a4:1Mt 24:23-24; Ap 20:29-30; 2 Ti 3:1, 4:3; Ta 1:10; 2 Pi 2:1, 3:3; 1 Jo 2:18, 4:1; Ju 18
b4:3Jen 9:3; Lo 14:6; 1 Ko 10:25-26,30-31; 1 Ti 2:4
c4:4Jen 1:31; Mt 15:11; Ap 10:15; Lo 14:14,20
d4:62 Ti 2:15
e4:71 Ti 1:4, 6:20; 2 Ti 2:16
f4:81 Ti 6:6
g4:91 Ti 1:15
h4:101 Ti 1:1, 2:3-4
i4:121 Ko 16:10-11; Ga 5:22; 2 Te 3:7; Ta 2:7-8,15
j4:131 Ti 6:11
k4:14Mt 9:18, 19:13; Lu 4:40; Ap 6:6, 8:17, 9:12, 19:6, 28:8; 1 Ti 1:18, 5:22; 2 Ti 1:6; Ip 6:2
l4:162 Ti 2:2

1 Timothy 4

Sambo mana lenge endakali dupa kandao leamo doko

Oli a  Sipitisa dokome panao lao pituu yuu gii maitakao ipatamo dupanya endakali mendapuame masoo miningi doko yakinatala enjele koo minakasingi dupanya pii dupa sakamaiyowapi, enjele koo dupanya mana pii lapae dupa nyoo minawapi pitami. Dupanya masingi yukuoo nyepae dupame sambo mana watao minatala sambo pii latami. Dupame b  endakalipa nyala nayalapa, nee mendapua nala nayalapa lao daa lao katatami. Goteme baanya kiningi pii lapae doko masokondape pyoo masoo miningi endakali dupame yaka pilino lao nena lao wapuiyamo dupa sambo lenge endakali dupame daa lao nee nyoo katatami. Goteme c  wapuiyamo dupa pitaka epe lamo. Mende daa lao nepala nayapenge. Dupa pitaka yaka pilino lao nyepenge. Doko, Goteme wapuiyamo dupa pitaka baanya pii lapae dokopa loma singi dokopa dolapome etete epe injisingi.

Kataisanya kalai akali epe joo katape leamo doko

Embame d  pii dutupa naimanya masoo miningi kaiminingi dupa lamaiyoo katateno dokome emba Kataisa Jisasanya kalai pyakamaingi akali epe joo katate. Embame masoo miningi dokonya pii lapae dupapi, mana pii epe lapae nyoo minao payapino dupapi, dutupa minao pupu lao katate. Embame e  yuunya mee tindi pii enda wambake dupame lengema dupa nasoo waka katape. Embame Gote minao payalanya mana nyoo makande peta peta pyoo pyoaka katape. Yonge f  doko pupu lasoo mana nyoo makande pingi dokome naima kuki nisingiaka doko, Gote minao paenge dokome naima upa pitakanya nisingi. Dokome naima indupa kalyamano doko auu pyoo katao, dee tanga tangapi katatamano dokonya auu pyoaka katatamana lapae silyamo. Pii g  dopa lapae silyamo doko etete kiningina lao masoo minapenge lamo. 10 Naimame h  ongonyaka kalai pyoo katao lekeleke telyamano. Doko, naimame Gote lete katenge doko lao masoo malisoo kalyamano. Baa endakali dupa pitakanya Pyoo Nyingi Gote. Baa lao masoo minilyamino endakali dupa baame etete pyoo nyingi.

11 Embame mana dutupa watao minina lao mana lamaiyoo katape. 12 Endakali i  mendeme emba patange lamo lao kilya kanja naenalena, embame pii latepi, mana minatepi, endakali auu kayatepi, masoo minao payatepi, tolao pyoo katatepi dutupame masoo miningi endakali dupa makande minao maipi. 13 Embame j  endakali dupa Gotenya pii doko itaki pyao lamaiyowapi, dupanya mona sakatasakamaiyowapi, mana lamaiyowapi pyoo katao namba ipato gii dokonya tuu lape. 14 Wamba k  isingi akali mendapuame Gotenya pii mendapua latala embame Gotenya kalai pitina lao aiyomba minani pyekeaminopa epe mee nyiino doko aopyoo latala mee sina kayate.

15 Embame kalai dutupa makande pyoo pima-pima pyoo pyoo patenopa endakali pitakame kandena lao embame kalai dutupanya etete mona maitae katao pyokondape pyoo pipi. 16 Embame l  emba tange kandao katape. Mana lateno dupa embame masoo lape. Embame kalai dupa pyoaka katape. Dopa pitino kandao doko, embame emba tange pyoo nyoo, dee embanya pii soo kalyamino endakali dupa pyoo nyoaka piti.

Copyright information for `ENQ