a2:1Kl 1:24; 1 Te 2:17
b2:2Ep 3:4,18-19; Kl 1:26
c2:3Pot 2:4-5; Ais 45:3; 1 Ko 1:24,30; Ep 3:19
d2:4Lo 16:18; Ep 4:14, 5:6; Kl 2:8
e2:51 Ko 5:3-4; Pl 1:27; 1 Te 2:17
f2:6Ep 4:21; Ip 2:9
g2:7Ep 2:20-22, 3:17; 1 Te 2:13
h2:8Mt 15:2; Ga 4:3; Ep 4:14, 5:6; Kl 2:3
i2:9Jo 1:14,16; Kl 1:19
j2:10Ep 1:13,21-22, 3:19, 4:12-13
k2:11Jet 4:4; Lo 2:29; Pl 3:3
l2:12Lo 1:4, 6:3-4, 8:11; Ep 1:19-20, 2:6
m2:13Ep 2:1-5; Kl 1:22
n2:14Ep 2:14-16; 1 Pi 2:24
o2:15Ais 53:12; 2 Ko 2:14; Ep 1:21; Kl 1:13; 1 Pi 3:22
p2:16Lo 14:1-12; Ga 4:3; 1 Ti 4:3; Ip 9:10
q2:17Ep 1:23; Ip 8:5, 10:1
r2:18Ga 6:12
s2:19Ep 1:22, 2:21, 4:15-16
t2:20Ga 4:3-5,9
u2:211 Ti 4:3
v2:22Ais 29:13; Mt 15:9; Mk 7:7; 1 Ko 6:13, 8:8
w2:232 Ti 3:5

Colossians 2

Nambame a  nyakamapi, Leotosia yuu dokonya kalyamino endakali dupapi, namba enomba nakandenge endakali dupapi, dupa nisalanya etete lekeleke tao kalyo doko nyakamame masipimi laka lao nambame masilyo. Dupame b  mona yaepao mende auu kaya kaya pyoo tole pyao katena lao dopa pyoo lekeleke tao kalyo. Dee etete longo paka masingimi kiningi lao masokondape pyoo masingi doko pitaka dupame masoo, Goteme yalo piamo Kataisa doko auu pyoo masina lao dopa pilyo. Gotenya c  eteteaka epe mana kandapenge dupapi baanya masepenge dupapi dupa pitaka Kataisa-kisa yalo petae silyamo. Nambame d  dopa lelyo doko aipuma lelyope? Endakali mendeme pii kaiyu lapae mendeme nyakama minakasina lao kayala nayalapale lao lelyo. Kini, e  namba nyakama-pipa tole nakalyamanoaka doko, nambanya masingi doko nyakama-pipa tole katao nyakamame mana epe awapa lao miningipa Kataisa lao kyoto joo masoo miningipa dolapo kandao mona yaepao kalyo.

Kataisapa pakatae katao auu pyoo katenge doko

Nyakamame f  Kamongo Kataisa Jisasa doko nyepeamino dokonya baapa pakatae katao payalapape. Nyakama g  baa-kisa pingi pyambatala kyoto joo katao mana nyiaminoli pyoo masoo miningi doko pupu lao minao yaka pilino lawaka kalyepape.

Akali h  mendeme Kataisanya lao mana langya naenya yumbangenya mana miniamino dupapi yuunya mana dupapi endakalinya mee sambo pii dopale mende watao minalapale lao nyakama mana langitala pyalya lao nyoo soo patana kandao kalyepape. Doko i  aipuma? Akali Kataisa doko Gote baa tange itata kalyamo. 10 Kaitinya j  isingi dupapi enomba nyoo isoo katenge dupapi dupa pitakanya etete ulusale katenge Kataisa dokopa nyakama pakatae katao etete auu pisetae kalyamino.

11 Nyakama k  baapa pakatae kateaminopa endakali kingimi elya pingi kambu kepengeli pyoo akali nyakamanya kepakala naenya, Kataisanya mana dokome nyakamanya elya pingi kambu kepatakala yongeme koo pipu laka lao masingi pupu lapae dokonya nyakama mokao nyia. 12 Kini, l  Goteme Kataisa malunya sakatasiamo pupu lapae doko nyakamame masoo miniamino dokonya-kaita Goteme baanya kaimbu dokonya nyakama Kataisapa awapa malu petala dee baa-pipa awapa malunya sakatasia. 13 Wamba m  nyakamame koo piamino dokopa nyakamanya yongenya koo pipu laka lao masingi dokopa dolaponya kumapae joo kateaminopa Goteme nyakama Kataisa-pipa awapa lete katasia. Baame naimanya koo dupa pitaka kunanya nepekea. 14 Mana n  setapae dokonya naimame dopa pyoo yanu pyalapapena lao pepa pyapae siamo doko Goteme kunanya nepekea. Baame pepa doko nyoo ita pokonya nili pyambatala mee jinya nepea. 15 Baame o  Kataisa ita pokonya kumiamo dokonya-kaita sipitisa koo dupanya isingi dupapi enomba nyoo isoo katenge dupapinya konambipi yanda yandatepi dupa nyoo nepao ita minatala elya sina lao panao anjoo laminao pea.

16 Dopana, p  nyakamame nee natamino dupapi, endaki natamino dupapi, gii epe mendenya pitamino dupapi, kana enenge lasilyamopa kandao katenge gii andake dupanya pitamino dupapi, Sambasa gii dupanya kalai pitamino dupapi dupanya endakali mendeme nyakamame dopa napinya dapa pyepa latamo doko nasalapape. 17 Mana q  dopale dupame maitakao pitamo dupa makande pyoo mee wambao sia-pyaa. Dopaka doko, angi doko Kataisa. 18 Dopana, r, s  endakali mendapuame lee manimanimi kandelyami dupanya pii longo lao latala sambo anasale joo kalyona lao masoo enjele dupa tama pingi endakali dupame nyakama-kisa koo silyamona lena lao kayala nayalapape. Dupame alyasale joo kalyamanona lao mee masingi katapao Kataisa aiyomba joo katenge doko yakinatelyamino. Kataisame yonge doko pitaka nee maiyoo yonge dokonya kuli kongapupi dupa pitaka nyoo kopelyamo. Dopa pipumopa Goteme yonge doko andapyali lao masipyali pyoo andao kalyamo.

Kataisapa awapa enenge joo kalyamino leamo doko

20 Nyakama t, u  Kataisapa awapa yuunya mana koo dupanya kumateamino doko indupa aipuma nyakama yuunya endakali joaka kalyamipi? Aipuma nyakama endakali dupame nee mendapua nala nayao, nakande nasoo, watandala nayao kalyepape lao langina lao kaelyamipi? 22 Dopale v  dupa pitaka napaesa etenge. Makande setapae dopale dupapi mana pii dopale dupapi dupa endakalimi iki seteami. 23 Endakali w  dupa tangeme tama pingi mana seteami dokopi, dupanya anasale joo kalyamano lao masingi dokopi, dupame tange kenda pisilyamino mana dokopi, dupa kandengesa auu pipae mana mende sili pilyamo. Dopaka doko, mana dopale dupame yongeme pipu laka lao masingi doko kaita lyokala naenge.

Copyright information for `ENQ