a3:1Jo 16:12; Lo 7:14; 1 Ko 7:40
b3:21 Te 2:7; Ip 5:12-14; 1 Pi 2:2
c3:31 Ko 1:10-11, 11:18; Ga 5:19-20; Je 3:16
d3:41 Ko 1:12
e3:52 Ko 6:4; Ep 3:7; Kl 1:25
f3:6Ap 18:4-11, 24-28; 1 Ko 1:12; 2 Ti 2:6
g3:9Ais 61:3; Mt 13:3-9; Ep 2:20-22; 1 Pi 2:5
h3:101 Ko 15:10; 2 Pi 3:15
i3:11Wee 118:22; Ais 28:16; Ap 4:11-12; 1 Pi 2:4-6
j3:13Mt 3:11-12; 1 Ko 1:8, 4:5; 2 Te 1:7-10; 1 Pi 1:7
k3:15Jop 23:10; Ais 43:2
l3:161 Ko 6:19; 2 Ko 6:16
m3:17Ep 2:20-22
n3:18Pot 28:26; Ais 5:21; 1 Ko 1:17-25, 8:2; Ga 6:3
o3:19Jop 5:13; 1 Ko 1:20
p3:20Wee 94:11
q3:21Lo 8:32; 1 Ko 4:6
r3:22Lo 8:38; 1 Ko 1:12
s3:23Lo 8:10; 1 Ko 6:19, 11:3

1 Corinthians 3

Gote-pipa tole pyao kalai pingina leamo doko

Dopana, a  kaimia paluma, nambame Sipitisa katenge endakali dupa pii lamaingili pyoo nyakama kapa pao langya nayo. Dopa napinya, Kataisanya mana dokonya wane kole joo wamba kateamili pyoo mee katenge dupa pii lamaingili pyoo nambame nyakama langipenge jianya langio. Nambame b, c  nyakama andu ipange jepae pii dupa langio. Doko, nyakama nee kyoto jepae pii dupa sepenge joo nakateaminosa langya nayo. Kini, nyakamame yuunya endakali joaka mee katapiminosa indupa apata nasepenge joo kalyamino. Nyakama tilya nyoo laiya laloo pyoo katapimino dokome nyakama endakalinya mona koo dokome pyuani kaenge dupa watao isa yuunya endakali joo kalyaminona lao laitaka napilyape? Doko, d  nyakamanya mendeme, “Namba Polonya kalyona,” lapumopa; mendeme, “Namba Apolosanya kalyona,” lao kalyamino dokome nyakama yuunya endakali joo nakalyamipi?

Apolosa e  doko apipi? Polo doko apipi? Nalimba kalai akali iki daape. Kamongome nalimba wakale wakale kalai diamoli pyoo piambanopa nyakamame baa masoo miniami. Nambame f  ee wai pokeopa Apolosame tanu pia. Dopaka doko, Goteme andasia. Dopana, ee wai pokenge akali doko angi mende daa. Dee tanu pingi akali doko angi mende daaka. Andasingi Gote doko iki angi. Ee wai pokenge akali dokopa tanu pingi akali dokopa dolapo mendai. Dolapome kalai wakale wakale pitambinoli pyoo tange yole nyetambi. Doko, g  nalimba Gote-pipa tole pyao kalai mendai pingi. Nyakama Gotenya eepi andapi joo kalyamino.

10 Goteme h  mona epe palyoo namba kalai diamoli pyoo namba anda pingi masepae mupa joo anda muku minanya seteo doko, indupa endakali waka mendapuame dokonya anda pilyamino. Dopaka doko, endakali mendai mendai lao dokome anda muku dokonya aipa pyoo anda pilyope lao isokondape pyoo pipenge. 11 Doko i  anda muku minapae silyamo doko Jisasa Kataisana, dee akali mendeme muku waka mende minala nayapenge. 12 Anda muku minapae dokonya endakali mendapuame anda golome pilyaminopi, silipame pilyaminopi, kana epeme pilyaminopi pingima. Dee endakali mendapuame itame pilyaminopi, yangimi pilyaminopi, sambaiyame pilyaminopi pingima. 13 Kataisame j  yapatamo gii dokopa endakali mendai mendai lao dupa pitakame kalai pitamino dupa panata. Doko, gii doko ipatamo dokopa, itate kaiyepae awapa ipupala itate dokome endakali mendai mendai lao dupa pitakame kalai pitamino dupa kopeta piami lamo kamea pyoo piami lamo lao makande petala panaseta. 14 Anda muku minapae dokonya endakali mendeme anda pitamo doko itate dokome makande pitamopa natatamo kandao doko, baa yole nyeta. 15 Dee k  endakali mendeme anda pitamo doko itate dokome tatamo kandao doko, baame kalai pitamo dupa mee maa yangatae katata. Dopaka doko, anda telyamopa kamanda kolao paka penge dopale joo baa itange pyoo nyepae katata.

16 Nyakama l  Gotenya losuu anda joo kalyaminopa Sipitisa Gote doko nyakama-kisa katengena lao masala naelyamipi? 17 Endakali m  mendeme Gotenya losuu anda doko koyasetamo kandao doko, Goteme baa koyaseta. Doko, Gotenya losuu anda doko etete epe dokonyana baame dopa pita. Losuu anda doko nyakamaka daape.

18 Endakali n  mendeme baa tange minakasala naena. Nyakamanya endakali mendeme yuunya endakali dupame yapao masingimali pyoo baa masingi akalina lao masetamo kandao doko, baa etete masingi akali jalanya kyekena. 19 Doko, o  yuunya endakali dupanya masingi doko Goteme kyakaengena lao masingi. Pii pepa pyapae singi dokonya,

“Goteme masingi akali dupa nyakama tangenya waa katenge mana dokome lyina lao kone makengena,” lapae silyamo.
20 Dee p  pii mende:

“Kamongome masingi akali dupanya masingi doko angi daa lamona lao kandengena,” lapae silyamoaka.
21 Dopana, q  nyakamanya mendaipi mendeme endakalinya opale mendenya luiyala nayalapape. Doko, dupa pitaka nyakamanya. 22 Polopi, r  Apolosapi, Sipasapi, yuu kaitipi, lete katengepi, kumingipi, indupa silyamopi, tanga setapi, dupa pitaka nyakamanya. 23 Dee s  nyakama Kataisanya. Dee Kataisa baa Gotenya.

Copyright information for `ENQ