a2:1Ap 18:1; Lo 1:16; 1 Ko 1:17; 2 Ko 1:12, 11:6
b2:21 Ko 1:23; Ga 3:1, 6:14
c2:3Ap 18:6,9,12; 1 Ko 4:10; 2 Ko 7:15, 10:1, 11:30; Ep 6:5; Pl 2:12
d2:4Lo 15:19; 1 Ko 4:20; 2 Ko 12:12; 1 Te 1:5
e2:52 Ko 4:7, 6:7
f2:6Ep 4:13; Pl 3:15; Kl 1:28; Ip 5:14
g2:7Lo 8:29-30, 16:25
h2:8Wee 24:8; Lu 23:34; Ap 7:2; Ep 3:10; Je 2:1; 1 Pi 1:12
i2:9Ais 64:4
j2:10Dan 2:28; Mt 11:25, 13:11, 16:17; Jo 14:26; Ep 3:3,5
k2:11Pot 20:27; Lo 11:33-34
l2:12Jo 16:13-14; Lo 8:15
m2:131 Ko 1:17, 2:4
n2:14Pot 28:5; Mt 16:23; Jo 8:47, 10:26, 14:17; 1 Ko 1:18, 23; Je 3:15
o2:151 Ko 3:1, 14:37; Ga 6:1; 1 Jo 2:20
p2:16Ais 40:13; Lo 11:34; 1 Ko 7:40

1 Corinthians 2

Kataisa pyao yukuotae kateamo dokonya lao leamo doko

Kaimia a  paluma, namba nyakama kateamisa ipao Goteme yalo pyoo masoo kateamo doko langio dokopa, nambame pii lyaa doko auu pina lawapi dee masingi akali mendeme pii yapao lengeli pyowapi langya nayo. Doko, b  namba nyakama-pipa tole kateamano dokopa nambame waka mendenya laa naenya, Jisasa Kataisapa dee baa ita pokonya pyao yukuotae kateamo dokopa dolaponya iki latoo lao masio. Dee c  namba nyakama-pipa tole katao pituu kyoto nanjoo paka kayao etete walu lao kateo. Nambame d  Wai Pii Epepi manapi langio dupa masingi akali dupame endakalinya masingi kakunyoo lengemali pyoo langya nayo. Dopa napiopa, Sipitisa Gote dokonya pupu lapae dokome pii doko nyakama-kisa kiningi injisia. Nambame e  dopa pio doko, nyakamame Gotenya pupu lapae doko mambele masoo minalapale lao pio. Endakalinya masingi mende mambele masoo minalapale lao daa.

Goteme masepae yalo piamo dokonya leamo doko

Dopaka f  doko, masepae doko nambame Gotenya endakali wambu pipae dupa lamaingi. Masepae doko isa yuu angenyapi isa yuu angenya isingi akali koyapenge dupanyapi mende daa. Endakali g  dupame nakandena lao Gotenya masepae yalo petae singi doko nambame lamaingi. Wamba baame yuupi kaitipi wapuala nayao pituu, naima tii pyoo katasotona lao masepae doko wambao yapao nyia-pyaa. Isa h  yuu angenya isingi akali mendaipi mendeme masepae doko nakandeami. Dupame kandeamili kandao doko, Kamongo tii pipae doko pyao yukuala nayamili. Dopaka i  doko, pii pepa pyapae singi dokonya,

“Lengeme nakandeami dupapi, kaleme nasiami dupapi, moname masala nayami dupapi dupa
Goteme baa auu kaengema endakali dupanya depa lanya setakamaiyana,” lapae silyamo.
10 Dee j  dutupa Goteme Sipitisa naima dingi dokonya-kaita naima-kisa panasia. Sipitisa Gote dokome dupa pitaka kandokondape pyoo kandenge. Kini, baame Gotenya mona koko etete palelyamo dupa apata kandengeaka. 11 Endakali k  mendaipi mendeme endakali mendenya masingi doko nakandenge. Baa tangenya mona dokome iki masingi. Mendai dopaka pyoo endakali mendaipi mendeme Gotenya masingi doko nakandenge. Sipitisa Gote dokome iki kandenge. 12 Dee l  naimame sipitisa nyiamano doko isa yuu angenyatae mende nyala nayama. Goteme naima epe mee diamo dupa masalapale lao baame Sipitisa diamo doko nyiama. 13 Goteme m  naima epe diamo dupanya lao naimame lamailyamano dokopa, masepae endakali dupame pii mana langilyamino dupa lao lamaiya naenya, Sipitisa Gote dokome pii mana langilyamo dupa lao baanya angi dupanya endakali dupa lamaingi. 14 Sipitisa n  nakatenge endakali dokome Sipitisa Gote dokome epe dingi dupa nyowani nakaenge. Baame epe dupa angi mende daa lamo lao masetala kapa pao masala naenge. Doko, Sipitisa katenge endakali dokome iki epe dupa yapapala angi etetena lao masingi. 15 Sipitisa o  katenge endakali dokome dupa pitaka yapao kandenge. Dopaka doko, endakali mendaipi mendeme kapa pao baa yapao kandala nayapenge.

16 “Doko p  apimi Kamongonya masingi doko kandeape?
Apimi baa mana lamaipengepe?”
Dopaka doko, Kataisanya masingi doko naima-kisa palelyamo.

Copyright information for `ENQ