a2:1Lep 23:15-21; Dit 16:9-11
c2:2Ap 4:31
d2:3Wee 33:6, 104:30; Mt 3:11; Jo 3:8, 20:22
e2:4Mk 16:17; Ap 1:5,8, 4:31, 10:44-46, 19:6; 1 Ko 12—14
f2:5Lu 24:47
g2:6Jen 11:1-9; Mt 28:19; Kl 1:23
h2:7Ap 1:11
i2:11Ap 10:2,46
j2:131 Ko 14:23
k2:14Ap 3:4, 4:8, 5:8,29, 10:5
l2:17-21Joe 2:28-32
m2:17Ap 11:27, 21:9
n2:19Ap 5:12
o2:20Mt 24:29
p2:21Lo 10:13
q2:22Lu 24:19; Jo 3:2; Ap 10:38
r2:23Mt 27:35; Mk 15:24; Lu 23:33; Jo 19:18; Ap 4:10,28; 1 Te 2:15; 1 Pi 1:20
s2:24Mt 28:5-6; Mk 16:6; Lu 24:5; Ap 3:15, 13:34-37
t2:25-28Wee 16:8-11
u2:291 Kiŋ 2:10; Ap 13:36
v2:302 Sam 7:12; Wee 89:3-4, 132:11; Mt 9:27
w2:31Wee 16:10
x2:32Ap 1:8
y2:33Ap 7:55-56
z2:34-35Wee 110:1; Ep 4:8-11
aa2:36Ap 2:23, 5:30-31, 9:22, 10:42, 13:33; Lo 10:9; Pl 2:11
ab2:37Lu 3:10; Ap 16:30
ac2:38Mt 3:2; Lu 24:47; Ap 1:5, 2:33, 3:19
ad2:39Ais 57:19; Joe 2:32
ae2:40Dit 32:5; Mt 17:17; Lu 9:41; Pl 2:15
af2:41Ap 2:47, 4:4, 5:14
ag2:42Ap 1:14, 6:4, 20:7
ai2:43Ap 5:11, 6:8
aj2:43-47Ap 4:32-35, 5:12-16
ak2:45Ap 6:1
al2:46Lu 24:53
am2:47Ap 2:41, 4:21,33, 6:7, 11:21,24

Acts 2

Oli Sipitisa epeamo doko

Pendekosa a,
d pendekosa Jutamanya ee wambu pingi gii doko Pendekosa lengema-pyaa. Gii dokonya Gote lao tama pingima-pyaa.
gii doko epeamo dokopa masoo miningi endakali dupa pitaka anda mendenya limbao peteami-pyaa.
Peteaminopa c  poo andake pupu lapae mendeme uu lengeli pyoo lee mendai uu mende kaiti-kisa katao lea-pyaa. Uu lao ipupala anda peteamino doko tumbia-pyaa. Ipao d  tumbiamopa ita yuli jepae mendapua ipao langa pyao tayatala masoo miningi endakali dupa-kisa wakale wakale lao siamo doko dupame kandeami-pyaa. Oli e  Sipitisa doko dupa pitaka-kisa tumbia-pyaa. Dokopa dutupame Sipitisa dokome pii lena lao maiyali pyoo pii tata waka waka dupa lao sakateami-pyaa.

Juta f  endakali Gote tama pyoo yuu dupa pitakanya katenge dupame nyakamanya yuu dupa yakinatala Jetusaleme ipao kateami-pyaa. Uu g  leamo doko sepala endakali longo dupame ipao kambu piami-pyaa. Kambu pyateaminopa masoo miningi endakali dupame akali kateamino dupanya pii wakale lengeli pyoo leaminosa sepala mona andeami-pyaa. Endakali h  kateamino dutupame walu lao mona andapala lao pituu, “Pii lelyamino endakali dupa pitaka Galili tange taa aipape? Naimanya pii wakale wakale lengeli pyoo silyamano dupa aipa petala silyama kanjemape? Naima Patia tangepi, Mitia tangepi, Ilama tangepi, Mesopotemia tangepi, Jutia tangepi, Kapatosia tangepi, Pondasa tangepi, Esia tangepi dupa kalyamano. 10 Dee mendatupa Pitisia tangepi, Pambilia tangepi, Isipe tangepi, Lipia tange Saitini makisa dosa tangepi dupa kalyamanoaka. 11 Naima i  Jutapi Juta joo katenge dupapi dupa pitaka kalyamano. Loma tange dakenya ipao tisa nao katenge dupapi, Kitita tangepi, Atepia tangepi dupa kalyamanoaka. Endakali atupame naima pitakanya pii wakale wakale lelyamanoli pyoo Goteme kalai andake piamo dupanya lapiminopa naimame silyamano,” leami-pyaa. 12 Dopa latala mona andao dupa pitakame mende lamai lamai pyoo, “Ongo aipa pilyape?” leami-pyaa. 13 Dopa j  leaminopa akali yangimi aiyomba wangatoto petala lamba lao lao pituu, “Endakali atupame waene longo lao nalamini lamona,” leami-pyaa.

Pendekosa gii dokopa Pitame pii leamo doko

14 Dopa k  leaminopa akali kingi ita mende-kisa dee mendai dupa-pipa awapa katao Pitame toya katapala puu lao endakali dupa lamaiyoo, “Nyakama Jutia tangepi Jetusaleme dakenya kalyamino dupapi nyakama pitakame pilyamo dake moname auu pyoo masetala nambame pii langilyo doko salapape. 15 Nyakamame naima waene napala kyekelyaminona lao masilyaminoaka doko, naima nanalamano. Indupa yongama daape. 16 Pilyamo l, m  dake wamba potopesa Joelenya kambu dokonya Goteme pii leamo dokoaka pilyamo.

‘Goteme lao pituu, “Yuu etalanya pitamo gii dokopa nambame nambanya Sipitisa doko endakali dupa pitaka-kisa kai lato.
Gii dokopa nyakamanya ikiningipi wanengepi dupame potopesa joo pii lao panatami.
Nyakamanya wane patange dupame lee manimanimi kandena lawapi
nyakamanya akali wambake dupame kombea pina lawapi nambame maito.
18 Yuu gii dokonya nambame nambanya kendemane enda akalipi dupa-kisa
nambanya Sipitisa doko kai latona dupame potopesa joo pii lao panatami.
19 Nambame n  ketae kaitinya kongali paka pipae dupa pyoo
isa yuunya kalai yale dupa pyoo pito.
Taiyoko dokopi, itatepi, kena andake dokopi ipata.
20 Niki o  doko iminjetala kana doko taiyoko pyoo alutamopa,
Kamongonya gii andake doko panao ipata.
21 Kamongo p  doko lao kee latamino endakali dupa pitaka baame pyoo nyetana,” ’ dopa lao Joeleme pepa pyanya setea-pyaa.
22 “Nyakama q  Isataele dupame pii dake salapape. Goteme Nasatete tange Jisasa doko yapao nyepala nyakamame kandalapale lao panasetea. Baame Jisasanya kingi ongome nyakamanya kaina dokonya kalai pupu lapaepi, kongalipi, kalai paka pipaepi dupa piamo nyakamame kandateami. 23 Wambao r  Goteme masokondape pyoo masetala dopa pituna lao pii lao wasepala nyakamanya kingilyaka baa dia. Diamo doko nyakamame mana setapae nepenge akali dupame baa pyao yukuina lao maitala kumasiami. 24 Dopa s  piaminopa Jisasa kumiamoaka doko, Goteme tanda nao kumingi doko nepatala baa sakatasia-pyaa. Kumingi dokome baa etete minapenge nanjia-pyaa. 25 Dokonyaka t  Dapitimi baa kandao dapa lea-pyaa:

‘Kamongo doko koteaka lao nambanya enomba dokonya katenge doko nambame kandeo.
Baa nambanya kingi tolae dokonya kalyamona,
opale mendeme namba lombasala nayata.
26 Tenge ongonya namba mona yaepatala eteke kayao pii leo.
Dopana, namba kumingi dokome lete katenge epe ipata doko masoo malisilyamo.
27 Embame nambanya imambu doko malu dokonya palena lao kayala nayate.
Namba embanya akali epe etete doko tamuatale lao embame kayala nayate.
28 Embame namba eteteaka lete katato kaita doko laitaka petee.
Emba nambapa awapa katao nambanya mona doko etete yaepasakatena,’ Dapitimi dopa lea-pyaa.
29 “Kaimia u  paluma, naimanya yumbange Dapiti dokonya lao nambame pii yapae napyoo nyakama langilyo. Baa kumiamopa malu piami-pyaa. Baanya malu piamino panda doko kandao kalyamano. 30 Baa v  potopesa dokomena, Goteme baa kandao kiningi etete embanya mandipaenya mandipae mende embanya kiŋi toko dokonya petena latona leamo pii doko masia-pyaa. 31 Goteme w  pitamo dupa Dapitimi wambao kandatala baame Kataisa sakatatamo dokonya dapa lea-pyaa: ‘Baa Goteme malu dokonya satale lao yakinala nayatamopa baa tamuala nayatana,’ lea-pyaa. 32 Goteme x  Jisasa dokoaka sakatasiamopa naima kandeamano dupa pitakame endakali dupa-kisa lao panao kalyamano. 33 Goteme y  baa kaiti-kisa lanyiamopa Gotenya kingi tolae dokonya kalyamo. Wamba Takangeme maitona leamoli pyoo Oli Sipitisa doko Takange-kisa nyepelyamo. Dopa petala indupa nyakamame soo kandelyamino dupa Goteme pilyamo. 34 Dapiti z  baa kaiti-kisa paa nayawaka pituu pii dake lea-pyaa:

35 ‘Kamongo Gote dokome nambanya Kamongo doko lamaiyoo,
“Emba nambanya kingi tolae-kaita katape.
Katatenopa nambame embanya yandapipili dupa embanya moko pundipundi ongonya katena latona,” lea-pyaa.’
36 Nyakama aa  Isataele endakali dupa pitakame etete masokondape pyoo masalapape. Nyakamame pyao yukuiyamino akali Jisasa doko Goteme Kamongo Kataisa katena lateana,” Pitame lea-pyaa.

37 Pitame ab  pii leamo dokome endakali dupanya mona dokonya yandateme pili piamosa dupame Pitapi aposele dupapi dutupa pisoo pituu, “Kaimia paluma, naima aipa pimape?” leami-pyaa. 38 Dopa ac  leaminopa Pitame dutupanya pii yanu pyakamaiyoo, “Nyakama mona kapilyetala nyakama mendai mendai lawanya Goteme koo dupa kunanya nepekena lao Jisasa Kataisanya kenge doko lao kaimbu nyalapape. Dokopa Goteme Oli Sipitisa doko nyakama mee ditona leamo doko dita. 39 Goteme ad  ditona lao pii lanya seteamo doko nyakamanyapi, nyakamanya wane dupapi, yuu etete tependa tange dupa pitakapinya lao lanya setea-pyaa. Naimanya Kamongo Gote dokome epena latae endakali dupanya pii lanya setakamaiyana,” Pitame dopa lea-pyaa. 40 Dopa ae  latala baame pii waipa soo longo leamo dupame endakalinya mona sakatasoo masina lao dapa lamaiya-pyaa: “Nyakama uanga pyoo paenge endakali dupa-pipa koyala nayalapale, Goteme nyakama pyoo nyina lao kalyepapena,” Pitame lea-pyaa. 41 Gii af  dokopa Pitame pii leamo doko auu kayao siamino endakali dupanya kaimbu pyakamaiyami-pyaa. Kaimbu pyatakamaitala kambuanya nyoo konda piamino endakali dupa taosene tepoma jia-pyaa.

42 Dupame ag  aposele dupanya pii sepala mende nisa nisa pyoo katao, betesa konjoo
e betesa konjooAposele dupame nee endakipi nao katao pituu Jisasanya betesapa waenepa dolapo awapa napaka piami-pyaa.
awapa nao, loma soo kyoto joo kateami-pyaa.

Masoo miningi endakali dupanya mana dupa

43 Aposele ai, aj  dupa-kisa Goteme kongalipi kalai paka pipaepi longo dupa piamosa kandatala endakali pitakame paka kayao kateami-pyaa. 44 Dopa piaminopa Gote lao masoo minao kateamino endakali dupa pitaka awapa katao nyakama tangenya opale apalepi siamo dupa pitaka nyakama pitakanya joo seteami-pyaa. 45 Dopa ak  pyoo katao, nyakamame nyakamanya yuupi opale apalepi dupame muni nyepala mende daa joo kateamino dupa mokosoo maiyoo kateami-pyaa. 46 Dutupame al  mona mendai paliuu losuu anda andake dokonya kyoto joo pao kateami-pyaa. Dee tangenya andaka dupanya katao betesa konjoo, nee mokosoo, mende yalo napyoo, mona yaepawaka kateami-pyaa. 47 Dupame am  Gote lao tama pyoo kateaminopa endakali dupa pitakame dokaita kandao auu kayao kateami-pyaa. Kamongome endakali mendatupa pyoo nyepa piamoli pyoo koteaka lao kambuanya konda peta pia-pyaa.

Copyright information for `ENQ