a12:4Lu 23:43
c12:52 Ko 11:30
d12:62 Ko 10:8, 11:16
e12:7Jop 2:6; Lo 9:2
f12:8Mt 26:39,42,44
g12:9Ais 40:29; Lo 1:16, 5:3; 2 Ko 4:7
h12:102 Ko 6:4-5; Pl 4:11-13; Kl 1:24
i12:112 Ko 11:5
j12:12Lo 15:19; 1 Ko 2:4, 15:10; 1 Te 1:5
k12:13Ap 18:3; 2 Ko 11:7,9
l12:142 Ko 13:1
m12:15Pl 2:17
n12:182 Ko 8:6,16-18
o12:20Lo 1:29; 1 Ko 1:11, 3:3; 2 Ko 2:1-4
p12:212 Ko 13:2

2 Corinthians 12

Polome lee manimanimi kandawapi Kamongome laitaka piamopa kandawapi piamo doko

Nambame namba tange lalyepenge. Tange lalyingi mana dokome endakali mende nisala naengeaka doko, dee Kamongome namba-kisa panasiamopa nambame lee manimanimi kandeo dupapi baame namba opale laitaka piapi dupanya latoo. Goteme Kataisa lao masoo miningi akali mende kaiti etete ketae dokonya nyokonyia doko ee kana kingi-ita mende-kisa dee kitomende patelyamo. Akali doko nambame kandenge. Baa lenge tao nyokonyiape imambu ikipi namba masala naelyo. Goteme masilyamo. Goteme a  akali doko Patandisa
b patandisa Juta dupame Gotenya kaiti yuu auu pyoo katapenge enenge mende silyamona lao masetala kenge Patandisa lengema-pyaa.
yuu dokonya nyokonyiamo doko nambame masilyo. Nambame deaka lelyona, baa lenge tao nyokonyiape imambu ikipi namba masala naelyo. Goteme masilyamo. Baame Patandisa yuu dokonya pii etete epe endakalimi nasepenge endakalimi nalena lao nee nyetae dupa sia.
Akali c  doko kandatala namba luiyatoo. Dopaka doko, nambame namba tange kandatala luiyala nayatoo. Opale dupame namba akali tambo lapaena lao laitaka pingi dokonya iki namba luiyatoo. Namba d  luiyatoo lao masetoli kandao doko, namba akali kyakaenge joo nakatatoli. Doko, namba luiyao katatoli kiningi piaka lao katatoli. Dopaka doko, endakali mendeme nambame mana minilyopa kandengepi pii lelyopa singipi dupa nyoo ana pyandatala, namba akali etete epena lao masala naena lao namba luiyala nayatoo.

Opale e  Goteme namba laitaka pia dupa eteteaka epe wakane. Dopaka doko, dopale dupanya namba etete mona yanga laa nayatale lao baame nambanya yonge dokonya teke mende palyekea. Teke palyekeamo doko Satanenya kalai akali jepae dokonyana dokome namba etete mona yanga laa nayatale lao namba tanda dingi. Nambanya f  teke palyekeamo doko yukuoo nepekena lao nambame paa tepomasa Kamongo lao loma soo tee leo. Dopaka g  doko, baame namba langyuu, “Nambanya mona epe palenge doko emba-kisa kapa silyamo. Doko, nambanya pupu lapae dokome endakali tambo lapae dupa-kisa kalai pyokondape pingina,” langia. Dopana, Kataisanya pupu lapae doko namba-kisa sina lao namba tambo lapae joo katenge dupanya etete mona yaepao luiyao katato. 10 Kataisa h  minao paelyosa namba tambo lapae joo katawapi, endakali dupame namba-kisa mana koo minawapi, namba minao koyasowapi, watao pyawapi, tanda dyowapi pilyaminopa namba mona epe palyoo katenge. Doko, namba tambo lapae joo katelyo dokopa Goteme kyoto injisingi.

Polome Kotina kateamino dupa lao masiamo doko

11 Nambame i  kyakaenge joo katao pii lelyo. Doko nyakama mambele kyekelyo. Nyakamame namba lalyiamili kandao doko yaka. Kini namba akali angi mende daa tamo kandao doko, nyakamanya aposele etete wakane dupame namba mendaipi mendeme ita minala nayami. 12 Aposele j  angina lao laitaka pingi dupa kongalipi, kalai paka pipaepi, kalai pupu lapaepi dupa nambame nyakamanya kaina dokonya katao etete kyoto joo maka nakayao pio. 13 Dopana, k  sosa mendapua dupa-kisa aki mende sipumu doko nyakama daa joo kalyamipi? Nambame opale mendenya nyakama minao daa injisoto kandao doko, namba daa joo katao pituu opale mendenya nyakama minao kenda pisala nayo doko iki joo pilyamo. Nambame mana doko koo mende minio tamo kandao doko, kaimini paluma, nyakamame masala nayalapape!

14 Indupa l  nambame nyakama paa tepo pyoo kanja ipanya depa lelyo. Nambame nyakama opale mendenya kenda pisala nayato. Doko, nambame nyakamanya opale mende nyakalanya naipato. Daa, nambame nyakama lanyalanya ipato. Waneme nyakamanya endangi takangepi dupa nisalanya oapi dupa nyoo setala naenge. Endangi takangepimi nyakamanya wane dupa nisalanya oapi dupa nyoo setenge daape. 15 Dopana, m  nambame nyakama nisalanya nambanya oapi dupa pitaka yakinawapi dee namba itange apata yakinawapi pipu laka lao etete masilyo. Nambame nyakama etete auumi kumilyo. Dopa pilyo dokonya nyakamame namba kuki mende iki auu kayatamipi?

16 Nyakamanya mendeme namba kandao lao pituu, “Kini baame naima kenda pisala nayamoaka doko, baa waa katapaena baame naima amai soo langiana,” latami. 17 Doko aipa petalape? Nambame akali epena leo dupanya mendeme nyakama minakasiape? 18 Nambame n  kongo lao Taitesa baa nyakama kateamisa epena latala dee masoo miningi kaiminingi mende doko baapa tole epena lewaka. Taitesa baame nyakama minakasiana lao masilyamipi? Baapa nambapa masingi mendaiyaka paliuu mana awapa lao minao payala nayambape?

19 Nyakamame pepa dake itaki pyao ipatamino dokopa, naima-kisa pii sipya mendapua nyakamanya enomba dokonya naimame yanu pyao langyanya pilyamino lao masetamipi? Daa, naimame dopa pyaanya napilyamano. Naima Gotenya enomba dokonya katao Kataisanya akali joo pii lamaingi. Mona setenge paluma, naimame pilyamano dupa pitakame nyakama nisalanya pilyamano. 20 Namba o  nyakama katatamisa ipato dokopa nambame nyakama kalyapimino lao masotoli pyoo nakatatamini lawapi, dee nyakamame namba kalyapeno lao masetamili pyoo nakatatone lawapi paka kaelyo. Nyakama laiya lawapi, tilya nyowapi, imbu kayawapi, tange iki lao masowapi, pii koo lawapi, mendenya opale mende lale lale payakamaiyowapi, luiyawapi, kyakalya kyakana pyoo lalya lana pingi mana minawapi katatamini lao namba paka kaelyo. 21 Namba p  nyakama katatamisa dee ipato dokopa nambanya Gote dokome nyakama kandatala namba elya pisetame lawapi, dee wamba endakali longo mendapuame elya pingi napipenge piamipi, kepo koleamipi, luiyawaka payamipi mana miniamino dutupa mona kapilyetala maita namaiyamino dupa kandao namba etete ee latone lawapi paka kaelyo.

Copyright information for `ENQ