a6:1Mt 18:17
b6:2Dan 7:22,26; Mt 19:28; Pa 3:21, 20:4
c6:3Ju 5-6
d6:7Mt 5:38-42; Lo 12:17-19; 1 Te 5:15; 1 Pi 3:9
e6:9Lo 1:29-30; 1 Ko 15:50; Ga 5:19-21; Ep 5:5; Pa 22:15
f6:11Jo 3:5; Ep 2:1-6; Ta 3:3-7; 1 Jo 2:12
g6:12Jen 4:7; Lo 6:15; 1 Ko 10:23
h6:131 Ko 10:31; Kl 2:22; 1 Te 4:3-5
i6:14Lo 1:4, 8:11; 1 Ko 15:20; 2 Ko 4:14
j6:15Lo 6:12-13, 12:5; 1 Ko 2:12, 12:27; Ep 5:30
k6:16Jen 2:24; Mt 19:5; Mk 10:8; Ep 5:31
l6:17Jo 17:21-23; Lo 8:9-11; Ga 2:20
m6:19Jo 2:21; Lo 5:5; 1 Ko 3:16; 1 Te 4:4-8
n6:20Ap 20:28; Lo 6:15, 12:1; 1 Ko 7:23; Pl 1:20; 1 Pi 1:18-19

1 Corinthians 6

Mende kosimi laa laa napyepape leamo doko

Nyakamanya a  endakali mendeme nyakamanya mende-kisa kosa pii mende setao pituu dokopa, baame Gotenya endakali dupa kayapala netesa endakali dupanya pii tolenge akali dupanya enombasa dupame tolasina lao napupenge. Gotenya b  endakali dupame endakali dupa pitakanya pii dupa tolasakamaipenge doko nyakamame masalapape. Kini, nyakamame endakali dupanya pii dupa lao tolasakamaitami. Dopana, aipa petala nyakamame mee pii yakane dopale dupa tolasepenge nanjilyape? Naimame c  enjele dupanya pii dupa lao tolakamaitama doko nyakamame masalapapeaka. Dopana, kiningi etete naimame kapa pao isa yuu angenya kalyamano dupanya pii dupa lao tolapenge jilyamo. Dokonya, nyakamanya pii dopale dupa tolasepenge jipumopa nyakamame endakali sosanya konda napingi dupame tolasina lao aipuma nyoo pelyamipi? Nambame nyakama elya salapale lao lelyo. Masoo miningi kaiminingi mendalaponya kainanya pii setamo dupa kapa pao lao tolasetami nyakamanya masingi akali mendapua kalyamino. Dopaka doko, kaiminingi mendeme kaiminingi mende kosimi laa laa pilyamino. Dopa pipimino doko masoo minala naenge endakali dupame lao tolekena lao kaelyamino.

Kini, d  nyakamame mende kosimi laa laa pilyamino dokome nyakama etete lombapae sepelyamino lao laitaka pilyamo. Mendeme nyakama-kisa koo pipumopa pina lao kayapimili doko epe. Dee nyakamanya oapi dupa waa katao pake nyalanya pipiminopa nyina lao kayapimili doko epeaka. Epeaka doko, nyakamame dopa napilyamino. Daa, nyakamame endakali mende-kisa koo pyoo mendenya oapi waa katao pake nyoo kalyamino. Nyakamame mana doko nyakamanya kaiminingi dupa-kisa minilyamino! Koo e  pingi endakali dupa Goteme isingi panda dokonya nakatatami doko nyakamame masala naelyamipi? Nyakamame nyakama tange minakasala nayalapape. Endakalipi nyele-nyele paengema dupapi, sambo gote minao katengema dupapi, kepo kolengema dupapi, akali yangome elya pingi pina lao kaengema dupapi, akali yango-pipa elya pingi pingima dupapi, pake nengema dupapi, nyipu laka lao masingima dupapi, bia akipi longo lao nao kyekengema dupapi, endakali yango dupa kandao pii koo lengema dupapi, mana makandepi yalengema dupapi dupanya mende Goteme isingi panda dokonya nakatata. 11 Wamba f  nyakamanya mendapuame dopa pyoo kateami. Dopaka doko, Goteme nyakamanya koo dupa kunanya nepekea. Baame nyakama etete epe injisia. Dee baame nyakama tolataena lea. Naimanya Gote dokome Kamongo Jisasa Kataisa lao masetala baame Oli Sipitisa dokome dopa pia.

Nyakamanya yonge dokome Gote tama pyoo kalyepape leamo doko

12 Kini, g  dupa pitaka nambame pipenge kapa. Kapaka doko, dupa pitakame endakali nisala naenge. Nambame dupa pitaka pipenge kapana lao masilyoaka doko, dupanya mendeme namba isina lao kayala nayato. 13 Kini, h  nee silyamo doko inginya paanya silyamo. Dee ingi palelyamo doko nee ipao sina lao palelyamo. Dopaka doko, Goteme dolapo lapota etaseta. Yonge kalyamo doko kepo kolalanya nakalyamo. Daa, Kamongonya kalyamo. Dee Kamongome yonge doko nisalanya kalyamo. 14 Goteme i  Kamongo doko malunya sakatasiamoli pyoo naima apata baanya pupu lapae dokome sakatasetaka.

15 Nyakamanya j  yonge doko Kataisanya yonge dokonya kingi mokopi joo kalyamo doko nyakamame masala naelyamipi? Dopana, nyakamanya akali mendeme Kataisanya yonge dokonya mendatupa nyepala enda akali nyele-nyele paenge mendenya yongenya nyoo katatape? Daa, etete dopa napipenge! 16 Akali k  mendeme enda akali nyele-nyele paenge mende elya pingi pitamo dokome enda dokopa yonge mendai jetambi doko nyakamame masala naelyamipi? Doko Goteme, “Dolapo yonge mendai jetambina,” lea-pyaa. 17 Dopaka l  doko, endakali mende Kamongopa pakatae katatamo dokome baapa masingi mendai palyoo katata.

18 Kepo kolenge mana doko wandyuu kalyepape. Endakali mendeme koo waka dupa pitamo dokome baanya yonge dokonya napita. Dopaka doko, endakali mendeme kepo kolatamo dokome baa tangenya yonge dokonya pita. 19 Nyakamanya m  yonge doko Goteme Oli Sipitisa nyakama dia nyakama-kisa kalyamo dokonya losuu anda joo kalyamo doko masalapape. Nyakama nyakama tangenya daa, nyakama Gotenya. 20 Baame n  nyakama sambao nyia. Dokonya nyakamanya yonge dokome Gote lalyoo kalyepape.

Copyright information for `ENQ