a4:1Lu 12:4,52
b4:1-4Ap 5:17-18,24
c4:2Ap 23:6-8, 24:15,21; 1 Ko 15:20-23
d4:3Ap 3:1
e4:4Ap 2:41
f4:7Mt 21:23; Lu 20:2
g4:8Mt 10:19-20; Ap 2:14,22
h4:10Ap 2:23-24, 3:6,13-16
i4:11Wee 118:22; Mt 21:42; 1 Pi 2:4,7
j4:12Joe 2:32; Mt 1:21; Ap 2:21
k4:13Lu 12:11-12, 21:12-15; Jo 7:15
l4:15-16Jo 11:47-48
m4:18Ap 5:28,40
n4:19Ap 5:29
o4:20Jet 20:9; Ap 1:8; 1 Ko 9:16; 2 Ko 13:8; 2 Ti 1:7-8
p4:21Ap 2:47
q4:24Eke 20:11; Nia 9:6; Wee 146:6; Ap 14:17
r4:25-26Wee 2:1-2; Mt 26:3
s4:27Mt 27:1-2; Mk 15:1; Lu 23:1,7-12; Jo 18:28-29; Ap 3:13
t4:28Ap 2:23
u4:29Ap 18:9-10, 28:31; Ep 6:19
v4:30Ap 3:16, 4:33
w4:31Ap 2:4
x4:32Jo 17:11,21; Pl 1:27
y4:32-35Ap 2:42-47, 5:12-16
z4:33Ap 4:30
aa4:34Dit 15:4; Lu 12:33
ab4:36Ap 11:22, 13:1; 1 Ko 9:6; Ga 2:1

Acts 4

Pita Jonepa akali kanjole dupanya enombanya kateambino doko

Pita a, b  Jonepa dolapome endakali dupa pii lamaiyoo kateambino dokopa pitisa dupapi, losuu anda andake isingi akali dokopi, Satyusi dupapi dupa epeami-pyaa. Ipupala c  pituu mana piipi Jisasa malunya sakateamo tenge dokonya endakali kumapae dupa sakatatamipi pii dupa aipuma endakali dupa lamailyambipi lao masetala mona koo palyiami-pyaa. Dopa d  petala akali dolapo anjetala yuu alemanjoo kuiyamosa taita kosa latama lao dolapo anjingi andaka palena lao anjiami-pyaa. Dopa e  piaminoaka doko, pii siamino endakali longo dupame pii doko lao masoo miniami-pyaa. Masoo miniamino endakali dupa pyasoo tausene yuungipi mende jia-pyaa.

Nyakamanya akali andake dupapi, isingi akali dupapi, mana setapae masingi akali dupapi dupa yongama ipao Jetusaleme yuu dokonya limbiami-pyaa. Pitisa mupa Anasa lenge dokopi, Kayapasa mauwapi, Jonepi, Alekesandapi, pitisa mupa doko palu dupa pitakapi dutupa apata limbiami-pyaa. Dokaitame f  akali dolapo kainanya nyoo katasetala pisoo pituu, “Pupu lapae aki mendepa apinya kenge mendepame kalai dake pimbipi?” lao pisiami-pyaa. Dokopa g  Oli Sipitisa dokome Pita-kisa tumbateamopa baame dupa lamaiyoo, “Akali andakepi, isingi akalipi, nyakamame indupa gii dakenya nalimba kosimi lao akali yaina pyapae dake aipa petala auu pyoo kalyape lao pisilyamino. 10 Dopa h  pilyamino dokonya nyakamapi dee Isataele dupa pitaka-pipame masalapale lao pii dakeme yanu pyekelyambano: nyakamame Jisasa Kataisa Nasatete tange ita pokonya pyao yukuiyamino doko Goteme baa malunya sakatasiamo dokonya kenge dokomeaka akali dake moko epe jetala nyakamanya enombanya kalyamo.

11 “Nyakama i  anda pingi akali dupame anda pingina daa latala nepeamino Jisasa doko pingina mupa jetelyamo. 12 Baame j  iki endakali dupa pyoo nyingi. Yuu dake pitakanya waka mendeme endakali pyoo nyinana lao dokonya kenge doko Goteme laa naengena,” Pitame lea-pyaa.

13 Dokopa k  dokaitame Pita Jonepa dolapo sukulu nalenge mee mendalapona lao masiamino doko, dolaponya paka nakayao pii lenge mana doko kandatala mona andeami-pyaa. Mona andao pituu nyakamame akali dolapo Jisasapa awapa kateamino doko masiami-pyaa. 14 Akali moko epe jakamaiyamo doko dolapo-pipa awapa kateamino kandatala dokaitame piipi mende yanu pyao lapenge nanjia-pyaa.

15 Akali l  dolapo limbingi anda doko yakinatala kamaka pyakalyina latala nyakama tange pii lao wasoo pituu, “Akali dolapo kandao aipa pimape? Dolapome kongali doko pimbinopa Jetusaleme kalyamino endakali dupa pitakame kandatapimino dokonya naimame napimbina lapenge nanjilyamo. 17 Dopaka doko, pii doko endakali waka dupanya etete lao tayatamopa kapa napitana, akali dolapome Jisasanya kenge doko lao endakali mendaipi mende dee pii lamaiya naena lao pyalanya lamana,” leami-pyaa. 18 Dopa m  lao pii wasoo etapala akali dolapo epena latala, “Nyalambome Jisasanya kenge doko lao pii manapi etete kukipi mende lamaiya nayalapape,” leami-pyaa.

19 Dopa n  leaminoaka doko, Pita Jonepame dokaitanya pii yanu pyao dapa leambi-pyaa: “Nalimbame nyakamanya pii sakao kalyanya Gotenya pii doko kayatambanopa Goteme kapana latape? Nyakama tangeme masalapa. 20 Nalimbame o  kandeambano dupapi siambano dupapi dutupa kapa pao kayala nayatambana,” leambi-pyaa. 21 Dokopa p  dokaitame akali dolapo piimi kyoto joo pyalanya latala pena lao yakineami-pyaa. Doko, Goteme piamo doko endakali pitakame kandatala tama piaminosa endakali dupa paka kayami-pyaa. Dopa petala dokaitame akali dolapo tanda maipenge kaitini mende kandao nanyiami-pyaa. 22 Akali dolapome kongali pyoo moko koo dee auu pisiambino akali doko ee kana kingi ita kitomendenya ulutena joo nepatae-pyaa.

Goteme pupu lapae dina lao masoo miningi endakali dupame loma siamino doko

23 Dokopa dupame dolapo yakinateaminopa dolapome nyalambonya awapa katenge dupanya andaka pupala pitisa mupa dupapi isingi akali dupapi dupame pii leamino dupa pitaka panao lamaiyambi-pyaa. 24 Dupame q  sepala pituu, pitakame mona mendai paliuu Gote lao puu lao dapa lao loma siami-pyaa: “Kamongo, embame yuupi, kaitipi, endakipi dee dupanya singi dupapi dupa pitaka wasii-pyaa. 25 Oli r  Sipitisa dokome embanya kalai akali naimanya yumbange Dapiti doko lungu pisetala baa-kisa embame dapa lea-pyaa:

‘Aipuma endakali tata waka dupame kandanya paliuu imbu kayami-pyaape?
Aipuma naimanya tata dupame angi nanjepenge kalai dupa pimana lao kaita kutiami-pyaape?
26 Yuunya kiŋi dupame isoo kateaminopa akali andake dupame limbatala Kamongo Gotepa baanya Kataisa dokopa dolapo koyasalanya piami-pyaana,’ dopa lea-pyaa.
27 Doko, s  kiningi etete yuu dakenya Etotepi, Pondiasa Pailatepi, Isataele tata dupapi, tata wakapi dupa pitakame embanya kalai akali etete epe embame yapao nyiino Jisasa doko koyasalanya yuu taono dakenya limbiami. 28 Embanya t  pupu lapaepa masingipa dolapome dopa pina latona lao masiino dokoaka piami. 29 Dopana, u  indupa dokaitame naima pyalanya lao pii lelyamino dupa Kamongo Gote embame sepe. Sepala naima embanya kendemane dupame paka nakayao, embanya pii doko etete pupu lao lamaiyepale lao embame naima nisepe. 30 Dopa v  pyoo katao embanya kingi lyaa latala embanya kalai akali etete epe Jisasanya kenge doko lao yaina pyapae mee injisoo, kongalipi kalai paka pipaepi dupa pyoo katape,” lao loma siami-pyaa. 31 Dopa w  lao loma sepeaminopa limbao peteamino anda doko ema-ema pia-pyaa. Dokopa Oli Sipitisa dokome dokaita pitaka-kisa tumbateamopa paka nakayao Gotenya pii doko pupu lao lamaiyami-pyaa.

Oapi siamo dupa nyakama pitakanya joo siamo doko

32 Gii x, y  dokopa endakali masoo miningi dupa pitakame mona mendai joo masingi mendaiyaka paliuu kateami-pyaa. Endakali mendaipi mendeme baanya oapi siamo dupa nambanya ikina nalenya, oapi siamo dupa naima pitakanyana lao isoo kateami-pyaa. 33 Dopa z  pyoo kateaminopa aposele dupame Kamongo Jisasa sakateamo kandeamino pii doko etete kyoto joo lamaiyoo kateami-pyaa. Dokopa Goteme mona epe palenge andake doko dokaita pitaka-kisa sia-pyaa. 34 Endakali aa  mendaipi mende dopale mende daa jala naya-pyaa. Endakali mendenya andapi yuupi siamo dupame muni nyepala minao ipao aposele dupanya kingilyaka setapa piami-pyaa. Aposele dupame nyepala mende daa jiamoli pyoo endakali dupa mokosoo maiyoo kateami-pyaa. 36 Gii ab  dokopa akali Josepe lenge mende Lipai tata dokonya endangimi Saipotasa yuu dokonya mandea mende katea-pyaa. Aposele dupame Josepenya kenge enenge mende Banapasa leami-pyaa. Kenge leamino dokonya tenge doko mona yaepasakamaingi akalina leami-pyaa. 37 Josepeme baanya yuu mende siamo dokome muni nyepala minao ipao aposele dupanya kingilyaka setea-pyaa.

Copyright information for `ENQ