a1:1Ap 16:1, 18:1; Lo 1:1; 1 Ko 1:2; 2 Ko 1:19; Ep 1:1; Kl 1:1
b1:2Lo 1:7; 1 Ko 1:3
c1:3Lo 15:5; Ep 1:3; 1 Pi 1:3
d1:42 Ko 7:6-7,13
e1:5Wee 34:19, 94:19; Pl 1:20; Kl 1:24
f1:62 Ko 4:15
g1:8Ap 19:23, 20:18-19; 1 Ko 15:32
h1:9Lo 1:4, 4:17, 8:11; 2 Ko 4:7
i1:102 Ti 4:18
j1:11Lo 15:30; 2 Ko 4:15, 9:12
k1:121 Ko 1:17; 2 Ko 1:17, 2:17; Ip 13:8; Je 3:15
l1:131 Ko 1:17, 2:1-5
m1:141 Ko 1:8; 2 Ko 5:12; Pl 1:26, 2:16, 4:1; 1 Te 2:19-20
n1:16Ap 19:21; 1 Ko 16:5-6
o1:172 Ko 1:12
p1:18Mt 5:37; 1 Ko 1:9
q1:19Ap 15:22, 16:1, 18:5; 1 Te 1:1
r1:201 Ko 14:16; Pa 3:14
s1:22Lo 5:5, 8:16-17; 2 Ko 5:5; Ep 1:13-14; 1 Jo 2:20
t1:23Lo 1:9; 2 Ko 11:31
u1:241 Pi 5:3

2 Corinthians 1

Goteme a  masiamoli pyoo namba Polo Kataisa Jisasanya aposele kalyo dokopa kaiminingi Timotipa nalimbame Kotina yuu dokonya nyakama Gotenya sosa kalyamino dupapi Akaya yuu doko pitakanya Gotenya endakali kalyamino dupa pitakapinya pepa dake pyao peekelyambano.

Naimanya b  Takange Gotepa Kamongo Jisasa Kataisapame nyakama kandao mona epe mende palyetala nyakamanya mona doko lyuu lasekena.

Goteme naima kenda pipae dupanya pyoo nyiana lao tama piamo doko

Naimame c  naimanya Kamongo Jisasa Kataisanya Gote-kisa Takange doko lao tama pimana! Baa kondo kaenge Takange. Dee baa kenda pipae dupa pitakanya mona epe palisingi Gote. Naima-kisa d  kenda pipae epelyamo dupa pitakanya baame naima mona epe palisingi. Dopa pilyamo doko naimame kapa pao endakali dupa-kisa kenda pipae tata tata ipatamo dupa pitakanya dupa mona epe palisalapale lao dopa pingi. Baame naima mona epe palisilyamo dokomeaka naimame dopa pingi. Doko, e  Kataisa tanda neamo dupanya naima tanda epao nenge. Mendai dopaka pyoo Kataisa-kisa Goteme naima epawaka mona epe palisilyamopa, nyakama-kisa kai lao epenge. Naima-kisa f  kenda pipae epelyamo doko, nyakama mona epe palyowapi pyoo nyepae katawapi pyepale lao epenge. Dee Goteme naimanya mona epe palisekelyamo doko, nyakama apata mona epe palyoo katao maka maka nakayao naima tanda nelyamano dopale dupa kapa pao nao kalyepale lao pingi. Dokonya naimame nyakama kapana lao kyoto joo masoo kalyamano. Doko, naima tanda nelyamano dokonya nyakama awapa tanda nengemana, naima mona epe palisekelyamo dokonya nyakama awapa mona epe palisekengena lao masilyamano.

Kaimia g  paluma, yuu Esia potopinja dokonya namba-kisa kenda pipae epeamo doko nyakamame masipimi laka lao masilyo. Kenda pipae namba-kisa epeamo doko eteteaka andake nambanya pupu lapae doko ita minalakao minapenge mende epeanya, namba kapa pao nakalyapo lamo lao masio. Kini, h  nambame nambanya mona dokome namba pyao kumasemana latapimi lamona lao masio. Dopa piamo doko, nambame namba tange tungi pyala naenya endakali kumapae dupa dee sakatasingi Gote doko tungi pyatale lao pia. 10 Baame i, j  namba etete kumatae pyoo nyiana, tenda dee pyoo nyetaka. Kini, nyakamame apata namba nisoo loma setaminopa baame namba dee pyoo nyetana lao masetala baa tungi pio doko pyao kalyo. Dopana, endakali longo dupame namba nisoo loma setamino dokopa Goteme namba nisetamo doko kandatala, endakali longo dupame Gote lao yaka pilino latami.

Polo Kotina yapa napea dokonya leamo doko

12 Naima k  luilyama doko dakenya luingi: naimanya mona dokome naima langyuu naima isa yuu angenya etete auu pyoo payao mona tolatae mendai palyoo payamina lao langingi. Naimame nyakamanya kaina dokonya epao dopa pyoo kateama. Mana doko Goteme naima-kisa minao sakatasia. Endakalinya masingi dokome daa. Goteme naima kandao mona epe palyoo nisiamopa dopa pyoo payama. 13 Doko, l, m  nyakamame pii kapa pao itaki pyatala tenge masepenge dupa iki naimame nyakamanya pepa pyao peekenge. Indupa nyakamame naima kandao kuki dapa lao masilyamino: Kamongo Jisasa dee ipatamo gii dokopa nyakamame naima kandatala luiyataminoli pyoo naimame apata nyakama kandatala luiyatamina lao masilyamino. Dopaka doko, nyakamame masoaka pao etenge gii doko kandao nyipimi laka lao masilyo.

15 Nyakamame dopa lao masiamino doko nambame kyoto joo masetala nyakama paa lapomasa mona yaepalapale lao nyakama kanja ipato lao masio. 16 Doko, n  namba Masetonia yuu dakenya ipao pituu nyakama kandama ipatona, dee maitakao pilyoo pituu kandamaka pilyotona lao masio. Dee Jutia patopa kaitini pupenge dupanya nyakamame nisetamina lao masiwaka. 17 Nyakamame o  aipa lao masilyamipi? Nambame dopa pitoo lao masio dokopa namba mona mende pali pali piope? Pande, nambame opale mende pyaanya pilyo dokopa nambame namba tangenya moname pyuwani kaenge dupa watao minao pitoo lata daa lata pingipi? Dopa etete napingi! 18 Gote p  baa tungi pyapenge dokaita doko naimame nyakama pii langingi dupa pitoo lata daa lata pingi doko daana lelyo. 19 Doko q  Silipenasapi Timotipi naimame Gotenya Ikiningi Jisasa Kataisanya lao nyakama pii langingi dokome pitoo lata daa lata napinya, baame pitoo iki lea lenge. 20 Doko, r  Goteme epe ditona lanya setea pii dupa pitakanya pitoo lenge doko baa. Tenge dokonya minao naimame baa-kisa Gote lalyoo kiniaka lenge. 21 Dee s  Gote tangeme naima nyakama-pipa kyoto injisilyamopa naima Kataisapa pakatae kyoto joo katenge. Baame naima yapao nyoo naima baanya lao kongali petala, baame naima opale maitakao ditamo dupa kiningi ditona lao makande pyoo wambao Oli Sipitisa doko naimanya mona andaka epekena lea.

23 Nambame t  sambo lato doko Goteme kandamupa lelyona, nambame nyakama kenda pisala nayatoo latala Kotina yapa naepeo. 24 Naimame u  nyakamanya masoo miningi doko isalanya pyoo nakalyamano. Daa, nyakamame kyoto joo masoo minao kalyamino. Nyakama mona yaepao kalyepale lao naimame nyakama-pipa awapa kalai pyoo kalyamano.

Copyright information for `ENQ