a5:1Lep 18:7-8, 20:11; Dit 22:30, 27:20
b5:2Lep 18:29; Dit 13:5
c5:3Kl 2:5
d5:4-5Mt 4:10, 16:19, 18:20; 1 Ko 1:8; 2 Ko 13:10; 2 Te 3:6,14; 1 Ti 2:20; 1 Pi 4:6
e5:6Ga 5:9
f5:7Eke 12:5,21, 13:7; Nam 5:3; Ais 53:7; Jo 1:29; 1 Pi 1:19
g5:8Eke 12:19; Dit 16:3
h5:9Mt 18:17; 2 Ko 6:14; 2 Te 3:14
i5:10Jo 17:15; 1 Ko 10:27; 2 Ko 6:17; 1 Jo 5:19
j5:11Mt 18:17; Lo 1:29; 1 Ko 10:7,14,20-21; 2 Te 3:6; Ta 3:10; 2 Jo 10
k5:12Mk 4:11; Kl 4:5; 1 Te 4:12; 1 Ti 3:7
l5:13Dit 13:5, 17:7, 22:24; 1 Ko 5:2

1 Corinthians 5

Kepo kolenge akali doko sosanya mee katena kayamino dokonya leamo doko

Nyakamanya a  kaina dokonya kepo kolenge mana doko silyamo lao pii doko taelyamo. Akali mendeme baanya takangenya etanenge maitakao nyepae doko kepo kolao nyepala pilyambino lelyamino. Netesa endakali dupame kepo kolenge mana dopale naminingima! Dopana, b  nyakama aipa petala luiyao kalyamipi? Nyakama mona etete kenda kayapala dopa piamo akali doko nyakamanya kambu dokonya nakatena lao watao piamili kapa. Kini c  namba nyakama-pipa tole nakalyamanoaka doko, nambanya mona doko nyakama-pipa katao mana koo miniamo akali doko nambame yapapeo. Nyakama d  Kamongo Jisasa lao masetala kambutamino dokopa, nambanya mona doko nyakama-pipa awapa katatamana, nyakamame naimanya Kamongo Jisasanya pupu lapae dokome akali doko Satanenya kingilyaka dokonya baa maiyepape. Baanya koo pingi yonge doko Sataneme koyasetatamopa Kamongo dee ipatamo gii dokopa baa mona enenge palyoo pyoo nyepae katatamopana dopa pyepape.

Nyakama e  luiyao kalyamino mana doko epe daa. Betesa andasingi iisa kukimi betesa wasalanya momanga pipae doko pitakanya tayao andasingili pyoo mana doko tayao andata. Nyakama f  momanga pipae enenge joo katamana lao iisa wambatae mee palenge doko nepalapape. Nyakama betesa wasalanya momanga pipae iisa napalenge enenge joo kalyamino. Doko, naimanya Napinya Kayamo Giinya sipisipi yakane pyapenge doko kundi joo pyapea. Sipisipi yakane doko Kataisa. Dokonya g  naimame betesa iisa wambatae palenge doko nepatala, betesa iisa napalenge enenge doko nao, koo pyoo luingi mana dupa nepatala auu pyoo katao kiningi mana minao naimanya Napinya Kayamo Gii doko kandao nyoo katamana.

Wamba h  nambame nyakamanya pepa pyao peekeo dokonya nyakama kandao endakali kepo kolenge dupa-pipa tole nakalyepape leo. 10 Dopa i  leo doko, nyakamame isa yuu angenya kepo kolenge endakalipi, opale nyipu laka lao masingi endakalipi, muni akipi pake nyingi endakalipi, sambo gote minao katenge endakalipi, dupa yakinalapape lao naleo. Nyakamame isa yuu dake kapa pao yakinapenge pyali kandao doko, nyakamame dupa etete yakinapimiliaka. 11 Daa, j  nambame nyakamanya pepa pyao peekeo doko dapa lao pyao peekeo: nyakamanya masoo miningi kaiminingi latatamo endakali mendeme kepo kolawapi, nyipu laka lao masowapi, sambo gote minao katawapi, endakali yango dupa kandao pii koo lawapi, bia akipi longo lao nao kyakawapi, muni akipi pake nyowapi pingi yaa kandeno doko, baa-pipa tole nakalyepape. Endakali dopale doko-pipa neepi apata nanalapapeaka.

12 Doko, k, l  netesa endakali dupa yapenge kalai doko nambanya kalaipi? Daa, Goteme dupa yapata. Dopaka doko, kamenya katenge endakali dupa yapenge kalai doko nyakamanya. “Nyakamame koo pingi endakali doko nyakamanya kaina dokonya watao pyalapape.”

Copyright information for `ENQ