a1:1Ap 15:22, 16:1, 17:1; Lo 1:1,7; 2 Ko 1:19; 2 Te 1:1-2
b1:2Lo 1:9-10; Pl 1:3-4; Kl 1:3; 2 Te 1:3,11, 2:13
c1:3Lo 8:25, 15:4; 1 Ko 13:4-7; Kl 1:4-6; 1 Te 5:8; Pa 2:2
d1:4Lo 1:7; 2 Te 2:13; 2 Pi 1:10
e1:5Ap 1:8, 20:18; 1 Ko 2:4-5, 4:20; 2 Ko 12:12
f1:6Ap 13:52, 17:5-9; Lo 14:17; 1 Ko 4:16, 11:1; Ga 5:22-23; 1 Te 2:10, 3:3; 2 Te 1:4, 3:7,9
g1:7Lo 15:26; 2 Te 1:4; 1 Pi 5:3
h1:8Lo 1:8; 2 Te 3:1
i1:9Ap 14:15; Ga 4:8
j1:10Mt 3:7; Ap 17:31; Lo 2:5-6, 5:9; 1 Te 2:19-20, 4:16-17, 5:9; Ta 2:13

1 Thessalonians 1

Namba a  Polopi, Silipenasapi, Timotipi naimame naimanya Takange Gotepa, Kamongo Jisasa Kataisa-pipa awapa Tesalonaika yuu dokonya sosa kalyamino endakali dupanya pepa dake pyao peekelyamano. Goteme nyakama kandao mona epe mende palyetala nyakamanya mona doko lyuu lasekena.

Tesalonaika tange dupame masoo minao mana epe miniamino doko

Naimame b  loma soo pituu, nyakama pitaka masilyamali pyoo koteaka lao Gote kandao yaka pilino lenge. Nyakamame c  Gote lao masoo minao kalai pilyamino dupapi, nyakamame endakali auu kayapimino dokome kyoto joo dupa nisilyamino dupapi, nyakamame Jisasa Kataisa lao masoo malisoo kyoto joo kalyamino dokopi dupa naimanya Gote-kisa Takange dokonya enombanya naimame kame nasingi. Kaimia d  paluma, Goteme nyakama auu kayapala yapao nyiana lao naimame masoo kalyamano. Doko, e  naimame Wai Pii Epe nyakama-kisa lao paneamano doko mee pii iki daa. Pii doko pupu lapaepi, Oli Sipitisapi paleta dokona, naimame etete kapana lao maseteama. Dopana nyakama auu pyoo kalyepale lao naima nyakama-pipa tole kateamano mana doko nyakamame masilyamino. Naimapi f  Kamongo dokopimi piamanoli pyoo nyakamame piami. Nyakamame pii doko soo tanda longo neaminopa Oli Sipitisame nyakama mona yaepasia. Dopa g  piamopa, masoo minao paenge endakali yuu Masetoniapa Akayapa dolaponya katenge dupa pitakame mana kandena lao nyakama kateami. Kamongo h  dokonya pii lapae doko nyakama-kisa soo yuu Masetoniapa Akayapa dolaponya tayatelyamo. Dee nyakamame Gote masoo minilyamino dokonya atome pii doko yuu dupa pitakanya tayatelyamoaka. Tayatelyamo dokonya naimame pii mende dee lapenge nanjilyamo. Nyakamame i, j  naima auu kayao lanyiamina lawapi, kiningi Gote lete katenge dokonya kendemane jemana latala, baanya Ikiningi doko kaiti-kisa katao ipatamo doko malisemana lao sambo gote dupa maita maitala Gote lao mona kapilyiamina lawapi dupa Masetonia tangepi Akaya tangepi dupame atome lengema. Goteme naima imbu kayatamo dokonya naima Pyoo Nyetamo Akali Jisasa doko, Goteme malunya sakatasia.

Copyright information for `ENQ