyapi dee namba mana nyio nyakama langio dupa minokondape pyoo miningima dokonyapi nambame nyakama tama pilyo. Dopaka c  doko, nyakamame akali doko baanya etanengenya aiyombana, Kataisa baa akali dupa pitakanya aiyombana, Gote baa Kataisanya aiyombana lao masipimi laka lao masilyo. Akali d  mendeme baanya aiyombanya kotalepi opale mende andu petala loma setamopi Gotenya pii doko lamaitamopi dokome baanya aiyomba doko minao elya piseta. Dee e  enda mendeme baanya aiyombanya tangipi opale mende andu pyaa nayao loma setamopi Gotenya pii doko lamaitamopi dokome baanya aiyomba doko minao elya pisetaka. Enda doko baa enda mendeme baanya aiyomba iti tokao pau pinya nepenge enda dopale. Endame f  baanya aiyombanya tangipi mende andu pyaa nayatamo kandao doko, baame baanya iti doko muu pyoo tokapenge. Dopaka doko, muu pyoo tokalanyapi tokao pau pinya nepalanyapi elya kayatamo kandao doko, baame baanya aiyombanya tangipi mende andu pipenge. Akalimi g  baanya aiyomba doko sanga pyao kotalepi opale mende andu pyaa nayapenge. Doko, baa Gote wangi tapae. Baame Gotenya makande doko laitaka pingi. Dopaka doko, endame akalinya makande doko laitaka pingi. Doko, h  Goteme akali doko enda-kisa mendatupa nyepala wapuala naya-pyaa. Enda doko akali-kisa mendatupa nyepala wapuiya-pyaa. Dee i  baame enda doko lao masetala akali doko wapuala naya-pyaa. Daa, akali doko lao masetala enda doko wapuiya-pyaa. 10 Dopana, enjele dupame kandenge dokonya endame baa akalinya pundipundi petengena lao laitaka pyoo baanya aiyomba sanga pyao tangipi mende andu pipenge. 11 Dopaka j  doko, Kamongonya joo katenge dokonya akali enda yangilyamopa, enda akali yangingiaka. 12 Enda k  doko akali-kisa mendatupa nyepala wapuiyamo dokaita doko, akali doko enda-kisa langa lenge. Dee dupa pitaka Goteme pingi.

13 Endame baanya aiyombanya tangipi mende andu pyaa nayao loma setamo doko kapape kapa daape lao nyakama tangeme yapalapape. 14 Akali mendeme iti asili mandelyamo kandao doko, elya pingina lao naima endakalinya masingi dokome masingi. 15 Dopaka l  doko, enda mendeme asili mandelyamo kandao doko, dokome baa yati pingina lao masingi. Doko, endame baanya aiyomba sanga pina lao iti londe doko Goteme enda maiya-pyaa. 16 Dopaka m  doko, endame aiyomba sanga pyao tangi akipi andu pyoo loma singi dokonya endakali mendeme pii tanga latoo lao masetamo kandao doko, naima aposelepi dee Gotenya sosapi dupame mana dokonya tanga laa naenge doko baame masepenge.

Kamongonya nee doko auu pyoo napenge dokonya leamo doko

17 Dopaka doko, indupa nambame nyakama pii langitoo dokome nyakama tama pyaa nayatoo. Doko, nyakamanya kambu pingi dokome nyakama nisala naenya kenda pisingi. 18 Nambame n  nyakama pii wambao langitoo doko dapa: nyakama sosa kambu pilyamino dokopa wakale masa masa petala saa laloo pingimana lapae sepala, nambame pii doko kuki kiningi lumu lao masilyo. 19 (Kini, o  nyakamanya masoo miningi endakali angi dupa panena lao saa laloo pingi mana doko nyakama-kisa ipupenge lao nambame masilyo.) 20 Nyakama kambu pilyamino dokopa nyakama pitaka mendai mendai lao wambatala nyakamame nee minao epelyamili pyoo mende malisala nayao nengema. Dopa pilyaminopa nyakamanya yangi dupa mee lopo kayao kalyaminopa yangi dupa bia akipi nao kyakao katengema. Dokonya nyakamame Kamongonya nee doko kapa pao nala nayapengema. 22 Nee p  endakipi napenge nyakamanya anda nakalyape? Pande nyakamame Gotenya sosa doko kilya kandatala kaiminingi nee daa jingi dupa minao elya pisemana lao masilyamipi? Dokonya nambame nyakama aki pii mende langyoape? Nambame nyakama tama pyuape? Daa, nambame nyakama tama napitoo.

23 Doko, q, r  nambame Kamongo-kisa pii nyio dake nyakama mana langiwaka: baa enge nyepala baanya yandapipi dupa laitaka piamo kuka gii dokonya, Kamongo Jisasame betesa mende nyepala Gote lao yaka pilino latala konjia-pyaa. Konjepala lao pituu, “Dake nambanya yonge dokona, doko nyakamanya silyamo. Nyakamame namba lao masoo dopa pyoo kalyepapena,” lea-pyaa. 25 Nee s  nao etapeaminopa mendai dopaka pyoo baame kapo penge doko nyepala lao pituu, “Kapo dakeme nambanya taiyoko dokonya-kaita pii enenge doko lao setekelyo. Nyakamame nataminoli pyoo namba lao masoo dopaka pyoo kalyepapena,” lea-pyaa.

26 Nyakamame t  betesa dake nao kapo dakenya nao pitaminoli pyoo nyakamame Kamongo kumiamo doko panasoo natami. Dopaka pyoo pao Kamongo doko dee ipatamo dokonya tuu latami.

27 Dopana, u  endakali mendeme auu pyoo masala nayao Kamongonya betesa doko mee ambe nao kapo dokonya nao pitamo dokome Kamongonya yonge taiyokopa dolapo minao koyaseta. 28 Tenge v  dokonya minao endakali mendai mendai lao dokome baa tange masokondape petala betesa doko nao kapo dokonya nao pipenge. 29 Doko, baame Kamongonya yonge doko nelyona lao masala nayao Kamongonya nee dokonya natamo kandao doko, baa tange-kisa tenge sina lao nata. 30 Tenge w  dokonya minao nyakamanya longo dupa yaina nyowapi yaina sowapi piaminopa dee yangi dupa isa palipiami. 31 Dopaka doko, naimame naima tange yapokondape pyemali kandao doko, Kamongome naima yapapala yanu nyala nayatali. 32 Dopaka x  doko, yuunya endakali dupa-pipa naima koyala nayataminopa lao Kamongo dokome naima yapapala tenge setao tolasingi.

33 Dopana, nambanya kaimia paluma, nyakama awapa Kamongonya nee nalanya kambu pyatamino dokopa mende malisa malisa pyepape. 34 Aopyoo y  latala nyakama-kisa tenge setena lao kambu pyatamina, endakali mende lopo kayatamo kandao doko, baanya andaka nee napala ipupenge. Pii yangi mee silyamo dupa namba nyakama katatamisa ipato mendepa lao tolakato.

Copyright information for `ENQ