a3:1Jo 1:12-13, 15:21, 16:3, 17:25; Lo 8:14-17,37-39; Ep 1:5; 1 Jo 3:10
b3:2Lo 8:29; 2 Ko 3:18; Pl 3:21; Kl 3:4
c3:3Mt 5:48; 1 Jo 2:6
d3:5Ais 53:9; Jo 1:29, 8:46; 2 Ko 5:21; Ip 4:15, 7:26, 9:14; 1 Pi 1:19, 2:22,24, 3:18; 1 Jo 2:2, 4:10
e3:6Mt 7:18; Lo 6:1-2,14; 1 Jo 2:14; 3:9
f3:71 Jo 2:29
g3:8Jen 3:15; Jo 8:44, 12:31-32; 1 Jo 3:5,12
h3:91 Jo 2:14, 3:6, 5:18
i3:10Jo 1:12-13; 1 Jo 3:1,8,23, 4:6
j3:11Jo 13:34, 15:12,17; 1 Jo 1:5, 2:7; 2 Jo 5
k3:12Jen 4:8; Jo 8:44; 1 Jo 3:8; Ju 11
l3:13Mt 5:11-12, 24:9; Jo 15:18-21, 17:14
m3:14Jo 5:24, 11:25-26
n3:15Mt 5:21-22; Pa 21:8
o3:16Mt 20:28; Jo 13:1, 15:12-13; Ga 1:4, 2:20; Ep 5:2; Pl 2:17; 1 Te 2:8; 1 Ti 2:6; Ta 2:14; 1 Jo 2:6
p3:17Dit 15:7-8; Jo 5:42; Je 2:16; 1 Jo 2:5, 4:12
q3:18Mt 7:21; Je 1:22, 2:15-17
r3:19Jo 18:37; 1 Jo 2:21; 2 Jo 4
s3:201 Jo 4:4
t3:21Ip 4:16
u3:22Mt 7:7-11, 21:22; Mk 11:24; Jo 8:28, 14:13-14, 15:7, 16:23-24; 1 Jo 5:14-15
v3:23Jo 6:29, 13:34, 15:12,17; 1 Jo 5:3
w3:24Jo 14:21-23; Lo 8:9; 1 Jo 4:13

1 John 3

Naima Gotenya mandipae kalyamano

Anematupa, a  Takangeme naima etete auu kayatelyamo. Dopa petala Goteme naima wanena lapumopa naima baanya wane kalyamano. Yuunya endakali dupame baa masala nayapimino tenge dokome naima apata masala naelyaminoaka. Mona b  setenge paluma, naima indupa Gotenya wane joo kalyamano. Dee tenda naima aipa pyoo katatamape doko etete masalakao masetala naelyamano. Dopaka doko, Kataisa panatamo gii dokopa naima baa katatamoli pyoo katatamana lao masilyamano. Kini, baa kalyamo dokoaka naimame kandatama. Dopa c  lao masoo malisoo katenge endakali doko pitakame nyakamanya koo dupa wasinya nepatala, baa etete epe joo kalyamoli pyoo katenge.

Koo pingi endakali doko pitakame mana setapae dupa yalenge. Koo pingi doko mana setapae yalenge mendai dokoaka. Jisasame d  koo dupa soo nepalanya panao epeamo doko nyakamame masilyamino. Baa-kisa koo mende nasilyamo. Baa-pipa e  pakatae katenge endakali doko pitakame koo napingi. Koo pingi endakali doko pitakame baa lengeme nakandao moname masala nayawaka piami. Wane f  paluma, aopyoo latala endakali mendeme nyakama minakaseta. Mana tolatae minilyamo endakali doko baa tolatae Jisasa yale jilyamo. Tee g  pyao Sataneme koo piamo dokonya koo pilyamo endakali doko baa Satanenya. Gotenya Ikiningi panao epeamo dokome Satanenya kalai pingi dupa koyasalanya epea. Gotenya h  mandipae endakali doko pitakame koo napingi. Doko, Gotenya lete katenge doko baa-kisa etete pokatae katenge. Baa Goteme mandipae dokonyana baame koo mende kapa pao napingi. 10 Gotenya i  wanepi Satanenya wanepi dupa dapa pyoo panenge. Mana epe tolatae naminingi endakali doko pitakapi endakali yango auu nakaenge endakali doko pitakapi dupa Gotenya wane daa.

Auu kayaloo pyoo kalyepape

11 Naima j  auu kayaloo pyoo kalyepape lapae pii tee pyao nyakamame siamino doko soo kalyamino. 12 Naima k  Keene yale joo nakatamana. Baa akali koo dokonya joo katapala baame baanya kaiminingi doko pyao kumasia-pyaa. Aipuma pyao kumasia-pyaape? Baame mana koo miniamopa, baanya kaiminingi dokome mana tolatae miniamo dokonya pyao kumasia-pyaa.

13 Kaimia l  paluma, isa yuu koo dakenya endakali dupame nyakama imbu kayami kandeno doko, walu nalalapape. 14 Naimame m  endakali yango dupa auu kaelyamano tenge dokome naima kumingi doko yakinatala lete katenge dokonya pao katapelyamano lao masilyamano. Endakali yango auu nakaenge endakali doko kumingi dokonya mee kalyamo. 15 Endakali n  mendeme endakali yango imbu kayamailyamo doko pyao kumasilyamosaka pingi. Endakali yango pyao kumasingi endakali doko pitaka kapa pao lete etete nakatatami doko nyakamame masilyamino. 16 Jisasame o  naima lao masetala baa kumia. Dopa piamo dokonya endakali auu kaenge mana doko naimame kandateama. Dopana, endakali yango dupa lao masetala naima kumapenge. 17 Endakali p  mende-kisa yuunya oapi dupa setamopa, baame endakali yango mende opale daa jetamopa kandatala nisala naenya mona pyakilyetamo dokome aipa petala Gote auu kayao katatape? 18 Wane q  paluma, naimame piipi kambupimi iki endakali yango dupa auu kayala naenya pipenge dupa pyoo pituu angi auu kayapenge.

19 Dopa r, s  pingi mana dokome naimame kiningi pii doko watao minilyamano lao masemana. Naimanya mona dokome naima-kisa tenge setatamo dokopa, naima Gotenya enombasa mona lyuu lao katamana. Doko, Gote baa Kamongo dokomena naimanya mona ita minao baame dupa pitaka masingi. 21 Mona t  setenge paluma, naimanya mona dokome naima kandao nyakama koo lamona laa naelyamo kandao doko, naimame Gotenya enomba dokonya paka nakayao katenge. 22 Naimame u  baa-kisa tee latamano dupa pitaka nyetama. Naimame baanya mana setapae dupa minao baame auu kaenge dupa pitaka watao pitamano tenge ongonya nyetama. 23 Baanya v  mana setapae doko dake: naimame baanya Ikiningi Jisasa Kataisa lao masoo minatala baame pyepape leamoli pyoo auu kayaloo pyoo katapenge. 24 Gotenya w  mana setapae miningi endakali doko Gote-pipa pakatae kalyamopa, Gote baa-pipa pakatae katenge. Sipitisa Goteme naima diamo dokome baa naima-pipa pakatae kalyamona lao masilyamano.

Copyright information for `ENQ